Свет
Си-ен-ен: Кина од почетокот криела податоци за коронавирусот, покажувала помали бројки
Си-ен-ен објави ексклузивни документи за кои наведува дека покажуваат значајни пропусти од страна на Кина на почетокот на епидемијата на коронавирус.
Документите кои протекле од кинеската провинција Хубеи покажуваат дека Кина објавувала помали бројки на заразени со коронавирус, дека и` биле потребни недели за да дијагностицира нови случаи.
Исто така, се покажало дека Кина не ја известила јавноста за пикот на сезоната на грип во Хубеи во декември минатата година, што се поклопува со времето за кое се претпоставува дека всушност се појавиле првите случаи на Ковид-19 во Кина, пишува Си-ен-ен.
Во извештајот со етикета „внатрешен документ, доверлив“, локалните здравствени власти во провинцијата Хубеи, каде што првпат беше откриен вирусот, на 10 февруари наведоа вкупно 5.918 новооткриени случаи, што е двојно повеќе од официјалниот јавен број на потврдени случаи.
Таа поголема бројка не беше објавена во тоа време, а се чини дека Кина ги претставила податоците на начин што ја намалува сериозноста на епидемијата.
Претходно непозната бројка е во серијата откритија содржани на 117 страници откриени документи од провинцискиот центар за контрола и превенција на болести Хубеи, кои тој ги поседува и чија автентичност е потврдена од Си-ен-ен.
Кина решително ги отфрли обвинувањата на САД и на другите западни влади дека намерно ги задржала информациите во врска со вирусот, тврдејќи дека е искрена со светот уште од избувнувањето на пандемијата. Сепак, иако документите не даваат докази за намерен обид да се сокријат наодите, тие откриваат голем број недоследности во она за што властите биле свесни и што било откриено во јавноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин со министерката за надворешни работи на Северна Кореја: Се оди според планот
Рускиот претседател Владимир Путин денес се сретна со севернокорејската министерка за надворешни работи Чо Сон Хуи.
„Големо ми е задоволство да ве видам. Ве молам, пренесете ги моите најдобри желби до претседателот Ким Џонг-ун“, рече Путин, како што објави агенцијата РИА.
За време на средбата, Путин потсети дека неодамна се сретнал со Ким за време на неговата посета на Пекинг.
„Во Пекинг детално разговаравме за нашите односи и нашите развојни перспективи. Сè оди според планот, на најдобар можен начин“, рече Путин.
Претходно, рускиот министер за надворешни работи Сергеј Лавров, исто така, разговараше со Чо и нагласи дека односите меѓу двете земји добија силен поттик во последните месеци.
Фото: принтскрин
Свет
Лавров вели дека Трамп „радикално“ го менува својот став за војната во Украина
Рускиот министер за надворешни работи Сергеј Лавров изјави дека американскиот претседател Доналд Трамп ги напуштил принципите што, според него, биле дискутирани за време на состанокот во Алјаска.
Коментарите на шефот на руската дипломатија доаѓаат откако Трамп во последните денови повика на итен прекин на конфликтот во Украина, според германската новинска агенција dpa.
Во разговор за унгарскиот YouTube канал Ultrahang, Лавров оцени дека новиот пристап на американската администрација означува „радикална промена“ во однос на претходно договорените позиции. Според неговите изјави, за време на самитот во август, американската страна се залагала за постигнување на сеопфатен мировен договор, а не за итен прекин на непријателствата.
Лавров го наведе притисокот од европските земји и Украина како причина за промената на американската политика. Тој додаде дека претседателот Владимир Путин ги прифатил првичните предлози на САД, кои предвидувале траен мир како основа за понатамошни разговори.
– Москва останува доследна на ставот дека прекинот на огнот може да се разгледа само кога ќе се постигне сеопфатен договор за мир – рече Лавров.
Фото: принтскрин
Свет
Захарова: Русија не ги доживува санкциите како привремени или целни мерки
Портпаролката на руското Министерство за надворешни работи, Марија Захарова, денес изјави дека Русија е убедена дека западните санкции не се привремени или целни мерки, туку механизам за системски притисок врз Москва.
Таа нагласи дека западните земји, нивните сојузи и нивните поврзани сателити спроведуваат агресивна кампања против Русија.
„Целта е отворено декларирана: финансиска и технолошка изолација, поткопување на перспективите за долгорочен социоекономски развој и нанесување максимална штета на граѓаните со цел дестабилизација на внатрешнополитичката ситуација. Веруваме дека санкциите не се привремени или целни мерки, туку механизам за системски стратешки притисок врз нашата земја“, изјави таа за ТАСС на маргините на форумот „Произведено во Русија“.
Таа истакна дека Западот се обидува да воведе секундарни санкции против суверените држави, „обидувајќи се да ги казни за соработка со Русија, поради фактот што овие земји ги бранат своите национални интереси“.
Како што изјави таа, санкциите станаа реалност на новата фаза на развој во која влезе глобалната економија.
„Неподготвеноста на западните земји да признаат дека нивните производствени и финансиски модели ја губат конкурентската битка од глобалното мнозинство води кон хаос и нерамнотежа во сите области на глобалната економија“, нагласи Захарова.
Според неа, бројните пакети санкции воведени не само против Русија, туку и против други земји, како и одбивањето да се користат клучни резервни валути во меѓународните порамнувања, замрзнувањето на суверените фондови, трговските војни, неоколонијалните пристапи кон финансирање на развојот и спонзорирањето на „сателити“ преку меѓународните институции, „де факто ја укинаа глобализацијата“.
„Глобалната економија стана фрагментирана, а оние кои претходно се залагаа за отворени граници и отстранување на разни бариери се вратија на блоковски пристап“, заклучи таа.
Фото: принтскрин

