Свет
Сенатот го направи првиот чекор кон укинувањето на Обамакер
Американскиот Сенат во четвртокот го презема првиот конкретен чекор кон укинувањето на законот на претседателот на заминување Барак Обама за достапно здравствено осигурување познат како „Обамакер“, изгласувајќи резолуција со којашто ресорните парламентарни комисии се упатуваат на изработка на законска рамка за поништување на клучната здравствена реформа.
Сенатот одлуката ја изгласа со 51 гласа „за“ и 48 „против“. Се очекува дека оваа седмица истата одлука ќе ја донесе Претставничкиот дом. Укинувањето на Обамакер е приоритет за републиканското мнозинство во двата дома на Конгресот и избраниот претседател Доналд Трамп.
Републиканците досега неколкупати покренуваа правни и законодавни иницијативи за да го урнат овој закон, но сега првпат ќе бидат во можност за тоа бидејќи истовремено имаат мнозинство во двата дома на Конгресот и свој претседател во Белата куќа.
Републиканците велат дека процесот на укинување на Обамакер би можел да потрае со месеци, а изработката на програмата што би ја заменила програмата и подолго, но се под притисок на Доналд Трамп кој веќе со седмици зборува, а го повтори и на првата прес-конференција откако беше избран во средата во Њујорк, дејка во процесот на демонтирање на Обамакер мора да се тргне веднаш. Во Републиканската партија, меѓутоа, има и загриженост дека не е умно да се укинува Обамакер без подготвена алтернатива.
Одлуката усвоена во Сенатот во четвртокот на ресорните комисии им дава рок до 27-ми јануари за изработка на нацрт-закон кој ќе го поништи Обамакер. Притоа имаат намера да ги користат специјалните буџетски процедури со кои им се овозможува да ги отфрлат реформите на Обама со просто мнозинство, што значи дека не им се потребни гласовите на демократите. Во Сенатот републиканците имаат 52 пратеници од 100, а еден –сенаторот Ренд Пол гласаше против партиското мнозинство.
Демократите, пак, најавија дека ќе се борат против тоа со сето она што им е на располагање. „Сакаат да го убијат Обамакер, а истовремено немаат поим каква алтернатива на понудата“, изјави демократскиот сенатор Берни Сандерс.
Што е Обамакер?
Законот за заштитата на пациентите и пристапната нега (АСА), како што официјално се нарекува законот, е усвоен во 2010 година за значително намалување на бројот на неосигурените Американци и истовремено да го забави рапиден раст за потрошувачката во здравство. Неговото усвојување имаше драматично влијание врз американскиот здравствен систем.
Обамакер не е јавна програма за здравствено осигурување. Тоа е законската рамка којашто на приватните осигурители им наметна обврски со намера подобро да се регулира пазарот и ширењето на услугите кои се покриваат со осигурувањето.
Во САД постојат само две јавно здравствен осигурувања на сојузно ниво: Медикејд, наменет за сиромашните семејства и поединци, и Медикер, за оние кои се повозрасни од 65 години. Повеќето американци се осигурени се во приватниот сектор, најчесто преку работодавачите.
Според Обамакер, осигурителните куќи не смеат да ги одредуваат премиите за осигурувањето врз основа на историјата на болестите или полот, како што работеле претходно. Не смеат ниту да одбијат да осигурат пациенти кои се „прескапи“ или да наметната годишно финансиско ограничување на здравствените услуги, што е практика која некои тешко болни Американци ги довела до питачки стап.
Обамакер, исто така, бара осигурителот да ги плати трошоците за болничко лекување, посети на итна помош или некои превентивни прегледи, како тестирања на дијабетес или вакцинација.
За возврат, законот Обамакер бара сите Американци да бидат осигурени или да платат казна. За 2017 година казната изнесува 695 долари за возрасни лица.
Бидејќи неколку милиони луѓе повеќе придонесуваат на здравствениот систем, велат поборниците на Обамакер, премиите кои ги плаќаат здравите Американци ги намалуваат трошоците на лекувањето на најболните.
Републиканците, пак, велат дека присилното учество во системот ги крши основните слободи гарантирани во уставот на САД и остро го осудуваат.
За лицата за коишто работодавачот не плаќа осигурување, администрацијата на Обама воспостави интернет „пазар“ на кој поединците може да се пријават за ACA приватниот осигурител. Тој, пак, за возврат зависно од приходот на тоа лица, има право на даночни олеснувања што ја намалува цената на премијата.
Проблемот е во тоа што сé помалку осигурители учествуваат на тие „пазари“, бидејќи се покажа дека им се помалку профитабилни од очекуваното. Резултат на тоа е што премиите постојано поскапуваат, а за републиканците тоа е доказот дека реформата пропаднала.
Откако Обамакер законот стапи на сила, здравствениот систем се проширил на 20 милиони нови осигуреници, тврди администрацијата на заминува, а бројот на лица без осигурување паднал од 16 отсто во 2009 на 8,9 отсто во минатата 2016 година, што е најниското ниво во историјата. Демократската администрација, исто така, истакнува дека расот на трошоците во здравствениот сектор никогаш не бил побавен./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Унгарија има намера да воведе можност за одземање на државјанството
Унгарската влада сака да воведе можност за привремено одземање на унгарското државјанство на одредени двојни државјани.
Соодветниот предлог закон синоќа до парламентот го поднесе владејачката партија на Виктор Орбан, јавува виенски „Ое24“.
Предлог законот, кој се очекува да биде усвоен, има за цел да им го одземе државјанството на лицата кои се окарактеризирани како закана за државата.
Според нацрт-законот, „одземањето“ на унгарското државјанство може да важи само за двојни државјани чие второ државјанство не е државјанство на земја од ЕУ, Швајцарија, Лихтенштајн, Норвешка или Исланд, пренесува Танјуг.
Одземањето на државјанството треба да биде можно, меѓу другото, доколку некое лице „дејствува во интерес на странска сила или странска организација, ги постигнува целите на странска сила или странска организација“ и на тој начин претставува „закана за јавниот ред и безбедност“ на земјата.
Предложениот закон може да влијае на унгарско-американските двојни државјани кои се ангажирани во невладини организации, пишува австрискиот весник.
Одземањето на унгарското државјанство би овозможило протерување на лице кое е класифицирано како закана за земјата.
Свет
Маријани: Користејќи ги примерите на Додик и Ле Пен, ЕУ ја демонстрира смртта на демократијата
Користејќи ги примерите на Мари Ле Пен и Милорад Додик, кои беа политички осудени, Европската Унија ја демонстрира смртта на демократијата, вели Тијери Маријани, пратеник во Европскиот парламент од Франција.
„Од Париз до Република Српска, ЕУ ја оркестрира смртта на демократијата. Истите методи, истата немилосрдност“, рече Маријани во видеообраќањето објавено на платформата „Икс“, пренесува РТРС.
Тој ја праша претседателката на Европската комисија, Урсула фон дер Лајен, дали има некакви коментари, а потоа изјави:
„ЕУ повеќе не се плаши од авторитаризам, туку го прифаќа“.
Свет
Студент во Британија и Кина со години силувал жени: се појавија уште 23 жртви
Уште 23 жени се појавија во полиција со обвиненија против серискиот силувач Женхао Зу, кинески докторант кој минатиот месец беше прогласен за виновен во Лондон за дрогирање и силување на 10 жени на два континента, јавува Би-Би-Си.
На крајот од судењето, полицијата соопшти дека има видео докази, снимени од самиот Зу, кои укажуваат дека може да има уште 50 жртви и дека се обидуваат да ги најдат тие жени. Но, сега детективите велат дека веруваат дека бројот на неговите напади е значително поголем. Зу бил обвинет и за дрогирање на жртвите и снимање на нападите, а приватните работи на жените што ги силувал ги чувал во кутија.
Двете жени кои минатиот месец дојдоа во полиција со новите наводи исто така разговараа за Светскиот сервис на Би-Би-Си. Една од нив рече дека Зу ја силувал во нејзиниот роден град во Кина, откако тој и ставил нешто во пијалокот, таа била свесна, но не можела да се движи или да зборува. Друга рече дека Зу ја дрогирал во Лондон и дека се разбудила и видела како се снима како сексуално ја напаѓа.
Би-Би-Си разговараше и со две жени чиешто сведочење помогна да се осуди Зу, кој ќе биде осуден во јуни. „Да зборував порано, можеби немаше да има толку многу жртви по мене“, вели една од нив. Таа и другите жени велат дека се борат со вината што знаеле дека Зу нападнал толку многу жени.
Една од жените кои ги изнесе новите обвинувања изјави за Би-Би-Си дека Зу ја нападнал во Лондон во 2021 година, но таа се осмелила да контактира со полицијата дури по неговото судење минатиот месец. „Не знаев дека е нешто што може да се пријави“, рече таа. Вели дека првпат го запознала Зу додека излегувала со други кинески студенти на ноќно излегување во Лондон. Сите се додадоа на WeChat, популарна апликација за пораки.
Недолго потоа, заеднички пријател ја поканил девојката на пијачка во луксузното студентско сместување на Зу во Блумсбери. На масата имаше две шишиња алкохол, вели таа, двете веќе отворени и полупразни. Почнала да пие од едното шише со пријателка, но вели дека Зу пиел само од другото.
Жртвата вели дека нејзината пријателка нормално добро поднесува алкохол, но овој пат многу брзо се опила и заспала на подот. Алкохолот брзо почнал да влијае и на неа, вели таа. „Обично, кога пиете премногу, се чувствувате добро одредено време. Но, таа вечер веднаш почнав да се чувствувам многу грозно и поспано“, се сеќава таа.
Таа рече дека оу ја уверил дека не и е безбедно да се качи сама со такси дома во таква состојба и и предложил да дремне во неговата соба. Таа се согласила, знаејќи дека нејзината пријателка се уште е во станот.
Следно што се сеќава, се разбудила и Зу ги соблекувал панталоните. „Веднаш го запрев“, вели таа, а токму тогаш ја забележала светлината од мобилниот над нејзината глава и со ужас сфатила дека ја снима.
Девојката опишува како се обидела да ја напушти неговата спална соба, но тој агресивно ја повлекол назад внатре.
Дури и кога се заканувала дека ќе вика и ќе повика помош, тој ја пуштил да си оди, а Зу потоа и рекол да не прави голема работа и да не оди во полиција.
„Сега останува на истражниот тим професионално да ги анализира доказите и приказните на овие поединечни жртви за да видиме дали можеме да идентификуваме кој бил жртва, кога и каде, а потоа да го изведеме Зу пред лицето на правдата за целосниот обем на неговите злосторства“, рече Саутворт.
Уапсени три лица од Кривопаланечко поради извршено кривично дело убиство
Вчера во 18.25 часот, полициски службеници од ОВР Крива Паланка ги лишиле од слобода 24-годишниот З.Ф., 19-годишниот С.Ф. и 44-годишниот С.Ф....
„Кој се плаши од анкетна комисија во Собранието со меѓународно надгледување“, прашува ДУИ
„Демократската унија за интеграција прашува – кој се плаши од формирање на анкетна комисија во Собранието со учество на сите...
Од денеска нова авионска линија Скопје – Париз („Орли“)
Од денеска Скопје и официјално директно се поврзува со Париз преку новата авиолинија Скопје – Париз. Утрово, на Меѓународниот аеродором...
Водостоите на сите реки во земјата се доста високи и таа тенденција се очекува да продолжи и во текот на денот
Според утринските податоци од хидролошките станици низ земјава, водостоите на сите реки низ земјава се доста високи и таа тенденција...
Поплавени куќи, магацини и индустриски објекти во Студеничани, Батинци, Пинтија и во Горно Лисиче
РЦУК – Скопје, известува дека поради врнежите од дожд, во текот на доцните попладневни и вечерните часови, дојдено е до...
Арсовска: Ѓеоргиевски, освен со фотографирање, со друго не може да се пофали, со превенција се спречуваат поплави, не со глумење спасител
„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно...
Сообраќајот на магистралниот пат Крива Паланка – Деве Баир нормализиран
Сообраќајот на магистралниот пат Крива Паланка – Деве Баир, кој беше во прекин поради сообраќајна незгода, е нормалзиран, извести АМСМ....
Град Скопје: Одржувањето на одводните канали и коритото на Маркова Река е во директна надлежност на општина Студеничани и Министерството за животна средина
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски...
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност за населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
Обезбедувачот на Мицкоски за 50.000 евра оддавал службени тајни, приведен е
За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...
Кочани доби ново амбулантно возило – донација од компании
Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...
По трагедијата во Кочани целосно се забранува употребата на пиротехниката во затворен простор
Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...
Нема повеќе седење дома и земање плати, потребна ни е ефикасна администрација, порача Мицкоски
„Јавната администрација не е само механизам за спроведување на законите и политиките, таа е лицето на државата, одраз на нејзината...
Трендафилов подготвен тој и сите функционери една година да земаат плата 500 евра, но уште утре минималната да се зголеми на истиот износ
Претседателот на Сојузот на синдикатите на Македонија (ССМ), Слободан Трендафилов, е подготвен една година тој и сите избрани и именувани...
(Видео) Талески: Мицкоски не може да не знае, втор обезбедувач од неговиот круг фатен во контакт со подземјето
Оваа Влада и ДПМНЕ се очигледно сериозно вмешани во криминал, а лица од најголема доверба на премиерот во континуитет се...
(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат
Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата...
Во Козле, во „8 Септември“ или во странство ќе одат на рехабилитација пациентите со потешки повреди, кои следната недела ќе почнат да се враќаат
Во текот на оваа недела од лекување во странство најавено е дека ќе се враќаат пациентите што се целосно закрепнати,...
