Свет
Сенаторите загрижени: изборниот штаб на Бајден користи „Tик-ток“
Претседателот на Комитетот за разузнавање на американскиот Сенат, Марк Ворнер, рече дека е загрижен поради одлуката на изборниот штаб на Џо Бајден да ја користи апликацијата „Тик-ток“, на што Белата куќа рече дека ништо не се променило во однос на загриженоста на владата за националната безбедност.
Ворнер рече дека е загрижен за импликациите за националната безбедност на кинескиот „Тик-ток“ и одлуката на персоналот на Бајден да се приклучи на социјалната мрежа, објави „Ројтерс“.
„Мислам дека треба да најдеме начин да ја следиме Индија, која го забрани „Tик-ток“, рече Ворнер.
Голем број републикански членови на Конгресот исто така ја критикуваа одлуката на персоналот на Бајден за „Tик-ток“ наведувајќи ја загриженоста за националната безбедност.
Белата куќа соопшти дека забраната за употреба на „Tик-ток“ на владините уреди, која беше одобрена од Конгресот на крајот на 2022 година, останува во сила.
Портпаролот на Белата куќа, Џон Кирби, изјави дека од перспектива на Советот за национална безбедност „ништо не се променило во однос на загриженоста за националната безбедност во врска со употребата на ‘Tик-ток’ на владините уреди“, пренесува Радио Слободна Европа.
Комитетот за странски инвестиции во САД, кој го води Министерството за финансии, минатиот март побара од кинеските сопственици на „Tик-ток“ да ги продадат своите акции или ќе се соочат со можноста апликацијата да биде забранета, но администрацијата оттогаш не презеде ништо.
Портпаролката на Белата куќа, Карин Жан-Пјер, рече дека Белата куќа претходно ја усвоила легислативата предложена од Ворнер и други за да ѝ се дадат на администрацијата нови алатки за справување со заканите од апликациите во странска сопственост.
Минатиот месец од „Tик-ток“ изјавија дека 170 милиони Американци сега ја користат нејзината апликација за кратки видеа.
Персоналот на Бајден соопшти дека презема дополнителни мерки на претпазливост за уредот и користи софистициран безбедносен протокол за да се обезбеди безбедност бидејќи работи на привлекување голем број млади гласачи што ја користат апликацијата „Tик-ток“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с