Свет
Синот го запалил татка си додека тој спиел, па се забарикадирал во станот: пукал кон полицајците од тераса во Хамбург
![](https://makfax.com.mk/wp-content/uploads/2020/12/Germanija-policija.jpg)
Драматични сцени се случија во четвртокот вечерта во станбена зона во Хамбург. Според медиумите, германската полиција убила маж откога тој отворил оган врз нив. Тој е осомничен дека пред тоа го запалил татко му во станот.
Во четвртокот вечерта околу 11.35 часот жители на зграда во Хамбург повикале полиција поради маж што се однесува невообичаено.
Истовремено, била информирана и противпожарната единица, која му укажала помош на таткото на напаѓачот поради тешки изгореници.
Како што пренесува „Билд“, постои сомневање дека синот го запалил татка си додека тој спиел. На несреќникот му била укажана помош на самото место по што бил пренесен во болница.
Во меѓувреме, синот се забарикадирал во станот. Кога полицијата се обидела да го уапси, тој вооружен се појавил на терасата и испукал неколку куршуми во правец на полицијата.
Патролите веднаш побарале поддршка, па пристигнале силите за специјални операции. Кога пристигнале на местото на настанот, мажот повторно отворил оган кон полицијата. Службениците за специјални операции пукале во мажот и го погодиле. Според полицијата, напаѓачот на самото место им подлегнал на повредите. Никој од полицајците не е повреден.
Засега не е познато што го навело синот да го запали татка си ниту, пак, е позната состојбата на жртвата.
Полицијата продолжува со увидот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
БиХ: Поради високите температури, работата на отворено е прекината од 12:00 до 17:00 часот
![](https://makfax.com.mk/wp-content/uploads/2024/06/б-2.jpg)
Министерството за труд и социјална политика на Федерацијата Босна и Херцеговина денеска им препорача на работодавачите дека поради високата температура на воздухот да ја разгледаат можноста за прекин на работата на отворено од 12 до 17 часот.
„Доколку работата на работодавачот е организирана така што не може да се примени оваа мерка, се препорачува работниците кои работат на отворено да започнат со работа од шест часот наутро“, се вели во соопштението на Министерството, пренесува Срна.
Во соопштението се посочува дека работодавачите треба да им обезбедат на работниците посоодветна облека, прилагодена на високата температура, како и користење на годишен одмор за вработените со дијагностицирани хронични заболувања.
Свет
Путин и Лам ја усвоија изјавата за стратешко партнерство меѓу Русија и Виетнам
![](https://makfax.com.mk/wp-content/uploads/2024/06/putin-vietnam-EPA.jpg)
Претседателите на Русија и Виетнам, Владимир Путин и То Лам, денеска во Ханој усвоија изјава за натамошно продлабочување на сеопфатното стратешко партнерство на двете земји по повод 30-годишнината од спроведувањето на руско-виетнамскиот договор за основа на пријателски односи.
За време на посетата на Путин на Виетнам беа потпишани најмалку 11 договори, пренесува ТАСС.
Станува збор за договори за соработка меѓу двете земји во областа на енергетиката, високото образование, правосудните институции, даночните служби и царината.
Потпишан е и договор за изградба на нуклеарен научно-технолошки центар во Виетнам со учество на руската државна корпорација за атомска енергија „Росатома“.
Потпишан е и договор за соработка меѓу Русија и Виетнам во развојот на лабораториска инфраструктура за борба против епидемии.
Ова е петта посета на Путин на Виетнам, а прва од 2017 година.
Путин пристигна во Виетнам во средата вечерта, по посетата на Северна Кореја, при што го потпиша Договорот за стратешко партнерство со лидерот на таа земја Ким Џонг Ун.
Свет
Канада ја прогласи Иранската револуционерна гарда за терористичка организација
![](https://makfax.com.mk/wp-content/uploads/2022/02/kanada.jpg)
Канада ја прогласи моќната иранската Исламска револуционерна гарда за терористичка организација.
„Оваа акција испраќа силна порака дека Канада ќе ги искористи сите алатки што ѝ се на располагање за да се бори против терористичкиот ентитет на ИРГЦ“, изјави за новинарите канадскиот министер за јавна безбедност, Доминик Лебланк.
„Нашата влада ќе се погрижи да нема имунитет за незаконските дејства на Иран и неговата поддршка за тероризмот“, продолжи тој.
Овој потег, меѓу другото, значи дека сега е кривично дело за секој во Канада да обезбеди финансиска или материјална поддршка на ИРГЦ и дека средствата на групата во земјата мора да бидат замрзнати. Израелскиот министер за надворешни работи, Израел Кац, го поздрави потегот.
ИРГЦ, елитна единица на иранските вооружени сили, има задача да ја заштити идеологијата на државата и, пред сè, да спречи државен удар. Единицата е сè повеќе критикувана за нејзината вмешаност во репресивни мерки во земјата.
Голем број земји од ЕУ, вклучително и Германија, се залагаат Европската Унија исто така да ја класифицира ИРГЦ како терористичка организација.