Свет
Силни експлозии во Киев: ноќта се претвори во ден поради проектилите, има повредени

Синоќа околу еден часот по полноќ во Киев се случија силни експлозии, а според првичните информации пет лица се повредени, додека голем број згради се оштетени, изјавија тројца очевидци за Ројтерс.
Градоначалникот на Киев, Виталиј Кличко, на својот профил на „Телеграм“ соопшти дека жителите на една зграда се евакуираат, а службите за итни случаи работат на гаснење на неколку пожари предизвикани од паѓање на парчиња од проектил.
Пет лица се повредени, а зградите се оштетени од фрагменти од уништени проектили во киевскиот регион Днепропетровск – изјави градоначалникот на украинската престолнина.
Речиси истовремено со нападот, градската воена управа на Киев издаде предупредување за воздушен напад за главниот град на Украина.
Медиумот потсетува дека британскиот министер за надворешни работи Дејвид Камерон рече дека сè уште не може да ја наведе точната сума што Велика Британија ќе ја одвои за поддршка на Украина во 2024 година, но дека Лондон е решен да продолжи да му дава на Киев барем онолку помош колку што обезбеди во текот на 2023 година и во 2022 година.
Вредноста на воената помош што Лондон му ја испрати на Киев изнесуваше 2,3 милијарди фунти или 2,6 милијарди евра, а се очекува слично ниво да достигне и во тековната година, пренесува „РИА Новости“.
„Немам бројки за тоа колку пари ќе бидат обезбедени за 2024 година. Сè што можам да кажам е дека сме целосно посветени на понатамошна поддршка на Украина на исто или дури и повисоко ниво од претходно“, рече тој во Домот на лордовите на Британскиот парламент
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ на воената парада во Кина: „Благодарен за искреното пријателство кон нашата Србија“

Српскиот претседател Александар Вучиќ денес објави дека Кина отсекогаш била покрај Србија, особено во тешките моменти.
„Благодарен на претседателот Шји и кинескиот народ за нивното искрено пријателство кон нашата Србија. Кина отсекогаш била покрај Србија, особено во тешките моменти. Србија и српскиот народ никогаш нема да го заборават тоа“, напиша Вучиќ на Инстаграм.
Свет
(Видео) Кина покажа невидено оружје од кое се плаши Западот

На воена парада во Кина беа претставени неколку нови ракетни и одбранбени системи, покажувајќи колку брзо земјата го развива својот стратешки арсенал.
Една од најзначајните беше Донгфенг-5Ц (ДФ-5Ц), нова варијанта на кинеската интерконтинентална балистичка ракета способна за нуклеарно оружје. Аналитичарот за одбрана Александар Нил забележа дека ДФ-5Ц има поголем дострел и може да носи до 12 боеви глави на една ракета.
Станува збор за двостепена ракета на течно гориво, напојувана од две последователни ракетни фази, секоја со свој мотор. Сместена е во подземни силоси и служи како стратешко средство за одвраќање.
🇨🇳☢️ China showcased its DF-5C intercontinental ballistic missile (ICBM) at the Beijing parade. With a global strike radius, the DF-5C is capable of carrying multiple nuclear warheads and reaching any point on Earth. pic.twitter.com/h2T3K0B453
— DD Geopolitics (@DD_Geopolitics) September 3, 2025
Според Нил, „Донгфенг-5“ е дизајниран да биде лансиран од кинеските силос полиња на северот од земјата, од каде што може да погоди цели во континенталниот дел на САД. Центарот за стратешки и меѓународни студии вели дека ракетата може да носи големи нуклеарни боеви глави и да достигне цели во САД и Западна Европа.
На парадата беше претставен и Донгфенг-61 (ДФ-61), долгоочекувана ракета дизајнирана да влезе во делумна орбита и да испорача хиперсонично оружје. Станува збор за мобилна ракета на патна база, што ѝ дава голема мобилност. Во комбинација со мобилен фрлач (TEL), може лесно да се скрие, брзо да се наполни со гориво и да се распореди на различни локации, држејќи го противникот во неизвесност.
Д-р Сидхарт Каушал, водечки експерт за ракети во лондонскиот тинк-тенк RUSI, истакна уште два нови хиперсонични системи – YJ-17, хиперсонично летало за едрење и YJ-19, хиперсонична крстосувачка ракета.
Кина, исто така, инвестира многу во развој на вештачка интелигенција и автономно оружје. Пример за ова е AJX002, џиновски подводен дрон долг 18 метри, способен да носи нуклеарно оружје.
Покрај ракетните системи, беше прикажано и ласерско оружје монтирано на осумтркален оклопен камион HZ-155. Според Александар Нил, ова е исклучително моќен систем кој може да ги онеспособи или запали електронските уреди, па дури и да ги заслепи пилотите.
Shipborne laser #weapons revolutionize #naval #warfare.#Vdaymilitaryparade #China #navalwarfare pic.twitter.com/fcDxHO9c2X
— Beijing Daily (@DailyBeijing) September 3, 2025
Нуклеарниот арсенал на Кина моментално се проценува на стотици ракети, значително помал од арсеналите на Русија и САД, кои се мерат во илјадници. Но, тој брзо расте, а Кина развива иновативни начини за паралелно испорачување на своите боеви глави.
фото: принтскрин
Свет
Американски научник: Извештајот на Трамп за климата е пародија на науката

Вчера повеќе од 80 научници го критикуваа извештајот за климатските промени на администрацијата на Трамп, осудувајќи ги методолошките недостатоци, манипулацијата со фактите и упатувањата на дискредитирани истражувања.
Документот, објавен од Министерството за енергетика кон крајот на јули, оспорува неколку научни консензуси за зголемувањето на екстремните временски настани, зголемувањето на температурите во Соединетите Американски Држави и штетните ефекти од емисиите на CO₂.
„Овој извештај е пародија на науката“, изјави Ендру Деслер, професор по атмосферски науки на Универзитетот Тексас А&М.
Во документот од повеќе од 400 страници, научниците ја истакнуваат употребата на „тактики слични на оние што ги користи тутунската индустрија“. Меѓу нив е и тврдењето дека високите концентрации на CO₂ во атмосферата се всушност корисни за земјоделството или дека закиселувањето на океаните не е толку голем проблем бидејќи животот еволуирал во кисели води.
Откако се врати на власт, Доналд Трамп го смени курсот во борбата против климатските промени, повторно повлекувајќи ја водечката светска сила од Парискиот договор за климата, поткопувајќи ги научните агенции и поништувајќи бројни мерки за заштита на животната средина.
фото: принтскрин