Свет
СЗО се обидува да стаса до болницата „Насер“, ИДФ ја продолжува потрагата

Светската здравствена организација денеска објави дека се обидува да стигне до најголемата функционална болница во Појасот Газа, болницата „Насер“, по израелскиот упад. „Во болницата сè уште има тешко ранети и болни пациенти. Постои итна потреба да се испорача гориво за да се овозможи континуирана работа на уредите што спасуваат животи. Се обидуваме да пристапиме до болницата „Насер“ бидејќи има луѓе на кои им е потребна помош“, изјави портпаролот на СЗО, Тарик Јашаревиќ, пренесе „Ројтерс“.
Израелските одбранбени сили (ИДФ) соопштија дека нивните војници продолжиле да ја пребаруваат болницата и дека досега уапсиле, како што рече, „повеќе од 20 терористи вклучени во масакрите на 7 октомври во Израел“, објави „Тајмс оф Израел“.
Елитната единица „Маглан“ и поморската единица пронашле минофрлачи, гранати и друго оружје на Хамас во болничката установа, истакнуваат од ИДФ.
Војниците на ИДФ влегоа во болницата во четвртоко, велејќи дека имаат информации дека таму се држат заложници и дека некои од киднапираните заложници можеби сè уште се таму. Израелската армија наведува дека „ќе продолжи да спроведува операции во согласност со меѓународното право против терористичката група Хамас, која систематски врши операции во болниците и другите цивилни институции“, пренесува „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел соборува ирански дронови над Саудиска Арабија

Израелската војска почна да пресретнува ирански беспилотни летала над Саудиска Арабија, објави израелската телевизија Канал 12.
„Тајмс оф Израел“ исто така објави дека израелските сили почнале да соборуваат беспилотни летала надвор од израелска територија, повикувајќи се на воени извори.
Претходно беше потврдено дека Иран лансирал повеќе од 100 беспилотни летала кон Израел како одговор на израелските воздушни напади во текот на ноќта.
На беспилотните летала им требаат неколку часа за да стигнат до израелска територија од Иран, а пресретнувањата започнаа веднаш штом влегоа во воздушниот простор над регионот.
Свет
Иранскатa влада: Започнувањето војна со Иран е игра со лавовска опашка

Владата на Иран објави дека израелскиот напад врз таа земја, во кој беа убиени неколку ирански генерали, научници и граѓани, докажа дека овој, како што велат, „нелегитимен режим“ не се придржува до никакви меѓународни правила или закони.
Во соопштението се истакнува дека Израел „отворено и дрско се занимава со терор и ги разгорува пламените на војната пред очите на светот“, вклучувајќи ги и западните земји кои тврдат дека ги почитуваат човековите права.
„Започнување војна со Иран е игра со лавовска опашка. Кукавичката ноќна операција за време на дипломатскиот процес за иранското нуклеарно прашање е знак за стравот на овој режим од моќта на Иран да го убеди светот дека иако ние Иранците никогаш не сме започнале војна во изминатите 200 години, не сме се двоумеле да ја браниме нашата татковина и нема да го сториме тоа“, се додава во соопштението.
Во истото се оценува дека израелската инвазија и „кукавичкото убиство“ на иранските генерали докажаа дека овој режим е терористички по природа, пренесува ИРНА.
Се забележува дека одмаздата против Иран е „легитимно право“ и дека Техеран ќе одговори силно на „израелскиот терористички режим кој убива деца“.
„Нема потреба да се разговара со таков предаторски режим освен на јазикот на силата. Светот сега подобро го разбира инсистирањето на Иран на правото на збогатување, нуклеарна технологија и ракетна моќ, а непријателот овозможи да ја демонстрираме нашата исправност, кој е агресор и кој режим ја загрозува безбедноста на регионот“, се наведува во соопштението.
Владата на Иран објави дека ги започнала потребните одбранбени, политички и правни мерки за „да се покае нелегитимниот Израел од овој момент“ и „да ги спречи ционистите да спијат мирно“.
Таа, исто така, побара од Советот за безбедност на Обединетите нации да го брани достоинството и кредибилитетот на светската организација од колапсот на меѓународниот систем.
Во утринскиот израелски напад врз неколку локации во Иран, според иранската агенција, убиени се бројни команданти, научници и цивили.
Свет
Јордан го затвора воздушниот простор по израелските напади врз Иран

Јордан привремено го затвора својот воздушен простор како превентивна мерка, по израелските напади врз Иран.
„Оваа превентивна мерка е преземена поради на воената ескалација во регионот“, објави Јорданската регулаторна комисија за цивилно воздухопловство (CARC), објави CNN.
Главниот комесар на CARC, Хајтам Мисто, рече дека одлуката е во согласност со меѓународните стандарди за цивилно воздухопловство и обврските за безбедност на летот, и дека привременото затворање ќе биде континуирано оценувано и преиспитувано.
И Израел и Иран привремено го затворија својот воздушен простор. Веб-страницата за следење на летови Flightradar24 покажува дека небото над двете земји било практично празно рано наутро во петок по локално време.
Израелската армија денес објави дека во текот на ноќта започнала напади врз неколку места во Иран, како и дека целите на нападите биле, меѓу другото, цели поврзани со нуклеарната програма.
Портпаролот на израелската војска денес изјави дека Иран лансирал повеќе од 100 беспилотни летала кон Израел во последните неколку часа, откако земјата вети одмазда за израелските напади, објави Sky News.