Свет
САД планираат драстично да ја прошират програмата за обука на украинските војници
Вашингтон размислува за значително проширување на својата програма за обука што американската војска им ја обезбедува на украинските сили, изјавија неколку официјални лица за Си-ен-ен, кој известува дека Американците може да обучуваат околу 2.500 украински војници месечно во американската воена база во Германија.
Таа промена не само што значително ќе го зголеми бројот на Украинци обучени од американската војска туку и разните видови обука. Во моментот Украинците се главно обучени во релативно мали групи за употреба на специфично оружје. Но, доколку програмата драстично се прошири, како што сугерираат најавите, Си-ен-ен наведува дека „значително поголеми групи украински војници би добиле обука за употреба на софистицирани тактики на бојното поле“.
Дополнително, проширувањето на програмата за обука би значело „многу поинтензивна и сеопфатна обука“ од она што Украинците моментно го добиваат во Обединетото Кралство или од Полска. Администрацијата на американскиот претседател во моментот го разгледува предлогот за драстично проширување на програмата за обука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Секој осми млад Германец не слушнал за Холокаустот, анкетирани и млади лица во Европа и САД – податоците неочекувани
Еден од осум млади Германци никогаш не слушнале за Холокаустот, термин за систематско убивање Евреи за време на нацистичката ера, покажува истражувањето.
Во истражувањето, во кое беа опфатени млади луѓе на возраст меѓу 18 и 29 години, 12 отсто од испитаниците рекле дека никогаш не слушнале за терминот.
Тој удел е уште поголем во Австрија, 14 отсто, Романија 15 отсто и во Франција неверојатни 46 отсто, пренесува „ДПА“.
Истражувањето е нарачано од Конференцијата за еврејски барања за компензација, во време на подемот на екстремната десница во Европа.
Околу 1.000 млади луѓе беа анкетирани во Германија, Франција, Австрија, ОК, Полска, Унгарија, Романија и САД. Во сите овие земји, значителен дел од испитаниците не знаеле дека за време на нацистичката ера биле убиени околу шест милиони Евреи, а во Германија тоа било дури две петтини.
Во Германија два отсто од испитаниците се согласиле дека холокаустот воопшто не се случил.
Големо мнозинство во речиси сите земји испитани процениле дека нешто како Холокаустот може да се случи денес: 76 отсто во САД, 69 отсто во Британија, 63 отсто во Франција, 62 отсто во Германија и 61 отсто во Австрија.
Централниот совет на Евреите во Германија со тревога реагираше на резултатите од истражувањето.
„Загрижувачкиот пораст на антисемитското вербално и физичко насилство што го гледаме во Германија е главно вкоренет во дезинформации и недостаток на податоци за холокаустот“, рече претседателот на Советот Јозеф Шустер.
Регион
Лајчак: Го ценам конструктивниот дијалог за проширувањето на ЕУ што се води во Давос
Специјалниот претставник на ЕУ за дијалогот Белград-Приштина и други регионални прашања на Западен Балкан, Мирослав Лајчак, денеска изјави дека го цени конструктивниот дијалог за проширувањето на ЕУ со земјите од Западен Балкан што се одржува на Светскиот економски форум во Давос.
„Дискусија за ЕУ иднината на нашите соседи за која вреди да станеме рано. Ја ценам конструктивната дискусија за проширувањето на ЕУ на традиционалниот Светски економски форум во Давос“, објави Лајчак на мрежата „Икс“, зборувајќи за дипломатскиот дијалог за Западен Балкан.
Свет
Унгарија има план доколку гасоводот „Турски тек“ стане нефункционален
Унгарската влада има подготвено план за вонредни ситуации доколку гасоводот „Турски тек“ стане нефункционален, изјави шефот на кабинетот на унгарскиот премиер Гергели Гуљас.
Тој нагласи дека испораката на гас за Унгарија ќе биде обезбедена, но додаде дека најверојатно тоа ќе чини многу повеќе, пренесе „ТАСС“.
Гуљас потврди дека има акциски планови за кризни ситуации откако неодамна беше загрозен Турскиот тек.
Шефот на кабинетот на унгарскиот премиер Виктор Орбан не навлегува во детали за планот.