Свет
Руски пратеник ранет во Украина, Кадиров тврди дека е убиен: „Мојот брат нема да се врати“
Руски пратеник е ранет во војната во Украина, пренесуваат руските медиуми. Чеченскиот лидер Рамзан Кадиров, пак, тврди дека рускиот пратеник е мртов.
Станува збор за пратеникот Адам Делимканов, кој ја претставува Чеченија во парламентот на руската Дума и за кој се тврди дека е близок соработник на Кадиров.
Веста за неговото ранување, всушност, беше објавена во руските медиуми со цел да се демантира веста што ја пренесоа украинските медиуми дека е убиен Делимканов. Думата, која потврди дека Делимканов е повреден, сепак не ги објави околностите под кои пратеникот Делимканов бил ранет, ниту во каква состојба бил пронајден.
Претходно, украинскиот воен и политички коментатор Кирил Сазонов на својата фејсбук-страница објави дека единицата во која се наоѓал Делимканов била нападната, односно бомбардирана со артилериски оган.
А Кадиров во објава на својот профил на „Телеграм“ изјави дека неговиот „брат“ Адам Делимканов нема да се врати. Кадиров дури побарал од украинските разузнавачки служби да му дадат информации за тоа кои позиции ги гаѓале за да оди да си го земе својот „брат“.
„Раша тудеј“ наведува дека 53-годишниот Делимканов му бил десна рака на Кадиров и дека тој бил командант на чеченските единици, кои се борат на страната на Русија во Украина.
Ramzan Kadyrov published a cryptic message on his telegram saying he lost his dear BROTHER Adam Delimkhanov who is not getting back to him. Kadyrov is asking Ukrainian intelligence to say what positions they hit so he could find his friend:
“I’m unable to reach Adam Delimkhanov… pic.twitter.com/hWBYTZX4s6
— Dmitri (@wartranslated) June 14, 2023
Минатата година му беше доделена највисоката чест што ја доделува Чеченија за неговите заслуги во битките во Донбас, Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.