Свет
Силен земјотрес од 7,1 степени го погоди Нов Зеланд
![](https://makfax.com.mk/wp-content/uploads/2022/07/zemjotres.jpg)
Земјотрес со јачина од 7,1 степени според Рихтеровата скала денеска го погоди регионот на островите Кермадец во близина на Нов Зеланд, соопшти Американскиот геолошки институт (USGS).
Earthquake of Magnitude:7.2, Occurred on 24-04-2023, 06:11:52 IST, Lat: -29.95 & Long: -178.02, Depth: 10 Km ,Location: Kermadec Islands, New Zealand for more information Download the BhooKamp App https://t.co/QrBjJKkycR @ndmaindia @Indiametdept @Dr_Mishra1966 @DDNewslive pic.twitter.com/UlboEhMhEf
— National Center for Seismology (@NCS_Earthquake) April 24, 2023
Земјотресот бил на длабочина од 10 километри, а USGS првично известил за јачина од 7,3 степени, но подоцна бил коригиран на 7,1.
Американскиот центар за предупредување од цунами во Пацификот објави дека заканата од цунами поминала во областа околу островот Кермадец.
Силен земјотрес го погоди истиот архипелаг пред нешто повеќе од еден месец, покажуваат извештаите на USGS. Тогаш магнитудата на земјотресот беше 7 степени според Рихтеровата скала.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Борел: Орбан не доби никаков мандат од Советот на ЕУ да ја посети Москва
![](https://makfax.com.mk/wp-content/uploads/2024/01/677z381_677z381_677z381_borelj-epa-efe-o.m.-nnn.jpg)
– Унгарскиот премиер Виктор Орбан не доби никаков мандат од Советот на ЕУ да ја посети Москва, а неговиот престој во руската престолнина ќе се одвива исклучиво во рамките на билатералните односи меѓу Унгарија и Русија, изјави високиот претставник на ЕУ за надворешна политика и обезбедување, Жосеп Борел.
Тој изјави дека поради ставот на ЕУ за војната во Украина, официјалните контакти меѓу Унијата и претседателот на Русија, Владимир Путин се исклучени и дека поради тоа Орбан не ја претставува ЕУ во ниту еден облик, соопшти прес-службата на објави Европската Унија.
Во соопштението се потсетува дека претседателот на Русија, Владимир Путин, е обвинет од Меѓународниот кривичен суд и дека е распишана потерница за негово апсење во врска со присилната депортација на деца од Украина во Русија.
Регион
Експлозија во Загреб, разбојници разнеле банкомат
![](https://makfax.com.mk/wp-content/uploads/2024/07/hgfh-1.jpg)
Непознати разбојници разнеле банкомат во загрепски Бузин. Полицијата го блокирала патот.
– Утрово поминував покрај бензинската пумпа и видов дежурна полиција во близина на банкоматот. Некој го разнел во текот на ноќта – изјавил за 24сата.хр жител на Загреб.
Станува збор за банкомат кој се наоѓа во непосредна близина на бензинската пумпа на аголот на авенијата Вечеслава Хољевац и улицата Бани.
Полицијата веднаш излегла на терен со четири возила.
Отпадоци имало насекаде, а засега нема информации колку пари успеале да украдат.
Свет
Орбан му одговори на Мишел: Кога станува збор за односите со Русија и Украина, Унгарија дејствува во свое име, а не во име на ЕУ
![](https://makfax.com.mk/wp-content/uploads/2024/02/677z381_677z381_677z381_677z381_677z381_677z381_677z381_orban-prag.jpg)
Унгарија разбира дека со организацијата на преговорите меѓу Русија и Украина ќе се занимаваат големите земји, но би сакала да ги охрабри страните во конфликтот да склучат мир, изјави унгарскиот премиер Виктор Орбан во радио програмата „Кошут“.
„Будимпешта знае каде припаѓа и кое е нејзиното значење, како и дека големите сили ќе се занимаваат со големи преговори“, посочи Орбан.
Истовремено, тој повтори дека Унгарија би сакала да ги охрабри страните да започнат преговори. Премиерот објасни дека токму таква цел имал на ум кога го посетил Киев на 2 јули, по 12 години, каде што се сретнал со украинскиот претседател Володимир Зеленски.
„Уште еднаш, морам да прецизирам дека унгарското претседавање со Советот на Европската унија не дава мандат за преговори во име на ЕУ, туку Будимпешта настапува во свое име. Она што можеме да го направиме е да разјасниме која страна на што е подготвена, а откако ќе дознаеме, лидерите на ЕУ веќе можат да донесат одлука, а по одлуката ќе може да се започнат преговори, што, за жал, се чини дека е далеку е засега“, нагласи Орбан.
Запрашан кои ќе бидат неговите следни чекори по неговата посета на Киев на 2 јули, Орбан рече: „Бидејќи овие чекори се од многу чувствителна природа, ќе може да се зборува за нив дури откако ќе се спроведат“.
Претходно, шефот на Европскиот совет во заминување, Шарл Мишел, на мрежата Х напиша дека ротирачкото унгарско претседателство со Советот на ЕУ нема мандат да контактира со Русија во име на Европската унија, коментирајќи ги мировните иницијативи на унгарскиот премиер, Виктор Орбан и информации за неговата можна посета на Москва.
Претходно, прес-секретарот на рускиот лидер Дмитриј Песков, коментирајќи ги медиумските написи за евентуална посета на Орбан на Русија, одби да ја потврди или негира оваа претпоставка, пренесува Спутник.