Свет
Саудиска Арабија погуби тројца војници за велепредавство
Саудиска Арабија во саботата погуби тројца војници кои биле осудени за велепредавство и соработка со непријателот на начин што ги загрозува кралството и неговите воени интереси, соопшти Министерството за одбрана на кралството, пренесува „Сауди прес ејџенси“.
Тројцата осуденици, Мохамед бин Ахмед, Шахер бин Иса и Хамуд бин Ибрахим, кои работеле за Министерството за одбрана, биле осудени пред специјализиран суд пред да им биде изречена смртна казна по кралска наредба.
Соопштението од Министерството се смета за ретка јавна објава во врска со воени егзекуции.
„Фактот што беа објавени имињата на погубените значи дека Саудијците сметале оти нивното однесување било исклучително дрско и, според тоа, достојно за примерена казна“, изјави Дејвид Дес Рош од вашингтонскиот Центар за стратешки студии во Јужна Азија и Блискиот Исток.
Министерството не даде детали за тоа кој е непријател иако егзекуциите биле извршени во јужната команда на војската, со седиште во близина на границата со Јемен, каде што кралството води шестгодишна воена кампања против движењето Хути, кое го зазеде главниот град Сана во 2014 година, пред да се формира де факто влада што контролира поголем дел од густо населените области во земјата.
Минатиот месец властите во Сана одржаа државен погреб за саудиски војник, кој преминал во вооружените сили на јеменските Хути и бил убиен за време на тековната битка за Мариб, која се интензивира во последните денови и е последното упориште на Саудиска Арабија во северот на земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.