Свет
Саудиска Арабија се заканува со развој на нуклеарен арсенал
Саудиска Арабија ќе развива сопствен нуклеарен арсенал, ако тоа го направи Иран, предупреди министерот за надворешни работи во земјата, Адел ал-Џубеир.
Изјавата следи во време кога расте напнатоста во регионот бидејќи американскиот претседател Доналд Трамп објави дека Соединетите Американски Држави се повлекуваат од нуклеарниот договор со Иран.
На прашањето на американскиот канал Си-сн-ен за можноста Ријад да изработи свои бомби доколку Техеран го искористи американското повлекување од договорот од 2015 година, за да продолжи да ја развива нуклеарната програма, Џубеир рече дека во тој случај неговата земја ќе направи сè за да стекне нуклеарен капацитет.
Ова не е првпат официјален Ријад да најави дека ќе покрене своја нуклеарна програма бидејќи во март на оваа можност предупреди и престолонаследникот Мохамед бин Салман.
Саудиска Арабија, земјата на сунитскиот ислам, е заколнат непријател на шиитскиот Иран и двете земји се борат на различни страни во војните во Сирија, Либан и Јемен.
Саудискиот шеф на дипломатијата го обвини Техеран дека извлекува корист од приходите што ги остварил по укинувањето на санкциите и дека со тие средства го дестабилизира регионот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.