Свет
„Сите сме губитници“: Директорката на болницата во Газа бара да заврши војната
По разорната експлозија, директорката на болницата „Ал Ахли“ во Газа упати итен и емотивен апел да се стави крај на последната војна меѓу Хамас и Израел.
Во телефонски разговор за АП, Сухаила Тарази рече дека грозоморните сцени по експлозијата „се различни од она што таа некогаш го видела и што можела да го замисли“.
Таа не била во болницата во вторникот вечерта за време на експлозијата, но рече дека делови од телата на децата биле расфрлани низ болницата и во дворот.
„Сите ние сме губитници во оваа војна. И тоа мора да заврши“, рече директорката, но не ги коментираше директно наводите дека загинале најмалку 500 луѓе, како што објави Министерството за здравство со кое раководи Хамас, пренесува медиумот.
„Може да биде повеќе, може и помалку. Има толку многу делови од телата што никој навистина не може да ги каже бројките“, додаде таа.
Израелската војска тврди дека не е одговорна за експлозијата и дека радарот потврдил канонада од оган од страна на палестинската исламистичка организација Исламски џихад од блиските гробишта.
Исламскиот џихад ги отфрли тврдењата на Израел.
Министерството за здравство на Газа соопшти дека од почетокот на војната на 7 октомври во Газа се убиени најмалку 3.200 луѓе, а 11.000 се ранети.
Повеќе од 1.400 луѓе се убиени во Израел, од кои повеќето цивили, во првичните напади на Хамас во населбите и градовите во близина на границата со Газа, според медиумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пукање во Мичиген: убиен 17-годишник, седуммина повредени
17-годишен тинејџер е убиен, а седум лица се повредени во пукотница што се случила во Лансинг во американската сојузна држава Мичиген, соопшти полицијата.
Полицијата Ленсинг реагирала на инцидентот што се случил во центарот на градот околу 2 часот и 50 минути по полноќ, се наведува во соопштението, пренесе „УСА Тудеј“.
Кога полицајците пристигнале, пронашле голем број луѓе и повеќе жртви од огнено оружје, соопшти полицијата. Противпожарната служба Ленсинг реагираше и пренесе неколку повредени во локалната болница.
Полицијата соопшти дека седум лица на возраст меѓу 15 и 20 години се здобиле со прострелни рани, а 17-годишен тинејџер починал во локалната болница.
Најмалку едно лице е во критична состојба, се вели во соопштението.
Истрагата за инцидентот е во тек, соопшти полицијата.
Свет
(Видео) На авион му откажал моторот, пилотот спречил трагедија во Австралија
Драматично видео е снимено во Австралија, а го прикажува моментот кога на помал авион му откажал моторот, а пилотот со чудесен маневар ја избегнал трагедијата.
Инцидентот се случил во Нов Јужен Велс, додека авионот принудно слетал на аеродромот Бенкстаун.
„Помош, имаме проблем со моторот“, рекол пилотот преку радио.
„Примено, доаѓа помош. Сите писти ќе бидат достапни“, одговориле од контролната кула.
Хеликоптерот ја изгубил висината, и ги избегнал покривите на куќите, врвовите на дрвјата и зградата на аеродромот.
Пред да застане на тревата, лизгал неколку метри по асфалтот, пренесува „News.com.au“.
Аеродромските служби и итните служби брзо реагирале, а е снимен моментот кога пилотот и копилотот неповредени излегле од кабината.
Детална истрага за инцидентот ќе врши Дирекцијата за безбедност на цивилното воздухопловство.
Свет
Кинеската индустрија ќе бара проверка на увозот на свинско месо од ЕУ
Кинеските компании имаат намера да побараат од владата антидампинг истрага за увоз на некои свински производи од Европската унија, пишува државниот „Глобал Тајмс“, повикувајќи се на неименуван извор од деловни кругови.
Извештајот е објавен на платформата Х и во онлајн изданието, без да се наведат детали, пишувааљт медиумите во регионот.
Информациите на изворот за барањето антидампинг давачки за увоз на свинско месо од ЕУ се совпаднаа со зголемените трговски тензии меѓу Европската унија и Кина. ЕУ отвори истрага за увоз на повеќе производи од Кина за да ја заштити домашната индустрија, користејќи за првпат овластувања за проверка на кинеските тендери.
Брисел на тој начин го подготвува теренот за ретроактивни царини за кинеските електрични автомобили, а исто така го проверува увозот на соларни панели и производи од челик, пиѓува медиумот.
Лиу Бин, главен експерт на кинескиот центар за автомобилска технологија и истражување (CATARC) и заменик-директор на Кинескиот истражувачки центар за автомобилска стратегија и политика, изјави за „Global Times“ минатата недела дека Кина треба да ги зголеми тарифите за увоз на големи автомобили од 15 на 25 проценти.