Свет
Серија напади врз Русија: Гранатирани села, беспилотни летала погодија складиште за гориво
Украинските сили гранатираа две села на западот на Русија, во областа Брјанск, а во нападот нема повредени, изјави денеска регионалниот гувернер Александар Богомаз.
Богомаз на Телеграм напиша дека украинските сили ја нападнале областа околу селата Ломаковка и Новаја Погошч.
Гувернерот на Белгородската област во Русија, Вјачеслав Гладков денеска изјави дека украинските сили во текот на ноќта го гранатирале квартот Шебекински, а повеќе од 2.500 луѓе од околината биле евакуирани.
Украина негира дека нејзината армија била вмешана во нападите.
Две беспилотни летала со долг дострел рано изутринава нападнаа објекти на комплекс за складирање гориво во две села во областа Смоленск во Русија, а нема жртви или штети, изјави вршителот на должноста гувернер на регионот Василиј Анохин.
Тој на Телеграм напиша дека оперативните служби работат на лице место за отстранување на последиците.
Оддалеченоста на селото од руско-украинската граница е повеќе од 300 километри.
Украинските власти денеска ја укинаа тревогата за воздушен напад во поголемиот дел од земјата, а властите во главниот град Киев соопштија дека одбранбените сили собориле повеќе од 30 руски ракети и беспилотни летала.
Од почетокот на мај Москва извршила околу 20 напади со ракети и беспилотни летала врз украинските градови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.