Свет
САД: Провокативните активности на Кина може да доведат до поширок конфликт
Провокативните активности на Кина во близина на Тајван и Јапонија и во Јужното Кинеско Море може да предизвикаат инцидент што би довел до поширок конфликт, изјави денеска Сандра Оудкирк, директорка на Американскиот институт во Тајван.
Таа рече дека провокативните дејствија по дефиниција се опасни, бидејќи со себе носат можност за погрешно проценување и инцидент што можел да предизвика поширок конфликт.
Пекинг го смета Тајван за кинеска територија и не ја исклучува употребата на сила за преземање контрола на островот.
Кина е исто така вклучена во спор со Филипините поврзан со Јужното Кинеско Море, според Ројтерс.
Тајван го изрази своето незадоволство што се соочи со одложување на испораката на оружје купено во САД.
Сандра Оудкирк изјави дека производството на американско оружје и друга воена опрема е сериозно погодено од пандемијата на коронавирусот, но дека тоа се нормализира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД планираат да ја пренасочат испораката на системот „Патриот“ во Украина
Администрацијата на американскиот претседател Џозеф Бајден планира да ги суспендира сите тековни нарачки за системи за противвоздушна одбрана и ракети пресретнувачи „Патриот“ и да ја пренасочи нивната испорака во Украина додека не се задоволат одбранбените потреби на земјата, пишува денеска „Фајненшл тајмс“.
Овој потег би можел да биде објавен подоцна во текот на денот, се вели во извештајот на ФТ цитирајќи три добро информирани луѓе запознаени со потегот.
Како што пренесува „Ројтерс“, Украина бара американски ракетни системи „Патриот“, кои се покажаа како витални за способноста на Киев да соборува руски балистички и хиперсонични ракети.
Регион
БиХ: Поради високите температури, работата на отворено е прекината од 12 до 17 часот
Министерството за труд и социјална политика на Федерацијата Босна и Херцеговина денеска им препорача на работодавците дека поради високата температура на воздухот, да ја разгледаат можноста за прекин на работата на отворено од 12 до 17 часот.
„Доколку работата на работодавецот е организирана така што не може да се примени оваа мерка, се препорачува работниците што работат на отворено да почнат со работа од 6 часот наутро“, се вели во соопштението на Министерството, пренесува „Срна“.
Во соопштението се посочува дека работодавците треба да им обезбедат на работниците посоодветна облека, приспособена на високата температура, како и користење годишен одмор за вработените со дијагностицирани хронични заболувања.
Свет
Путин и Лам ја усвоија изјавата за стратешко партнерство меѓу Русија и Виетнам
Претседателите на Русија и Виетнам, Владимир Путин и То Лам, денеска, во Ханој, усвоија изјава за натамошно продлабочување на сеопфатното стратешко партнерство на двете земји по повод 30-годишнината од спроведувањето на руско-виетнамскиот договор за основа на пријателски односи.
За време на посетата на Путин на Виетнам беа потпишани најмалку 11 договори, пренесува ТАСС.
Станува збор за договори за соработка меѓу двете земји во областа на енергетиката, високото образование, правосудните институции, даночните служби и царината.
Потпишан е и договор за изградба на нуклеарен научно-технолошки центар во Виетнам со учество на руската државна корпорација за атомска енергија „Росатома“.
Потпишан е и договор за соработка меѓу Русија и Виетнам во развојот на лабораториска инфраструктура за борба против епидемии.
Ова е петта посета на Путин на Виетнам, а прва од 2017 година.
Путин пристигна во Виетнам во средата вечерта по посетата на Северна Кореја, при што го потпиша договорот за стратешко партнерство со лидерот на таа земја, Ким Џонг-ун.