Свет
Се зголемува бројот на загинати во поплавите во Романија: „Тато, дојди, тука има мртов човек“
Бројот на загинати во поплавите во романската област Галац достигна шест лица, јавуваат локални медиуми.
Вчера, било пронајдено тело на маж како лежи покрај патот во селото Слобозија Конаки. Водата го однела речиси шест километри. Исто така, синоќа е потврдена смртта на исчезнатиот во градот Сухурлуи. Водата се повлекла, но зад себе оставила половина метар кал, дури и внатре во куќите.
„Што е ова? Катастрофа! Видете добри луѓе! Уништени сме“, вели еден од жителите, а друг додава:
„Да сте ги слушнале животните како рикаат, не можам да ви опишам. Тоа беше крајот на светот“.
„Немаме каде да одиме, немаме каде да спиеме“, велат другите жители.
Два дена по поплавата, се открива обемот на катастрофата. Телото на исчезнатиот маж во Печеја било пронајдено дури вчера. Водата го однела шест километри.
Син ми го виде таму во грмушката. И ми вика: Тато, дојди, тука има мртовец. И кога дојдов, го најдов. Водата го носеше, имаше 40-50 години“, раскажува очевидец.
Многу луѓе од страв не сакаа да се симнат од покривите на своите куќи. Водата во некои области достигна речиси два метра. Дури и спасувачите беа во опасност, според написите.
Екипа на пожарникари во возило синоќа била зафатена од порој. Тие успеале да излезат низ прозорците и да го напуштат возилото.
Само во областа Галац оштетени се речиси 5.500 куќи, а загрозени се 20.000 луѓе.
„Голема тага. Таму е калта, а водата беше толку висока. Ништо не ми остана, сè е уништено. Мебелот е целосно уништен! Вакво нешто досега не се случило овде“, велат мештаните.
Мештаните со солзи во очите се обидуваат да спасат што можат од калта.
„Ми умре кравата. Стари сме, но куќата ни беше чиста и сува“, вели еден постар жител.
„Се превртеа плевните, имавме малку жито, сега се полни со кал“, додава тој.
„Видете, ова е катастрофа. За еден и пол де, колку што течеше водата, сè беше уништено. Креветот, немаме веќе каде да спиеме, фрижидерите, сè е уништено. Печките за греење. Ништо не ни преостанува. Сè е уништено, ние го создававме ова целиот живот“.
„Водата дојде за половина час. Во тоа време ја држевме портата за да не влезе водата посилно. Немавме каде да одиме. Ја пуштивме и побегнавме. Водата достигна 2,5 метра“, велат мештаните.
Пожарникарите вчера спасуваа и животни заробени во поројот.
Проблемите сè уште се присутни во целата област Галац.
Повеќе од 90 % од домаќинствата без струја се повторно приклучени на мрежата. Според извештаите, 35 куќи не можеле повторно да се поврзат бидејќи имало опасност од пожар и струен удар.
Речиси 400 пожарникари интервенираа во областа Васлуи. Повеќе од 100 куќи беа погодени во селото Епурени, каде што се отворија огромни дупки на улиците.
Метеоролозите издадоа предупредување за дожд за регионот, каде што врнежите ќе продолжат и во наредните денови. Црвеното метеопредупредување за поплави сè уште е во сила за неколку реки во Романија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Унгарија сè уште сака да биде домаќин на самитот Путин-Зеленски
Унгарија веќе двапати понуди да биде домаќин на мировните преговори меѓу Русија и Украина, и таа понуда сè уште важи, изјави унгарскиот министер за надворешни работи, Петер Сијарто, во подкаст емитуван на Фејсбук.
Сијарто реагираше на извештаите дека Белата куќа ја разгледува унгарската престолнина Будимпешта како локација за можна трилатерална средба меѓу претседателот на Соединетите Американски Држави Доналд Трамп, рускиот претседател Владимир Путин и украинскиот претседател Володимир Зеленски.
Американската тајна служба се подготвува за самитот во Унгарија, а Будимпешта се појави како прв избор на Белата куќа, објави „Политико“ во вторникот.
„Доколку им требаме, ние сме подготвени да обезбедиме соодветни фер и безбедни услови за такви мировни преговори. Среќни сме ако можеме да придонесеме за успехот на мировните напори“, рече унгарскиот дипломат во дневниот подкаст што го водат членови на владата.
Свет
(Видео) Нови снимки од воените вежби на Русија и Кина во Пацификот
Нови снимки прикажуваат заедничка поморска патрола меѓу Русија и нејзиниот близок сојузник Кина во западниот Пацифик, дел од воена соработка што отворено ги предизвикува САД во регионот, објавува „Њузвик“.
Од почетокот на војната во Украина, Русија одржува партнерство со Кина што претседателот Владимир Путин го нарекува „неограничено“. Двете земји ги продлабочија воените врски, при што повеќе од половина од нивните 113 заеднички вежби од 2003 година се одржаа во последните шест години. Таа соработка вклучува заеднички патроли на стратешки бомбардери и поморски бродови во Пацификот.
China-Russia matirime joint patrol wrapped up on Wednesday with a departing ceremony in the Western Pacific, according to the PLA Navy. (Video: PLA Navy) pic.twitter.com/KfDrpIoJQm
— Global Times (@globaltimesnews) August 20, 2025
Најновите руско-кинески воени активности, вклучувајќи ја вежбата „Заедничко море 2025“ и поморската патрола, доаѓаат откако нивниот заеднички ривал, САД, одржа големи воздушни и поморски вежби во Пацификот во јули. Американските сили, исто така, учествуваат во две вежби во Алјаска и на Арктикот, поради загриженоста за растечкото руско и кинеско присуство во регионот.
Кинеската морнарица, која има најголема флота воени бродови во светот, објави во среда снимки од заедничка патрола со својот руски партнер, потврдувајќи дека маневрите биле успешно завршени во западниот Пацифик. За време на 15-дневната патрола, која следеше по вежбата „Заедничко море 2025“ одржана од 1 до 5 август во близина на Владивосток, двете морнарици спроведоа вежби за придружба и воздушна одбрана, меѓу другото, објави кинеската државна новинска агенција Ксинхуа.
Chinese and Russian naval fleets concluded a 15-day joint patrol following their separation in a sea area of the western Pacific on Wednesday.
During the joint patrol, the two sides alternated or shared command, working in close coordination and cooperation to carry out… pic.twitter.com/DIHwWbST8v
— People's Daily, China (@PDChina) August 20, 2025
Деталите за патролата, вклучувајќи ги и рутите, остануваат нејасни. На 12 август, Руската пацифичка флота објави дека три брода се закотвиле во заливот Авача на полуостровот Камчатка, околу 925 километри од најзападниот дел на Алеутските Острови во Алјаска. Додека руските и кинеските бродови беа на море, САД испратија разурнувач во водите околу Алеутските Острови како дел од операциите за поддршка на „морската одбрана на татковината“.
фото: принтскрин
Свет
Зеленски: Спремен сум за средба со Путин, но не во Москва
Украинскиот претседател, Володимир Зеленски, повтори дека Украина е подготвена за билатерална средба со рускиот претседател Владимир Путин, но дека таа не може да се одржи во Москва.
„Веднаш одговорив на билатералната средба. Подготвени сме. Но, што ако Русите не се подготвени? Европејците го покренаа ова прашање. Ако Русите не се подготвени, тогаш би сакале да видиме силна реакција од Соединетите Држави на ова“, рече Зеленски на прес-конференција, објави УНИАН.
Тој додаде дека подготовките за средбата од руска страна ќе ги координираат американските претставници, вклучувајќи го државниот секретар Марко Рубио, специјалниот пратеник Стив Виткоф и потпретседателот Џ.Д. Венс.
Украина очекува дефинирање на безбедносните гаранции во рок од седум до десет дена, а по успешната билатерална средба, планирана е трилатерална средба со претседателот на Соединетите Американски Држави, Доналд Трамп.
Трамп потврди дека во тек се подготовки за средбата меѓу Зеленски и Путин и нагласи дека директниот дијалог меѓу лидерите е клучен чекор.
Рускиот министер за надворешни работи, Сергеј Лавров, изјави дека Русија не ги исклучува билатералните или трилатералните преговори, но дека тие мора да бидат внимателно подготвени.
Обвинение против осум лица, од нив шест се полицајци
Јавен обвинител од Специјализираното одделение за гонење на кривични дела сторени од лица со полициски овластувања и припадници на затворската...
Истрага за тероризам: пријавил дека има бомба на летот Скопје – Анталија
Постапувајќи по кривичната пријава поднесена од МВР, обвинителството отвори истражна постапка против С.А. (26) поради основано сомневање дека сторил кривично...
Во Македонија 18 пожари на отворено
Во текот на изминатото деноноќие, на ден 20/21.08 на територијата на Македонија имаше вкупно 18 пожари на отворен простор, од...
Венс: Европа мора да го понесе лавовскиот дел од товарот за безбедноста во Украина
Потпретседателот на САД, Џ. Д. Венс, изјави дека европските земји ќе мора да го понесат лавовскиот дел од товарот кога...
ОН: Бројот на неухранети деца во Газа се зголемил тројно од март
Само во градот Газа, речиси една третина од децата се неухранети, напиша Филип Лазарини, раководител на Агенцијата на ОН за...
Анализа: Путин дури и не сака да го изговори името на Зеленски; „Ќе се сретне со него под еден услов“
Презирот на претседателот Владимир Путин кон својот украински колега е толку длабок што речиси никогаш не го кажува неговот име....
32-годишен скопјанец осомничен за разбојништво во Бучимци: маскиран и со ловечки нож ограбил соселанец
Јавен обвинител од Основното јавно обвинителство Скопје поведе постапка против едно лице осомничено за кривично дело – Разбојништво од член...
(Видео) Специјалци од единиците „Волци“ и „Тигри“ направија пресека за да не се пренесе пожарот од Јасен
Пресеката, поточно правење бришан простор за да не се пренесе пожарот преку срт, целосно ја завршија припадниците на Специјалната антитерористичка...
СДСМ Прилеп: Коруптивните бизнис зделки на функционерите на ДПМНЕ ги оставија прилепчани без полагања за возачка дозвола
„Поради нерегуларности во работењето, МВР го затвори Испитниот центар „Супер возач“, со што жителите на Прилеп и другите општини од...
Итни и вонредни надзори во приватните болници по информациите дека се правеле непотребни операции за профит
Министерството за здравство најави итни и вонредни надзори во приватните болници по информациите што излегоа во јавноста дека се правеле...
Мицкоски: Треба да се истражи како минатите арбитражни постапки се губеле и се одлевале огромни суми од државниот буџет
Ова е втора арбитража што оваа Влада ја добива и очекуваме барем уште две во периодот што следува, вели претседателот...
За да нема одење на партиски митинзи со службени возила, Владата апелира сите институции што не го почитуваа рокот 18 август да поднесат пријави
Непослушните државни институции, кои до 18 август не ги пријавија службените возила, денес од Владата добија уште еден апел да...
(Видео) Митева: Од 8 активни меѓународни арбитражи, оваа Влада успешно заврши 3 во полза на Македонија
Од осум активни меѓународни арбитражи оваа Влада успешно заврши три во полза на Македонија, соопшти портпаролката на Владата, Марија Митева....
Царинaта спречи опасен шверц на илјадници лекови, против лице од Косово поднесена кривична пријава
Царинските службеници на граничниот премин Богородица открија и спречија обид за криумчарење на 4.577 парчиња небезбедни лекови, скриени во багажниот...
Трамп: Не грижете се, нема да има трета светска војна
Планетата повеќе не се движи кон трета светска војна, изјави американскиот претседател Доналд Трамп во интервју за новинарот Марк Левин....
Судир за српскиот капитал: „Влен“ и ДУИ меѓусебно се обвинуваат
ВЛЕН и ДУИ, двете водечки политички субјекти од албанскиот блок во Македонија, се препукуваат поради наводно продирање на српски капитал...
Од шумскиот пат кон езерото се води жестока битка за да се спречи ширењето на пожарот кај Јасен
Пожарот кај Јасен и натаму се заканува, откако во текот на ноќта започнал да се шири од шумскиот пат пред...
Антикорупциската брои службени возила пред изборите – институциите не ги пријавиле сите во рокот
Во регистарот на возилата на државните органи, органите на локалната самоуправа, јавните претпријатија и други правни лица со државен капитал...
Лавров: Ни Крим ни Донбас никогаш не бил наша цел
Рускиот министер за надворешни работи, Сергеј Лавров, тврди дека Русија никогаш немала намера да ги заземе украинските територии, туку, единствено,...
Што би значел пакт сличен на член 5 за Украина?
Безбедносните гаранции за Киев се клучно прашање во напорите да се прекинат борбите во текот на тековната руска инвазија врз...
