Свет
Саркози мора да се појави пред суд како сведок
Поранешниот француски претседател Никола Саркози ќе треба да сведочи на судењето на поранешните помошници, кои се обвинети за злоупотреба, одлучи судијата.
Иако Саркози, кој има претседателски имунитет во овој случај, рече дека нема да се појави како сведок на суд, судијата одлучи дека неговото сведочење е неопходно за да се утврди вистината за анкетите на јавното мислење, кои беа наредени додека тој беше шеф на државата.
Судијата исто така смета дека Саркози „веројатно имал влијание врз делата“ за кои беа обвинети неговите поранешни соработници и помошници, пренесува „Гардијан“.
На Саркози му беше наредено да се појави пред судија и да биде сослушан на 2 ноември.
На петмина поранешни соработници и помошници на Саркози помеѓу 2007 и 2012 година, кога тој беше на чело на Франција, им се суди под обвинение за фаворизирање, заговор и злоупотреба на јавни средства за склучување договори со компании за истражување на јавното мислење во вредност од 7,5 милиони евра.
Според францускиот Устав, претседателот има имунитет за дела извршени за време на неговиот мандат, но тоа не го спречува да се појави како сведок на судењето.
Правниот тим на Саркози одби да го коментира овој случај во оваа фаза.
Саркози беше прогласен за виновен кон крајот на септември за нелегално финансирање на својата кампања за претседателските избори во 2012 година. Во овој случај тој е обвинет дека потрошил двојно од законски максималната сума од 22,5 милиона евра за време на кампањата.
Саркози беше осуден за корупција претходно оваа година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вонредна состојба во регион во Русија, поради несреќа во рудник затрупани 13 лица
Во Амурската област, на рускиот далечен исток, воведена е вонредна состојба поради инцидентот во рудникот за злато „Пионир“, во областа Зеја, каде 13 лица останаа заробени под урнатините поради пад на карпа, соопштија од тој регион.
„Во Амурската област е воведена регионална вонредна состојба поради инцидентот во рудникот Пионир во областа Зеја со цел да се мобилизираат сите сили и ресурси. Оваа одлука е донесена на вонредна седница што ја одржа регионалниот гувернер“, се вели во соопштението на локалната самоуправа.
Претставник на службата за вонредни состојби за РИА Новости изјави дека во рудникот во моментот на уривањето имало 13 лица. Групата спасувачи, главно од Руската Република Јакутија, се состои од 25 вработени, а со нив пристигнале и четири парчиња опрема.
Покрај тоа, хеликоптерот Ми-8 на руското Министерство за вонредни ситуации полета од територијата Хабаровск до местото на несреќата, пренесува Интерфакс. Од оперативните служби за Интерфакс велат дека, според првичните информации, луѓето се на длабочина од 100 до 150 метри, а засега нема информации за можни жртви.
Свет
Силен земјотрес го погоди Пакистан
Земјотрес со јачина од 5,5 степени според Рихтеровата скала ја погоди провинцијата Белучистан во Пакистан, соопшти германскиот истражувачки центар за геонауки (ГФЗ).
ГФЗ додаде дека земјотресот бил на длабочина од 10 километри, пренесува Ројтерс.
Засега нема информации за жртви, а не се знае и колкава е штетата предизвикана од земјотресот.
Свет
Дваесет загинати во израелски воздушни напади
Дваесет Палестинци се убиени рано утринава во израелските воздушни напади врз Рафах, како и врз централниот дел на Појасот Газа, соопштија здравствените власти во енклавата.
Тие додадоа дека во Рафах, на југот на енклавата, каде во моментов се наоѓаат над милион Палестинци, 14 лица загинаа, а десетици други се ранети во нападите што погодија неколку куќи и станови.
Уште шест лица загинаа во вториот воздушен напад врз куќа во бегалскиот камп Ал-Нусеират во централниот дел на Појасот Газа, додадоа официјални лица.
Деир Ал Балах, град во централниот дел на Појасот Газа, на околу 14 километри јужно од градот Газа, исто така беше бомбардиран во текот на ноќта, јавува Ројтерс.
Од почетокот на израелската агресија врз Газа, според Министерството за здравство во Појасот Газа, загинале повеќе од 31.000 луѓе.
Шефот на израелската разузнавачка служба Мосад, Дејвид Барнеа, во понеделникот отиде во Катар за да ги продолжи преговорите за привремен прекин на огнот и ослободување на израелските заложници во Газа, пишува „Тајмс оф Израел“.