Свет
Саудискиот принц до Бајден: И САД направиле грешки, како убиството на Кашоги
Саудискиот престолонаследник Мохамед бин Салман во разговор со американскиот претседател Џозеф Бајден го покренал прашањето за убиството на палестинската новинарка Ширин Абу Аклех, изјави денеска неименуван функционер за израелските медиуми.
Престолонаследникот со тоа прашање му одговорил на прашањето на Бајден за убиството на новинарот на „Вашингтон пост“, Џамал Кашоги.
Тој му кажал на американскиот претседател Џо Бајден дека Саудиска Арабија работела на спречување грешки како убиството на Кашоги, но дека и САД направиле грешки, вклучително и во Ирак, изјавија саудиските власти.
Американските разузнавачки агенции заклучија дека саудискиот престолонаследник директно го одобрил убиството на Кашоги во 2018 година, а принцот негира дека имал улога во тоа.
Во разговорот со Бајден во претседателската палата во Џеда во петокот, престолонаследникот рече дека Абу Аклех е американски државјанин и праша што направил американскиот претседател за да се осигура дека правдата е задоволена.
Новинарката беше убиена на 11 мај додека известуваше за нападот на израелската војска во градот Џенин на окупираниот Западен Брег.
Неименуваниот функционер изјавил дека покрај убиството на новинарката, престолонаследникот потсетил дека американски војници мачеле затвореници во ирачкиот затвор Абу Граиб, во обид да го истакне лицемерието на позицијата на Бајден за човековите права во кралството.
Друг висок американски функционер, рекол дека разговорот започнал во ладна атмосфера, но подоцна се покажал како продуктивен.
„ Јасно кажав што мислам (за убиството на Кашоги) тогаш и што мислам сега“, рече Бајден по состанокот.
Во извештајот на ЦИА претставен на Бајден се наведува дека престолонаследникот на Саудиска Арабија го наредил убиството на Кашоги и дека тој бил убиен од саудиски оперативци додека влегувал во саудискиот конзулат во Истанбул.
Неколку официјални лица, за кои се вели дека го наредиле убиството, им се суди во Саудиска Арабија, а осум лица се осудени на затворски казни.
Бин Салман рече дека инцидентот е за жалење, но дека тој не е вмешан, пренесоа американските и саудиските власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.