Свет
Светските лидери: Израел треба да се откаже од катастрофалната операција во Рафа
Светските лидери предупредуваат на катастрофални последици за 1,5 милион Палестинци заробени во Рафа доколку Израел не се откаже од најавената силна операција во тој град во Газа.
Австралија, Канада и Нов Зеланд го предупредија Израел во ретка заедничка изјава „да не оди по тој пат“.
„Продолжена воена операција би била катастрофална. Цивилите немаат каде да одат на друго место“, пишуваат тие во соопштението.
Воената кампања на Израел протера стотици илјади Палестинци во најјужниот град Газа, каде што побараа засолниште во голем импровизиран камп во близина на границата со Египет.
И покрај притисокот од странски влади и хуманитарни агенции, Израел инсистира да навлезе во Рафа со цел да ги елиминира баталјоните на Хамас.
„Ќе се бориме до целосна победа, што вклучува силна акција во Рафа откога ќе дозволиме цивилното население да ги напушти борбените зони“, изјави израелскиот премиер, Бенјамин Нетанјаху.
Неговите најави за инвазија на Рафа доаѓаат во време кога посредниците брзаат да посредуваат за примирје во четиримесечната војна, која порамни огромни делови од Газа, расели поголем дел од населението и ги турна луѓето на работ на глад.
„Ако израелскиот напад врз Рафа продолжи, ризикот од злосторства е сериозен, реален и голем“, рече во средата Алис Ваириму Ндериту, специјален советник на Обединетите нации за спречување геноцид.
Посредниците од Соединетите Американаски Држави, Катар и Египет се обидуваат да постигнат договор во Каиро, со кој би се запреле борбите и ќе бидат ослободени околу 130 заложници во Газа во замена за палестинските затвореници што ги држел Израел.
„Израел не доби никаков нов предлог од Хамас во Каиро за ослободување на нашите заложници“, велат од канцеларијата на Нетанјаху откако израелските медиуми објавија дека на делегацијата на земјата ѝ било кажано да не се враќа на преговорите додека Хамас не ја омекне својата позиција.
Иако директно не ги коментира медиумските извештаи, Нетанјаху рече: „Инсистирам Хамас да се откаже од своите налудничави барања, а кога ќе се откажат од тие барања, можеме да продолжиме напред“.
Директорот на ЦИА, Вилијам Барнс, се приклучи на разговорите во вторникот со Дејвид Барни, шеф на израелската разузнавачка служба Мосад, а делегација на Хамас вчера беше во Каиро.
Претседателот на палестинската управа, Махмуд Абас, кој управува со Западниот Брег, окупиран од Израел, го повика Хамас брзгу да се согласи на прекин на огнот и да престане со понатамошната трагедија за Палестинците.
Преговорите за прекин на огнот влегуваат во трет ден, а израелската армија продолжува да ја бомбардира Газа. Министерството за здравство, со кое раководи Хамас, денеска објави дека 107 лица, главно жени и деца, биле убиени во нападите во текот на ноќта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Ердоган: Раиси беше вреден колега и брат
Турскиот претседател Реџеп Таип Ердоган денеска изрази сочувство за смртта на иранскиот претседател Ебрахим Раиси и иранскиот министер за надворешни работи Хосеин Амир Абдолахиан, нагласувајќи дека Турција стои во солидарност со Иран.
Ердоган на платформата Х напиша дека се сеќава на Раиси со почит и благодарност, наведувајќи дека иранскиот претседател вложил напори за мир во Иран и регионот.
„Турција стои покрај Иран во ова тешко време“, рече Ердоган, нарекувајќи го Раиси „вреден колега и брат“.
Покрај Раиси и иранскиот министер за надворешни работи Хосеин Амир Абдолахиан, идентификувани се уште три лица кои загинаа во хеликоптерска несреќа во северозападен Иран, објави иранската државна новинска агенција ИРНА.
Убиени се имамот во градот Табриз, ајатолахот Мохамад Али Ал-е Хашем, началникот на иранската провинција Источен Азербејџан, генерал Малек Рахмати и командантот на единицата за заштита на претседателот, Сардар Сејед Мехди Мусави.
Загинаа и одреден број телохранители и екипаж на хеликоптер кои се уште не се идентификувани.
Свет
(Видео) Последната снимка на Раиси од хеликоптерот на смртта
Иранската агенција Тасним објави фотографија, а на социјалните мрежи е објавено и видео на кое се гледа иранскиот претседател Ебрахим Раиси во хеликоптерот во кој доживеа фатална несреќа.
President Raisi's last video
— Huma Zehra (@HumaZhr) May 19, 2024
Иранските медиуми објавија и фотографија обезбедена од новинската агенција на Исламската Република ИРНА, на која хеликоптерот со иранскиот претседател Ебрахим Раиси полета кон иранската граница со Азербејџан откако претседателот Раиси и неговиот азербејџански колега Илхам Алиев ја отворија браната Киз Каласи.
Претседателот Ебрахим Раиси загина заедно со министерот за надворешни работи на земјата Хосеин Амир-Абдолахиан во хеликоптерска несреќа во неделата во оддалечениот северозапад на земјата, потврдија државните медиуми.
BREAKING: RESCUERS HAVE REACHED THE CRASH SITE OF THE PRESIDENT OF IRAN RAISI
“The presence of the rescue team at the crash site of the helicopter carrying the president
Additional and Unfortunately, there is a possibility of martyrdom of all the passengers of the helicopter.“ pic.twitter.com/4whDrc3iHZ
— Sulaiman Ahmed (@ShaykhSulaiman) May 20, 2024
Објавена е и снимка од остатоци од хеликоптер во планински дел на Иран.
Загубата на Раиси – конзервативен тврдокорен и штитеник на иранскиот врховен водач, ајатолахот Али Хамнеи – се очекува да посее дополнителна неизвесност во земја која веќе е под голем економски и политички притисок, со тензии со блискиот Израел.
Свет
Иранскиот потпретседател ја презема функцијата претседател, има 50 дена да организира избори
Како што се очекуваше, иранскиот потпретседател Мохамад Мокбер привремено ќе ја преземе администрацијата на земјата, потврди врховниот лидер Али Хамнеи.
Мохамед Мокбер ќе има 50 дена да организира нови избори во соработка со шефовите на судската и законодавната власт, додаде Хамнеи.
Иран, исто така, ќе прогласи петдневна национална жалост по смртта на претседателот Ебрахим Раиси и неговиот министер за надворешни работи Хосеин Амир Абдолахиан.
Во посебна изјава објавена од иранската државна новинска агенција ИРНА се вели дека владата одлучила Али Багери Кани, кој беше заменик министер во Министерството за надворешни работи, да стане вршител на должноста министер за надворешни работи.