Свет
Сана Марин ја напушта функцијата лидер на социјалдемократите во Финска: Се надевам дека ќе водам помирен живот
По поразот на парламентарните избори во Финска, премиерката во заминување, Сана Марин , објави дека ќе се повлече од функцијата лидер на социјалдемократите.
Триесет и седумгодишната Марин на прес-конференцијата рече дека „дошла до заклучок дека нема да се кандидира за уште еден мандат на конгресот во септември за раководството на СДП“.
Таа додаде дека ќе биде пратеник во новиот парламентарен состав. „Следната недела ќе почнам да работам како пратеник и се надевам дека ќе можам да водам помирен живот“, додаде таа.
Таа нагласи дека нема намера да се кандидира за претседател и дека не добила понуди за меѓународна функција.
Десничарската Национална коалиција победи на парламентарните избори во неделата. Два дена подоцна, во вторникот, Финска стана 31. членка на НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Борисов: Во моментов никој не може да формира влада
Лидерот на бугарската партија ГЕРБ и поранешен премиер на таа земја, Бојко Борисов денеска изјави дека ниту една партија во моментов не може да формира стабилна влада.
Тој за новинарите изјави дека актуелната ситуација го попречува напредокот на Бугарија кон влезот во еврозоната, цел за која верува дека може да се постигне доколку има стабилна влада предводена од ГЕРБ, пишува порталот Новините.
Тој ја критикуваше предизборната кампања на одредени партии, велејќи дека политичките партии повеќе се фокусирани на добивање изборна предност отколку на ефективно владеење.
Свет
Во Индонезија уапсени 103 странци осомничени за сајбер криминал и злоупотреба на визи
Индонезиските имиграциски власти уапсија 103 странски државјани за време на рација во вила на островот Бали, вклучувајќи Кинези и Малезијци, осомничени за сајбер криминал и злоупотреба на визи и дозволи за престој, соопштија денеска официјални лица.
Според извештаите, рацијата била извршена во средата во вила во селото Кукух во областа Табанан на островот Бали кога биле уапсени 91 маж и 12 жени.
Запленети се и компјутери и мобилни телефони, соопштија официјални лица, пренесе АП.
Свет
Украина доби 1,9 милијарди евра од ЕУ
Украина доби 1,9 милијарди евра безусловна финансиска помош од ЕУ, што придонесува за одржување на макроекономската стабилност и финансирање на приоритетните буџетски потреби, соопшти украинското Министерство за финансии.
„Државниот буџет на Украина доби транша од безусловно финансирање во износ од 1,9 милијарди евра од Европската унија. Средствата беа обезбедени од финансиски инструменти на ЕУ од фондот за Украина“, се наведува во извештајот, а пренесува украинскиот медиум УНН.
Беше најавено и дека Украина ќе ги добива следните транши на квартална основа, под услов да се исполнат индикаторите дефинирани во планот за Украина.