Свет
СЗО: Секое шесто дете е жртва на сајбер-малтретирање
Сeкое шесто училишно дете е жртва на сајбер-малтретирање, според вториот извештај на Светската здравствена организација (СЗО) за здравственото однесување на децата од училишна возраст (HBSC), објавен во Копенхаген.
Насилството на интернет е значително зголемено во споредба со претходниот извештај во 2018 година. Новиот извештај опфаќа податоци за периодот од 2018 до 2022 година.
Речиси 15 проценти од учениците веќе доживеале сајбер-малтретирање. Процентот на жртви меѓу момчињата се зголеми од 12 отсто во извештајот за 2018 година на 15 отсто, а кај девојчињата од 13 на 16 отсто. Едно од осум ученици на возраст од 11 до 15 години одговориле дека веќе малтретирале некого во дигиталниот простор.
Додека 11 отсто од момчињата во извештајот за 2018 година рекоа дека биле малтретирани преку интернет, таа бројка сега се зголеми на 14 отсто. Кај девојчињата е забележан пораст од 7 на 9 проценти.
Извештајот се фокусира на моделите на злоупотреба и насилство меѓу децата и младите. Во истражувањето учествувале повеќе од 279.000 испитаници. Младите луѓе на возраст од 11 до 15 години учествуваат во студијата на секои четири години.
Последното истражување беше спроведено во 44 земји и региони во Европа, Централна Азија и Канада.
„Овој извештај е повик за будење до сите нас да се справиме со злоупотребата и насилството кога и каде и да се појават“, рече Ханс Анри П. Клуге, регионален директор на СЗО за Европа.
„Со оглед на тоа што младите поминуваат до 6 часа онлајн секој ден, дури и малите промени во стапката на малтретирање и насилство може да имаат длабоки импликации врз здравјето и благосостојбата на илјадници млади луѓе“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Атентаторот на словачкиот премиер: Пукав зошто не се согласувам со политиката на владата
На социјалните мрежи е објавено видео на кое се гледа наводниот атентатор и на кое тој зборува за причините поради кои се обидел да го убие словачкиот премиер Роберт Фицо.
„Не се согласувам со политиката на владата“, наводно вели атентаторот на видеото.
#BREAKING 🚨‼️🇸🇰 Video of the assassin of Robert Fico Slovakia Premier. The reason for the assassination is that Fico is allegedly liquidating the media. Incredible statement from the suspect. #Slovakia #Fico pic.twitter.com/lRA4EFPOwG
— The Macro Story (@themacrostory) May 15, 2024
Фицо беше застрелан по состанокот на владата во Хандлова, околу 150 километри североисточно од Братислава. Атентатот се случил кога Фицо отишол меѓу насобраниот народ.
Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница и според словачките медиуми состојбата е многу сериозна. Словачката влада објави дека животот на Фицо е во опасност.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.
Свет
Путин го осуди атентатот на премиерот на Словачка: Пренесете му ги зборовите на најискрената поддршка и желби за брзо и целосно закрепнување
Претседателот на Русија, Владимир Путин, испрати телеграма до претседателката на Словачка и го осуди атентатот на премиерот на Словачка, Роберт Фицo.
Атентатот врз словачкиот премиер Роберт Фицо нема оправдување, тоа е грозоморно злосторство, изјави рускиот претседател Владимир Путин. Во телеграмата што и ја испратил на својата словенечка колешка Зузана Чапутова, тој изразил и желба за опоравување на Фицо, пренесува ТАСС.
„Со огорченост дознав за обидот за убиство на Роберт Фицо, премиерот на Словачка, ова монструозно злосторство не може да има никакво оправдување“, напиша Путин во својата телеграма на веб-страницата на Кремљ и додаде:
„Го познавам Роберт Фицо како храбар и подготвен човек, навистина се надевам дека овие квалитети ќе му помогнат да ја издржи оваа тешка ситуација“, се обрати рускиот лидер и продолжи: „Ве молам пренесете му ги зборовите на најискрената поддршка, исто така и желбите за брзо и целосно закрепнување“.