Свет
Советот за безбедност на ОН едногласно го осуди Пјонгјанг за лансирањето проектил

Советот за безбедност при Обединетите нации едногласно ноќта кон вторникот по средноевропско време ја осуди Северна Кореја поради тестирањето на балистичкиот проектил во неделата и се закани дека ќе „бидат преземени нови значителни мерки“ против Пјонгјанг.
Петнаесетте постојани и непостојани членки на Советот за безбедност на ОН, вклучително и Кина, една од петте постојани и со право на вето а која е сојузничкана комунистичкиот режим во Северна Кореја, го прифатија текстот кој го предложија САД во кој се предупредува дека тестирањето на проектилот претставува „тешко нарушување“ на резолуциите на Обединетите нации.
„Време е Северна Кореја да ги израмни сметките, не со зборови туку со дела“, порачуваат од светската организација.
Советот за безбедност итно се состана на барање на САД, Јапонија и Јужна Кореја, ден откако Северна Кореја тестираше балистички проектил чија цел била, за како што сметаат јужнокорејските власти, да се тестира реакцијата на новиот американски претседател Доналд Трамп.
Челникот на САД, пак, вети дека ќе даде одговор. „Северна Кореја, секако, е еден голем голем проблем. Решително ќе се позанимаваме со тоа“, порача Трамп.
Ситуацијата на Корејскиот полуостров ескалираше по 6-ти јануари 2016 година кога Северна Кореја го изведе четвртиот нуклеарен тест, а потоа на 7-ми февруари лансираше сателит со помош на балистичка ракета којашто може да се користи за нуклеарен напад на цели на оддалеченост од 12.000 километри. Како одговор на прекршувањето на меѓународните забрани за вакви тестирања, Советот за безбедност при ОН донесе резолуција со којашто се заоструваат санкциите кон Пјонгјанг, кои доведоа на натамошна економска изолација на Северна Кореја.
Резолуциите на ОН ѝ забрануваат на Северна Кореја секакви нуклеарни или балистички програми. Од 2006 година, кога го изведе првиот нуклеарен тест, на Пјонгјанг му се наметнати шест кругови санкции, но тоа не ги увери севернокорејските власти да се откажат од своите нуклеарни воени амбиции./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Водач на шпанска нарко банда избега од затвор, распишана е потерница

Водачот на шпанската нарко банда Лос Пантоја, Хесус Хередија, не се вратил во затвор откако добил отсуство во текот на викендот, а судот во градот Кадиз распишал налог за негово апсење, објавија денеска шпанските медиуми.
Тој отслужуваше шестгодишна затворска казна за трговија со дрога, јави јавната телевизија Ртве.
Тој беше уапсен во 2020 година заедно со 40 други членови на неговата организација, а две години подоцна беше осуден на затвор од судот во Алгесирас.
Свет
Трамп: САД мора да го имаат Гренланд, ако ЕУ и Данска не го разбираат ова, ќе им објасниме

Американскиот претседател Доналд Трамп денеска им рече на новинарите во Белата куќа дека САД „мора да го имаат Гренланд“ поради глобалната безбедност.
„Ни треба Гренланд“, рече претседателот. Што е многу важно за меѓународната безбедност мора да го имаме Гренланд. Не е прашање дали можеме без него. Не можеме.
Трамп тврдеше дека американската контрола над Гренланд е прашање на мир „за целиот свет“, а не само за Соединетите Држави, пренесува „CNN“.
„Видете, имате воени бродови насекаде, кои минуваат покрај Гренланд. Ние нема да го дозволиме тоа“, додаде Трамп.
„Ако ЕУ и Данска не го разберат ова, ќе мораме да им објасниме“.
Трамп рече дека верува оти Данска и Европската унија ја разбираат неговата позиција за важноста на територијата, но предупреди: „А ако тие не го разберат, ќе мораме да им објасниме“.
Американскиот потпретседател Џеј Ди Венс и неговата сопруга денеска ја посетуваат полуавтономната данска територија, со што Венс е првиот американски потпретседател кој го посетил Гренланд.
„Тие ќе бидат добри претставници на нашата земја“, рече Трамп.
Гренландските политичари постојано јасно ставаат до знаење дека се против анексијата, а данската премиерка Мете Фредериксен го повика Трамп да ги почитува „фундаменталните правила на суверенитет“. Анкетата спроведена од дневен весник во јануари покажа дека 85 отсто од Гренландците не сакаат да станат дел од САД, а речиси половина од анкетираните рекле дека интересот на Трамп претставува закана, објави Ројтерс.
Свет
Трамп разговарал со претставници на Мјанмар и ветил помош за земјата

Американскиот претседател Доналд Трамп изјави дека разговарал со претставници на властите на Мјанмар по силниот земјотрес што денеска ја потресе земјата.
Ќе помогнеме – изјави Трамп во Белата куќа.
Најмалку 144 лица загинаа во земјотресот во Мјанмар. Се очекува бројот на жртвите да продолжи да расте.
Во соседен Тајланд загинаа најмалку 10 лица.