Свет
САД обвинуваат: Ким со хемиско оружје го убил својот полубрат
![](https://makfax.com.mk/wp-content/uploads/2018/03/kim-jong-un.jpg)
САД утврдиле дека полубратот на Ким Џонг-ун бил убиен по наредба на севернокорејските власти со агенсот VX кој во суштина е невротоксична супстанца. Врз основа на овој заклучок, Вашингтон веднаш воведе нови економски санкции кон Северна Кореја и тоа истиот денот кога Јужна Кореја укажа дека Пјонгјанг е подготвен да разговара со САД во врска со прашањето за ослободување од нуклеарното оружје.
„САД остро ја осудуваат употребата на хемиско оружје за да се изврши убиство“, истакна синоќа во соопштение Хедер Нојерт, портпаролка на Стејт департментот, притоа наведувајќи го името на Ким Џонг-нам, полубратот на севернокорејскиот лидер.
Ким Џонг-нам беше убиен среде бел ден, на 13 февруари 2017 година, на аеродромот во Куала Лумпур, Малезија. Додека чекал лет за Макао, две жени му се прибрижиле и го испрскале со некаква супстанца во лице, а целиот настан беше регистриран и од надзорните камери на авионот. Починал набргу откако бил пренесен во болница. Траги од VX, невротоксичен агенс класифициран како оружје за масовно уништување, беа пронајдени на неговото лице и очите за време на аутопсијата.
„На 22 февруари Вашингтон утврди дека таа супстанца била директно употребена од владата на Северна Кореја за да го убие Ким Јонг-нам“, рече Нојерт.
„Ваквиот јавен приказ на непочитување на универзалните норми против употребата на хемиско оружје е уште еден доказ за опасната природа на Северна Кореја и покажува дека не може да си дозволиме да толерираме каква било севернокорејска програма на оружје за масовно уништување“, подвлече Нојерт. Инаку, Северна Кореја е веќе под серија санкции од страна на САД и Обединетите нации, па затоа овие нови санкции се во голема мера симболични.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Германската полиција уби навивач кој со секира влегол во фан-зоната на Европско првенство (ВИДЕО)
![](https://makfax.com.mk/wp-content/uploads/2024/06/germanija.jpg)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
![](https://makfax.com.mk/wp-content/uploads/2024/06/soobrakajka.jpg)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.
Регион
Црвен аларм за туристите на Јадранот: месојадни црви забележани на плажите во Будва, Црна Гора и во Италија
![](https://makfax.com.mk/wp-content/uploads/2024/06/crvi.jpg)
Месојадни црви се забележани на плажите во Будва, Црна Гора и во италијанските региони Сицилија, Калабрија и Апулија. За туристите и за жителите од овие региони издаден е црвен аларм за инвазија од месојадните црви, пишуваат денес српските и црногорските медиуми.
Невротоксинот во што го испуштаат месојадните црви предизвикува главоболка и вртоглавица. Долги се од 20 до 30 сантиметри и главно живеат на камено но и во песочното морско дно. Вообичаени се на Карибите и во тропските региони на западниот Атлантик.
Институтите за истражување на црви предупредуваат дека ваквите црви прават штета на рибарската индустрија оти се фаќаат за риболовната опрема. Многумина истражувачи работат на ограничување на ширењето на овој вид црви и на социјалните мрежи поттикнуваат секој што ќе ги забележи да пријави.
За оние кои ќе дојдат во допир со вакви црви, експертите советуваат боцките да се отстрануваат со суви прсти или леплива лента за да се избегне триење на кожата. Освен дезинфекција, препорачуваат да се измијат со ладна вода зафатените делови од телото и посета на лекар доколку се појават алергиски симптоми или покачена телесна температура.
На социјалните медиуми, минатиот месец, вакви црви првпат беа пријавени во Будва, Црна Гора.