Свет
Силни експлозии во Киев: ноќта се претвори во ден поради проектилите, има повредени

Синоќа околу еден часот по полноќ во Киев се случија силни експлозии, а според првичните информации пет лица се повредени, додека голем број згради се оштетени, изјавија тројца очевидци за Ројтерс.
Градоначалникот на Киев, Виталиј Кличко, на својот профил на „Телеграм“ соопшти дека жителите на една зграда се евакуираат, а службите за итни случаи работат на гаснење на неколку пожари предизвикани од паѓање на парчиња од проектил.
Пет лица се повредени, а зградите се оштетени од фрагменти од уништени проектили во киевскиот регион Днепропетровск – изјави градоначалникот на украинската престолнина.
Речиси истовремено со нападот, градската воена управа на Киев издаде предупредување за воздушен напад за главниот град на Украина.
Медиумот потсетува дека британскиот министер за надворешни работи Дејвид Камерон рече дека сè уште не може да ја наведе точната сума што Велика Британија ќе ја одвои за поддршка на Украина во 2024 година, но дека Лондон е решен да продолжи да му дава на Киев барем онолку помош колку што обезбеди во текот на 2023 година и во 2022 година.
Вредноста на воената помош што Лондон му ја испрати на Киев изнесуваше 2,3 милијарди фунти или 2,6 милијарди евра, а се очекува слично ниво да достигне и во тековната година, пренесува „РИА Новости“.
„Немам бројки за тоа колку пари ќе бидат обезбедени за 2024 година. Сè што можам да кажам е дека сме целосно посветени на понатамошна поддршка на Украина на исто или дури и повисоко ниво од претходно“, рече тој во Домот на лордовите на Британскиот парламент
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Првото патување на Трамп ќе биде во Саудиска Арабија

Американскиот претседател Доналд Трамп вчера изјави дека планира да ја посети Саудиска Арабија уште во мај за да потпише инвестициски договор во првото патување во странство од неговиот втор мандат, а планирани се и посети на Катар и Обединетите Арапски Емирати.
„Може да биде следниот месец, можеби малку подоцна“, им рече Трамп на новинарите во Овалната соба.
Четири извори информирани за ова прашање рекоа дека средината на мај се смета за најдобро време за патување. Трамп ги направи Саудиска Арабија и Израел првите постојки на неговото инаугуративно патување во странство за време на неговиот прв мандат во 2017 година. Трамп, повторувајќи ги забелешките што ги даде на почетокот на март, рече дека неговото патување во Саудиска Арабија ќе биде за потпишување договори за инвестирање милијарди долари во американската економија, вклучително и купување на воена опрема. Тој посочи дека слични договори ќе бидат потпишани во Катар и ОАЕ.
„Во тие два-три дена ќе се отворат огромни работни места“, рече Трамп.
Други теми за кои веројатно ќе се разговара се тригодишната војна на Русија во Украина и војната во Газа, рече еден извор.
Саудиска Арабија одигра значајна улога во надворешната политика на САД, вклучувајќи го и тоа што беше домаќин на американските разговори за прекин на огнот со Русија и Украина.
Европа
Путин потпиша мобилизација, вика најмногу луѓе во војска во последните 10 години

Рускиот претседател Владимир Путин потпиша указ за пролетна мобилизација, со кој се наредува регрутирање на 160.000 граѓани на воена служба во периодот од 1 април до 15 јули, јавуваат агенциите.
Во армијата ќе бидат повикани 160.000 руски државјани на возраст од 18 до 30 години, што е за 10.000 повеќе од лани и најголем број регрути во последните десет години.
Путин и овој пат вети дека регрутите нема да бидат испратени на бојното поле. Но, имаше и претходни случаи на заробени и убивани регрути за време на нејзината „специјална воена операција“ во Украина, како што Кремљ ја нарекува својата тригодишна инвазија на Украина.
Свет
(Видео) Кина одржува воени вежби околу Тајван, објави анимација: „Паразитот го труе островот“

Кина го распореди својот носач на авиони Шандонг и други бродови околу Тајван, објави денеска тајванското Министерство за одбрана, додека Пекинг најави воени вежби околу островот.
Министерството, кое забележа 19 бродови во изминатите 24 часа, внимателно ги следи движењата на носачот на авиони Шандонг и другите авиони и бродови кои вчера влегоа во зоната на одговорност на Тајван, се вели во соопштението.
A stern warning to separatists in Taiwan: China Coast Guard conducts law-enforcement patrols around Taiwan in accordance with ONE-CHINA PRINCIPLE. pic.twitter.com/Zq9r09LtG7
— Li Zexin (@XH_Lee23) April 1, 2025
Кинеската војска денеска соопшти дека започнала заеднички вежби на армијата, морнарицата и ракетните сили околу Тајван, за да послужат како остро предупредување и силно одвраќање за тајванската независност, нарекувајќи го тајванскиот претседател Лаи Чинг-Та „паразит“.
Вежбите околу островот со демократско управување, кој Кина го смета за своја територија и никогаш не се откажа од употребата на сила за да го стави под своја контрола, доаѓаат откако Лаи минатиот месец го нарече Пекинг „странска непријателска сила“.
The PLA released a video titled “Subdue Demons & Vanquish Evils,” inspired by “Black Myth: Wukong,” as Eastern Theater Command started joint exercises around Taiwan on Tuesday.
The video showcases PLA military capabilities & features missile attacks targeting Taiwan: pic.twitter.com/SklRPy8UI2
— Ian Ellis (@ianellisjones) April 1, 2025
Кинеската војска објави серија пропагандни видеа брзо последователно по објавувањето на вежбата, на кои се гледаат кинески воени бродови и борбени авиони како кружат околу Тајван, Тајпеј кој е мета и воени возила кои патролираат по улиците на градот.
Потоа следеше видео кое го прикажува претседателот Лаи како зелена цртана бубачка која мрести паразити низ островот, објавена на една кинеска страница на социјалните мрежи.
„Паразит го труе островот Тајван. Паразит што го издлабува островот. Паразит кој се додворува на крајното уништување“, се вели во анимацијата.
The Chinese People's Liberation Army (#PLA) Eastern Theater Command on Tuesday started to conduct joint exercises around #Taiwan Island, said Senior Colonel Shi Yi, the spokesperson for the theater command.
The spokesperson said that the theater command organized its army, navy,… pic.twitter.com/Qy5igCuSJ4
— China News 中国新闻网 (@Echinanews) April 1, 2025
Тајванскиот министер за одбрана Велингтон Ку рече дека таквата реторика не е погодна за мир и го покажува провокативниот карактер на Кина, на прашањето за прикажувањето на Лаи во цртаниот филм.