Свет
Руски воени авиони со војници слетале во Венецуела, никој не знае зошто

Два руски воени авиони слетале вчера на аеродромот во Каракас со високи офицери и стотина војници, објавил локален новинар. Една страница за следење летови, покажала дека два авиони во петокот полетале од руската воена база кон Венецуела, а друга пак дека еден авион денеска го напуштил Каракас.
ULTIMA HORA Esta tarde llegó al aeropuerto de Maiquetía una comitiva de 99 militares rusos, al mando del ministro de la Defensa del país mayor gral Vasilly Tonkoshkurov. Fueron recibidos en rampa presidencial por la VA Marianny Mata,dir Asuntos Internacionales e Integración(1/2)
— Javier I. Mayorca (@javiermayorca) March 24, 2019
Овие информациите се објавени три месеци откако двете држави одржаа заедничка воена вежба во Венецуела, која претседателот Николас Мадуро ја нарече зајакнување на билатералните односи, а САД го критикуваше руското мешање во тој регион.
Новинарот Хавиер Мајорка напиша на Твитер дека со првиот авион стигнал Василиј Тонкошкуров, шеф на стожерот на руските копнени сили, а дека другиот авион бил товарен со 35 тони материјал.
Hoy llegaron al aeropuerto Internacional de Maiquetía estos dos aviones de la Fuerza Aerea rusa.
1 Ilyushin Il-62M
1 Antomov 124Fotos: cortesía pic.twitter.com/w7hgQhyivr
— Federico Black B. (@FedericoBlackB) March 23, 2019
Патничкиот авион Илјушин ИЛ-62 и воениот транспортер Антонов АН-124 полетале во петокот кон Каракас од воениот аеродром Чкаловски и на патот запреле во Сирија, според податоците на страницата „Флајтрадар 24“.
Товарниот авион го напуштил Каракас вчера утрото, покажала втората страница „Adsbexchange“.
Министерството за информации на Венецуела, како ни руското министерство за одбрана и за надворешни работи не одговориле на овие извештаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Принцот Вилијам: Заштитата на семејството е најважна, ќе се стремам да ја модернизирам монархијата

Британскиот принц Вилијам изјави дека заштитата на неговото семејство му била најважна кога неговата сопруга, принцезата Кејт и неговиот татко, кралот Чарлс, се разболела од рак, и најави дека како иден суверен, ќе се стреми да ја модернизира монархијата.
Во интервју за канадската емисија на актерот Јуџин Леви, британскиот наследник на престолот рече дека понекогаш се чувствува „преоптоварен“ од семејните проблеми, наведувајќи дека ќе ги заштити своите потомци од прекумерна медиумска изложеност, објави Ројтерс.
„Грижата и стресот од семејните прашања навистина ме преоптоваруваат доста. Кога станува збор за семејството и слично, се чувствувам малку преоптоварен, како што мислам дека би се чувствувале повеќето луѓе. Тоа е многу по лично“, рече британскиот принц.
Минатата година, Кејт и кралот Чарлс, кој сега има 76 години, започнаа со лекување од рак.
Додека неговата сопруга сега е во ремисија, Вилијам истакна дека тоа била најтешката година во неговиот живот. „Животот нè става на тест. Може да биде многу предизвикувачки, а надминувањето на тие предизвици нè прави тоа што сме.
„Горд сум на мојот сопруга и татко, како ја поминаа целата измината година.
Моите деца исто така се справија брилијантно“, рече Вилијам. Вилијам зборуваше за животот во кралското семејство и неговата визија за иднината.
Тој се осврна на интензивното медиумско известување за разводот меѓу неговиот татко и покојната принцеза Дајана, истакнувајќи дека медиумите се „насекаде, буквално насекаде“.
„Штетата што може да ја нанесе на семејниот живот е нешто што си ветив дека нема да му се случи на моето семејство. Затоа имам многу јасен став за тоа каде е линијата и за оние што ја преминуваат, знајте дека ќе се борам против тоа“, нагласи принцот.
Тој рече дека не размислува многу за искачувањето на тронот, но призна дека планира да ја извршува улогата поинаку.
„Мислам дека може слободно да се каже дека промената е на мојата агенда. Промена на подобро.
Тоа е делот што ме возбудува, можноста за правење некои промени. Не премногу радикални, но оние што мислам дека се неопходни“, рече принцот Вилијам, пренесува Танјуг.
Фото: принтскрин
Свет
Орбан: Унгарците не сакаат да ја делат ЕУ со Украинците

Унгарскиот премиер Виктор Орбан го повтори својот став дека Унгарците не сакаат да бидат во ист сојуз со Украинците за да не ја делат својата судбина – а судбината на Украинците, според него, е да бидат покрај Русија, рече тој во интервју за унгарското радио „Кошут“.
„Унгарците не сакаат да бидат во истата Европска унија како Украинците“, рече тој, додавајќи дека длабоко се согласува со тоа. „Ако сте со некого во федералниот систем, ја делите неговата судбина, а Украина е земја со многу тешка судбина. Зошто да ја делиме таа тешка судбина?“, праша тој.
„Не сакаме да ја делиме нашата судбина со нив“
Како што пишува „Украинска правда“, тој нагласи дека Унгарците имаат своја судбина, која е многу полесна од украинската.
„Ние чувствуваме жал за нив, сочувствуваме со нив, тие се борат храбро, мора да ги поддржиме, но не сакаме да ја делиме нивната судбина“, истакна тој.
Според унгарскиот премиер, судбината на Украинците е таква што тие живеат покрај Русија и постојано се во војна со Русите. Орбан рече дека сака да ја ослободи Унгарија од потребата да биде во федерален систем со Украинците и да се бори со Русите.
„Ако сте во федерален систем со некого и ве нападнат, порано или подоцна ќе мора да испратите војници, а ние не сакаме да умреме за Украина“, рече тој.
Фото: принтскрин
Свет
Масивен руски напад врз украинските гасни постројки: „Ова е најголемиот досега“

Русија изврши големи воздушни напади врз некои од главните украински постројки за производство на гас, предизвикувајќи критична штета во некои случаи додека Украина се подготвува за зима.
„Во текот на ноќта, Русија лансираше 35 ракети и 60 беспилотни летала врз инфраструктурата на државната компанија ‘Нафтогаз’ во регионите Харков и Полтава“, изјави главниот директор на компанијата Сергеј Коретски, додавајќи дека тоа е најголемиот напад врз „Нафтогаз“ досега.
„Како резултат на тој напад, значителен дел од нашата инфраструктура беше оштетен. Дел од штетата е критична“, додаде тој во објава на „Фејсбук“.
„Немаше воена цел или оправдување. Ова беше уште еден приказ на руското зло, насочено единствено кон нарушување на грејната сезона и негирање на можноста на Украинците да ги загреат своите домови оваа зима“, рече тој.
Руското Министерство за одбрана потврди дека неговите сили извршиле напади преку ноќ врз украинската гасна и енергетска инфраструктура, додавајќи дека нападнале и воено-индустриски цели.
Украинските сили, исто така, ги засилија нападите врз руските рафинерии длабоко на руска територија во последните месеци, предизвикувајќи недостиг на гориво во некои региони.