Свет
Светската банка ги финансирала сторителите на убиства и силувања, обвини американска организација

Светската банка не успеала да ги повика властите во Танзанија на одговорност за сериозни прекршувања на правата, вклучително и вонсудски убиства и сексуални напади, поврзани со проширувањето на националниот парк „Руаха“ на југот на земјата, според новиот извештај на Институтот „Оукланд“.
Извештајот на американската организација, која редовно ги следи злоупотребите на правата на домородните заедници, е резултат на повеќемесечна истрага, која откри докази за прекршување извршени од чувари на паркови делумно финансирани од проект на Светската банка, вреден 150 милиони долари.
Во октомври 2022 година министерот за земји и човечки населби на владата на Танзанија објави план за иселување на луѓето од пет села, со вкупно население од повеќе од 21.000. Засегнатите заедници ќе вклучуваат членови на народите Масаи, Датога и Сангу, кои се сточари.
Бруталните тактики на танзаниската влада за раселување на локалните заедници и развој на туризмот во националниот парк „Руаха“, целта на проектот, „се нераскинливо поврзани со неговото финансирање од Светската банка“, се вели во извештајот.
Во кореспонденција со Институтот „Оукланд“, Светската банка соопшти дека не ги финансира напорите на танзанските власти да ги регулираат границите на парковите. Банката забележува дека не финансира набавка на оружје и тврди дека активностите за проширување на границите на паркот излегуваат од опсегот на проектот, што беше почнат во 2017 година.
Министерот за туризам на Танзанија не одговори на барањето за коментар. Останува нејасно кога ќе почнат масовните иселувања.
Танзанија во голема мера се потпира на приходите од туризмот, а земјата долго време се обидува да ги развие своите национални паркови во обид да привлече повеќе посетители.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.
Свет
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија

И покрај забраната на Владата на Виктор Орбан, огромен број луѓе денес почнаа да се собираат во главниот град на Унгарија, Будимпешта, на Парадата на гордоста.
Странските медиуми пренесуваат дека организаторите очекуваат рекордна посетеност за 30. издание на Парадата на гордоста во Будимпешта, и покрај полициската забрана која ја наметна националистичката Влада на премиерот Виктор Орбан.
Thousands of people are marching for pride in Budapest. A 200 pp @Amnesty delegation is here from around Europe. Against repression we stand and rise. We resist. This is trans-national civil disobedience. #BudapestPride pic.twitter.com/8qSYr1K0rC
— Agnes Callamard (@AgnesCallamard) June 28, 2025
Владината коалиција на Орбан годинава ги смени законите и уставот за да забрани годишно прославување, оправдувајќи го долготрајното потиснување на ЛГБТ-правата со повикување на “заштита на децата”. Орбан вчера изјави дека полицијата нема да ја разбие поворката, но дека оние кои учествуваат треба да бидат свесни за “правните последици“.
Организаторите на поворката ризикуваат да добијат до една година затвор, а учесниците можат да бидат казнети со парична казна до 500 евра. Со последните законски измени, на власта и е дозволено да користи и технологија за препознавање лица.