Свет
Смртоносен ручек: жена од Австралија направила пита со печурки, починале три лица
Жена од Австралија е уапсена поради сомнение дека отрула три лица со печурки. Имено, на три лица им се слошило по семеен ручек во Леонгат во јули, а четвртото е пренесено во болница.
Жената што го послужила ручекот, Ерин Патерсон (49), била приведена и сè уште не е обвинета, јавува Би-би-си. Австралијката тврди дека е невина.
Полицијата најавила истрага, а била претресена и нејзината куќа. Инспекторот за убиства, Дин Томас, на прес-конференција ја нагласи сложеноста на случајот опишувајќи го како трагедија.
Гејл и Дон Патерсон, родители на поранешниот сопруг на Патерсон, биле гости на смртоносниот ручек, како и сестрата на Гејл Патерсон, Хедер Вилкинсон, и шурата Јан Вилкинсон, но таму бил и нејзиниот поранешен сопруг.
Тие завршиле во болница поради тешко труење. За неколку дена починала брачните двојки Патерсон и Вилкинсон, а нејзиниот сопруг закрепнал по два месеца лекување.
Ерин Патерсон рече дека таа самата завршила во болница после оброкот по стомачните болки и била ставена на инфузија и лекови за заштита од оштетување на црниот дроб.
Изјавила дека за ручек послужила пита со печурки што ја купила во супермаркет и сушени печурки купени во азиска самопослуга неколку месеци претходно.
„Уништена сум кога помислувам дека тие печурки можеби придонеле за смртта на моите најблиски. Немав апсолутно никаква причина да ги повредам луѓето што ги сакав“.
Полицијата вели дека верува оти јаделе многу отровни и смртоносни печурки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Девојка од Чикаго на 17 години стана доктор на науки
Дороти Џин Тилман од Чикаго стана најмладата личност, на 17 години, што успеа да се здобие со докторска диплома за интегрирано бихевиорално здравје во Аризона.
„Ова е прекрасна прослава и се надеваме дека Дороти Џин ќе инспирира повеќе студенти. Но, ова е нешто многу ретко и уникатно“, вели вонредниот професор Лесли Менсон.
Кога повеќето ученици се обидуваат да се адаптираат во средно училиште, Дороти веќе беше запишана на колеџот во Лејк Каунти во северен Илиноис, каде што дипломира психологија.
Во 2018 година таа дипломира на отсекот хуманитарни науки на колеџот „Екселсиор“ во Њујорк. Две години подоцна, магистрира на колеџот „Јунити“ во Мејн пред да биде примена на Програмата за бихевиорално управување.
Поголемиот дел од нејзиното образование го реализира на далечина, преку онлајн настава.
Како што вели таа, најголема заслуга за целото нејзино образование има нејзината баба, како и нејзината мајка, на која е благодарна за помошта и насочувањето. Секако, целиот образовен процес не бил без жртва.
„Немав секојдневна училишна работа, немав училишно фотографирање или работи кои создаваат единство меѓу врсниците “, вели таа.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.