Европа
Северна Кореја: Путин ја прифати поканата за посета; Кремљ: Нема такви планови
Севернокорејскиот лидер Ким Џонг-ун го покани рускиот претседател Владимир Путин во својата земја за време на нивните разговори во Русија, објавија утринава државните медиуми, при што се очекува Ким да го продолжи своето патување со посета на воено производствени капацитети.
Путин ја прифати поканата, објави Корејската централна новинска агенција (КЦНА), без да прецизира кога би можела да се одржи посетата.
Ким Џонг-ун му рекол на Путин дека средбата на рускиот Далечен Исток ги подигнала билатералните врски на ново ниво и ја изрази својата подготвеност да поттикне стабилни односи насочени кон иднината во следните сто години, пренесе КЦНА.
Поканата до Путин да ја посети Северна Кореја дојде на крајот на приемот организиран од шефот на Кремљ по обиколката на вселенскиот центар „Восточни“ на Далечниот Исток на Русија и разговараа за билатералните врски и зајакнувањето на соработката, пренесе КЦНА.
„На крајот од приемот Ким Џонг-ун љубезно го покани Путин да ја посети КНДР во погодно време“, соопшти КЦНА мислејќи на Демократска Народна Република Кореја, официјалното име на Северна Кореја.
„Путин со задоволство ја прифати поканата и ја потврди својата волја секогаш да ги продолжи историјата и традицијата на пријателство меѓу Русија и Северна Кореја“, се вели во соопштението.
Кремљ: Нема план за доаѓање во Пјонгјанг
Вчера, портпаролот на Кремљ, Дмитриј Песков, изјави дека не постои план Путин да го посети Пјонгјанг.
„Двајцата лидери се согласија за дополнително зајакнување на стратешката и тактичката соработка соочени со „воените закани, провокациите и тиранијата на империјалистите“, објави КЦНА.
Ким беше информиран за техничките детали за руските вселенски летала за време на посетата на полигонот за вселенски тестови „Восточни“, но не се споменуваше набавка на оружје, трговија со оружје или техничка помош со програмата за оружје.
По пречекот, Ким „замина на следната дестинација“, соопшти КЦНА, без да даде повеќе детали.
Официјални претставници на САД и Јужна Кореја изразија загриженост дека Ким Џонг-ун би можел да ѝ виспорача оружје и муниција на Русија, која потрошила огромни резерви во повеќе од 18 месеци војна во Украина. Москва и Пјонгјанг ги негираа таквите намери.
Американскиот Стејт департмент соопшти дека администрацијата на Бајден нема да се двоуми да воведе дополнителни санкции за Русија и Северна Кореја доколку направат какви било нови договори за оружје.
Беше загрижувачко што Русија зборува за соработка со Северна Кореја на програми што потенцијално би ја прекршиле резолуцијата на Советот за безбедност на ОН, изјави портпаролот на Стејт департментот, Метју Милер, по самитот во Русија.
Путин вчера даде многубројни навестувања дека се разговарало за воена соработка, но не навлегува во детали. На разговорите присуствуваше и министерот за одбрана, Сергеј Шојгу. Кремљ рече дека чувствителните дискусии меѓу соседите се приватна работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Словачкиот министер: „Словачка на работ на граѓанска војна“
Словачкиот министер за полиција, Матуш Шутај Ешток, изјави дека Словачка е на работ на граѓанска војна, пишува „Њуз.аз“.
„Од она што се случи, каква омраза посеаја многумина, денес се појави бура и практично сме на прагот на граѓанска војна. Веднаш престанете со ова“, рече тој.
Slovakia 'on brink of civil war' – Interior Minister
Matus Sutaj Estok insisted the assassination attempt on PM Robert Fico was carried out for political reasons
While Prime Minister Robert Fico is expecting a new surgical operation.
— Vexwift (@vexwift) May 16, 2024
Според последните информации, лекарите ја стабилизирале состојбата на словачкиот премиер Роберт Фицо за време на петчасовната операција.
Европа
Атентаторот што го застрела Фицо се соочува со доживотен затвор: полицијата му го пребарала автомобилот
Јурај Цинтула (71), кој вчера трипати го застрела словачкиот премиер Роберт Фицо, е обвинет за обид за убиство со умисла поради одмазда против заштитено лице, објавија словачките медиуми.
Според порталот „ТВ новине“, на Цинтула му се заканува казна од 25 години затвор до доживотен затвор. Истражител од Националната агенција за криминал го обвинил за убиство со умисла, а тој ја поминал ноќта во ќелија.
⚠️Robert Fico shooter says he 'disagreed with government policies' — local media
📢 He did not do this alone. He was sent to do this by the globalists pic.twitter.com/u79vPVStcP
— The Dibster (@richarddibX) May 15, 2024
Цинтула, кој инаку е во пензија, испукал пет куршуми кон премиерот Роберто Фико, од кои три го погодиле.
Полицијата веднаш го уапсила напаѓачот, а бил претресен и неговиот автомобил, во кој бил пронајден телефон.
Се сомнева дека мотивот за убиството е несогласување со политиката на актуелната власт и измените што се направени или најавувани.
Доколку вината се докаже, за ова дело му се заканува казна затвор од 25 години до доживотен затвор.
Како што пренесува „ТВ Маркиза“, напаѓачот во полиција изјавил дека нападот го планирал неколку дена порано. Планирал да го повреди премиерот, но рекол дека не сака да го убие. Тој легално поседувал оружје повеќе од 30 години.
Фицо со хеликоптер бил префрлен во болница, каде што бил опериран повеќе од пет часа.
Европа
Деветмесечно момче од Велика Британија се задави од шпагети во градинка: мајката ја предупредила воспитувачката дека не може да јаде цврста храна
Мајката на деветмесечното момче од Велика Британија, кое почина кога се задави од храна во градинка, се обидела да го предупреди персоналот дека не може да јаде цврста храна.
Малиот Оливер Стипер почина во болница шест дена откога се задави од храна во градинка во Кент. Според британските медиуми, работничката во градинката истовремено хранела четири деца со болоњезе-тестенини кога малиот Оливер се задавил.
Оливер имал само два предни заба поради што дома јадел пасирана храна, пренесува „Скај њуз“.
Работниците во градинката ги уверувале неговите родители дека цврстата храна може да се испасира пред да му биде дадена и тие претпоставиле дека тоа ќе биде направено затоа што тој „не можел правилно да џвака“, беше кажано на судот.
Мајката пред судот рекла дека има намера да ги потсети вработените во градинката дека цврстата храна не му одговара, пренесува „Скај њуз“.
Размислувала веднаш да испрати имејл во градинката, но не сакала да биде напорна.
„Во градинка му дадоа овошна салата, јасно беше дека не е пасирана. Реков дека ќе разговарам со вработените следната недела“, изјави мајката во судот.
Подоцна едно утро, таа добила повик од дневниот престој и ѝ кажале дека син ѝ учествувал во инцидент и дека се задавил од храна.
Кога пристигнала во градинката, видела болничар како трча со син ѝ во рацете додека вршел компресија на градите.
Оливер бил пренесен во болница, но скенирањето на мозокот покажало дека нема да преживее, а момчето починало шест дена подоцна.
Полицијата во Кент истражувала што се случило, но не било преземено ништо.
Родителите решиле да го праќаат Оливер во градинка само неколку дена во неделата бидејќи таа била на 20 минути од нивната куќа и изгледала како семејна градинка.
Судењето продолжува.