Европа
12 лаги на Путин во 12 твита: што сè кажа рускиот претседател во интервјуто со Такер Карлсон
Поранешниот руски олигарх, најбогатиот човек во Русија и соработник на Владимир Путин, а сега неговиот критичар во прогонство, Михаил Ходорковски, на „Икс“ објави објаснувања за, како што вели, сите лаги што рускиот претседател ги кажал во интервјуто за Такер Карлсон.
Putin’s Interview With Tucker Carlson Was Filled With Lies, Here Are Some Egregious Examples 🧵 pic.twitter.com/SMqus7RK6n
— Mikhail Khodorkovsky (@khodorkovsky_en) February 9, 2024
1. Путин тврдеше дека Русија стана најголемата европска економија
Вистина: Русија е на 32. место во Европа според БДП на жител.
2. Путин уште еднаш ја кажа старата лага за американските ветувања дека НАТО нема да се прошири на исток
Вистина: Никогаш немало таков договор – дури и Горбачов го кажал тоа – и во секој случај, земјите влегуваат во НАТО по своја волја. Ако Путин не сакаше НАТО да расте, не требаше да им објави војна на соседите, пишува Ходорковски.
3. Путин негира дека некогаш рекол оти САД се подготвуваат да ја нападнат Русија
Вистината: Всушност, тој го кажа ова три дена пред инвазијата на Украина, а за која рече дека ќе биде упориште за напад на НАТО.
4. Тој рече дека протестите на „Мајдан“ станале насилни иако Јанукович одбил да употреби каква било сила против нив
Вистината: Интервентната полиција на Јанукович за борба против немирите во Беркут брутално ги растера демонстрантите, а нејзините снајперисти убија 76 луѓе за три дена во февруари 2014 година.
5. Тој рече дека Киев го почнал конфликтот во Донбас користејќи ги своите воздушни сили против цивили
Вистина: Конфликтот почна на 12 април 2014 година кога офицерот на ФСБ, Игор Гиркин, ги предводеше сепаратистите да го заземат градот Славјанск. Украина првпат ја искористи својата авијација како одговор на 26 мај во битката за аеродромот во Донецк.
6. За време на говорот за алтернативна историја на почетокот на интервјуто, Путин рече дека Украина е вештачки ентитет создаден на иницијатива на Сталин
Вистина: Украина му беше додадена на Советскиот Сојуз во 1922 година под водство на Ленин. Но, Украинската Народна Република беше прогласена во 1917 година и призната од руската привремена влада.
7. Тој рече дека Полска го присилила Хитлер да објави војна во 1939 година со тоа што била „некооперативна“ во неговите планови
Вистина: Плановите на Хитлер вклучуваа истребување на полските Словени и Евреи и повторно населување со Германци. Таканаречената полска провокација користена како изговор за инвазијата беше операција на германско лажно знаме.
8. Зборувајќи за Зеленски, Путин рече дека еднаш го прашал украинскиот претседател зошто тој како син на ветеран од Втората светска војна „ќе соработува со неонацистите“.
Вистина: Таткото на Зеленски е роден 1947 година, по завршувањето на Втората светска војна.
9. Путин рече дека НАТО има „опции“ да ја признае руската анексија на делови од Украина.
Вистина: Нема. ОН ги прогласија анексиите за нелегални според меѓународното право, а и да сака, НАТО веќе нема право да ја оспорува оваа одлука.
10. Путин тврди дека Украинците сè уште се сметаат за Руси
Вистина: Путин фундаментално погрешно го разбрал украинскиот национален идентитет и лажно верувал дека Украинците се гледаат себеси како Руси, клучна грешка што доведе до катастрофална инвазија. Анкетата од 2022 година покажа дека 93 отсто од Украинците ја поддржуваат независноста, а само три отсто поддржуваат спојување со Русија.
11. Путин рече дека Зеленски ги забранил мировните преговори со Русија
Вистината: Зеленски конкретно ги забрани преговорите со Путин и рече дека Украина е „подготвена за дијалог со Русија, но со друг претседател“.
12. Тој рече дека новинарот на „Волстрит џурнал“, Еван Гершкович, бил уапсен поради собирање доверливи информации за руската војска во име на американските разузнавачки служби
Вистина: Гершкович пред апсењето работеше како новинар во Русија од 2017 година. Незаконски е приведен со цел да ги принуди САД да се согласат на некакви отстапки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Професорка во Британија осудена за сексуална експлоатација на ученици, забременила со еден од нив
Професорка е прогласена за виновна за сексуално искористување на двајца тинејџери на кои им предавала во нивното средно училиште во Велика Британија. 30-годишната Ребека Џојнс ја дочека пресудата на слобода, но беше суспендирана од работа во училиштето.
Британските медиуми јавуваат дека Џојнс веќе била суспендирана и пуштена со кауција поради секс со 15-годишен ученик, идентификуван во пресудата како Момче А, кога почнала да има секс со друг ученик, момче Б, со кој подоцна останала бремена, пишува „Independent“.
На судот му било кажано дека и двете момчиња и праќале флертувачки пораки на „Snapchat“ пред таа да ги покани во нејзиниот стан.
Во случајот со првото момче, таа му го дала телефонскиот број, а како вежба за решавање проблеми, тој морал да ја погоди последната цифра. После тоа се поврзале на Снепчет и тој и праќал пораки во кои парот се договарал да се сретнат тајно.
Таа потоа го однела на шопинг и му купила скап појас. Полицијата подоцна ја пронашла неговата сперма во нејзината постелнина. Второто момчпе кажало дека врската со професорката започнала со бакнежи кога имал 15 години и со сексуални односи кога наполнил 16 години.
Џојнс пред судот се бранеше дека доживеала „нервно растројство“ кога била суспендирана од работа, по полициската истрага, и се вратила кај нејзините родители.
Џојнс на суд тврдеше дека никогаш немало сексуална активност со првото момче и дека врската со второто момче се развила додека таа била суспендирана од работа.
Таа плачела додека им кажувала на поротниците дека бебето што го родила и е одземено неколку часа по раѓањето и сега ѝ е дозволено да го гледа детето само три пати неделно. Таа беше прогласена за виновна по шест точки од обвинението за сексуална експлоатација на малолетници.
Европа
Словачкиот министер за одбрана: Премиерот опериран по втор пат, пациентот е стабилен, земјата е стабилна
Словачкиот премиер Роберт Фицо беше опериран по втор пат по атентатот во средата, кога се здоби со прострелни рани во стомакот и „е во стабилна состојба со навестувања за напредок, исто како што Словачка е стабилна“, изјави вицепремиерот и министер за одбрана, Роберт Калињак.
„Земјата е стабилна, пациентот е стабилен денеска. Можеме да ги направиме сите работи што треба да ги направиме како влада. А ние имаме свој премиер и тоа на сите ни е јасно“, изјави Калињак за новинарите во болницата каде што е Фицо.
Мирјам Лапуњикова, директорка на болницата Рузвелт во тој град во централна Словачка, најблиската добро опремена болница до Хандлова, каде што 71-годишен Словак во средата испука пет истрели кон премиерот, рече дека денешната операција траела два часа за отстранување некротично ткиво, што е вообичаена постапка при за такви повреди.
„Премиерот останува на интензивна нега, а неговата состојба се уште е многу сериозна. Лекарите се среќаваат и се консултираат секое утро и затоа денеска не можат да кажат дали ќе бидат потребни дополнителни операции“, рече Лапуњикова.
Лекарскиот совет в понеделник ќе одлучи дали и кога ќе можат да го превезат премиерот во Братислава.
Вицепремиерот Калињак се заблагодари за сите понуди за лекување на Фицо во странство и истакна дека Владата има целосна доверба во лекарите во Банска Бистрица.
„Ќе бидат потребни уште неколку дена додека не биде јасно како ќе се развива здравјето на премиерот. Порасположен сум бидејќи гледам напредок. При денешната интервенција се покажа дека главната операција била успешна“, рече Калињак.
Министерот за внатрешни работи Матуш Шутај Ешток денеска изјави дека во 40 случаи полицијата ги открила и гонела оние кои им се заканувале на политичарите со атентат и со говор на омраза на социјалните мрежи.
Лидерот на десноцентристичката опозициска партија Прогресивна Словачка, Михал Шимечка денеска поднесе кривична пријава поради драстични закани кон него и неговото семејство.
„Ги има повеќе. За жал, ова не е ништо ново. Слични закани доби и претседателот на Словачка, а слични закани денеска добиваат и мнозинството политичари, новинари и јавни личности кои го искажуваат својот став. Омразата раѓа омраза“, рече Шимечка.
Лидерот на опозицијата го повтори повикот до сите на словачката политичка сцена да се договорат, барем 100 дена да не се напаѓаат и за тоа време да се договорат за нови правила на политичка комуникација.
Надлежниот обвинител денеска побара притвор за осомничениот за атентатот, обвинет за обид за убиство на заштитено лице мотивирано од одмазда, за што му се заканува казна од 25 години или доживотен затвор.
Судот во сабота ќе го сослуша Јурај Цинтула и ќе одлучи за притворот.
Европа
(Видео) Поплави во Северна Италија по обилните дождови: „Ова е бомба, вакво нешто во Милано не сме виделе 170 години“
Невремето и обилните дождови предизвикаа поплави во многу делови на северна Италија, а особено беа погодени градовите Падова и Виченца, пишува Би-Би-Си.
Службите за итни случаи користат гумени чамци за да ги спасат луѓето од нивните домови.
Гувернерот на Венето ги опиша временските услови во текот на ноќта како „водена бомба“.
Југот на Италија се соочува со топлотен бран невообичаен за овој период од годината, а на Сицилија се забележани температури до 35 Целзиусови степени.
#maltempo le strade diventano fiumi…#Veneto provincia di Verona pic.twitter.com/SPnjUfq1Zh
— Santone ✨🌙 (@santone1973) May 16, 2024
Професорот Марко Марани, експерт за ефектите од климатските промени од Универзитетот во Падова, за весникот „Кориере дел Венето“ изјави дека „екстремните настани стануваат се почести и ќе се интензивираат со зголемувањето на глобалното затоплување“.
In sei ore 230 millimetri di pioggia. È allerta rossa in #Veneto colpito dal maltempo che già ha flagellato #Milano e la #Brianza. Temporali intensi hanno provocato il crollo di due ponti a #Malo, nel vicentino. Scantinati e sottopassi allagati, numerosi black out elettrici. pic.twitter.com/PxhZ1kAR7B
— Tg1 (@Tg1Rai) May 16, 2024
Локалните жители велат дека таков интензитет на дожд не е забележан во мај, повеќе од 170 години.
Бреговите на реката Мусон деи Саси во областа Падова попуштија поради силниот дожд во раните утрински часови во петокот, што предизвика поплави.
Luca Zaia dichiara lo Stato di Emergenza in Veneto. Le forti piogge hanno rotto un argine a Rustega, frazione di Camposampiero, in provincia di Padova. Allagate campagne e anche alcune case 👉 https://t.co/HWPmUurm9X#meteoeradar #alluvione #emergenza #veneto pic.twitter.com/IbGwftrjqo
— Meteo & Radar (@meteoeradar) May 17, 2024
Товарен воз во Борго Мантовано во провинцијата Ломбардија беше превртен од налетите на ветрот со брзина од 150 до 200 километри на час.
Локалниот лидер Алберто Борсари на социјалните мрежи напиша дека „многу улици и подруми се поплавени“ и дека ситуацијата е „навистина тешка“.
„За среќа, никој не е повреден“, додаде тој.
До 130 милиметри дожд за еден ден падна во Милано, што предизвика поројни поплави. Очевидци велат дека таков интензитет на дожд не бил забележан во мај повеќе од 170 години.
Властите за цивилна заштита прогласија црвена тревога во Венето до 14 часот, особено меѓу Виченца и Верона, каде што реките надобија по 70 милиметри дожд за 30 минути.
Едно лице е исчезнато во реонот на градот Комо по уривањето на мал мост.
Во исто време, многу сушни услови беа забележани на островот Сардинија, кој веќе се соочува со уште една лоша сезона за локалните земјоделци на пченица, кои очекуваат половина од нивниот нормален род поради недостиг на вода, пишува локалниот весник L’Unione Sarda.
Ограничувања за користење на водата се очекуваат и во областа подоцна во текот на летото.
Професорот Марани рече дека „има силни научни докази“ дека екстремните временски услови стануваат се почести, додавајќи дека пресметките за одбрана од поплави „треба да се ревидираат за да се разбере реалниот ризик со кој се соочуваме“.
„Климатските промени мора да бидат ставени под контрола“, додаде тој.
Во април, Европската климатска агенција Коперник и Светската метеоролошка организација ја истакнаа потребата за заштита од поплави, како и итна акција за борба против ефектите од климатските промени.