Свет
Сосед на атентаторот: Имаше транспаренти за поддршка на Трамп во дворот
![](https://makfax.com.mk/wp-content/uploads/2024/07/kruks-tramp1.jpg)
Сосед на 20-годишникот кој се обиде да го убие Доналд Трамп изјави дека во дворот на куќата на неговото семејство имало транспаренти со поддршка на Трамп.
Во саботата Томас Метју Крукс пукаше во Трамп од покрив на зграда, додека поранешниот претседател говореше на митинг во Пенсилванија.
Еден куршум му помина покрај увото, а Трамп се здоби со полесни повреди. Во нападот загина едно лице, а две се тешко повредени.
Инспекторите се обидуваат да го утврдат мотивот за нападот. Властите наведуваат дека потенцијално се работело за терористички акт и дека Крукс дејствувал сам, пишува Њузвик.
Има некои нејаснотии за политичките определби на Крукс. Крукс донирал 15 долари за Progressive Turnout Project, одбор за политичка акција поврзана со Демократската партија на претседателот Џо Бајден. Јавните записи покажуваат дека неговиот татко е регистриран републиканец, а неговата мајка е регистриран демократ.
Осум месеци по донацијата, Крукс се пријавил да гласа како член на Републиканската партија, која е предводена од Трамп од 2016 година. Би-би-си објави дека Крукс работел во дом за стари лица во Бетел парк, во кујната.
Во 2022 година, тој дипломирал на средното училиште Бетел Парк, каде што бил меѓу групата студенти кои добиле награда од 500 долари за Национална иницијатива за математика и наука.
Поранешен соученик на Крукс рекол дека во средно училиште не покажувал некој посебен интерес за политика и дека со него најмногу разговарал за компјутери и игри.
„Тој беше супер паметен. Тоа е она што навистина ме погоди, тој беше навистина, навистина паметно дете, брилијантно“, изјави поранешен колега за Ројтерс.
„Ништо лудо никогаш не излезе во разговор со него“, додаде тој.
Друг млад човек кој се опиша себеси како поранешен школски другар на Крукс, зборуваше со новинарите. Тој, пак, рече дека Крукс „речиси секој ден бил малтретиран“ на училиште.
Тој изјави за Ен-би-си Њуз и други медиуми дека наклонетоста на Крукс да носи „ловечка“ и „воена“ облека и фактот дека тој секогаш ручал сам, предизвикал потсмев кај неговите врсници, кои го сметале за „осамен“ и „отфрлен“.
„Сè на сè, беше многу тажно… Многу го малтретираа“, додаде тој.
Неговиот сосед од Бетел Парк, предградие на Питсбург, рече дека пред неколку месеци виделе знаци со слоганот „Make America great again“ во дворот на Крукс.
„Некое време дефинитивно имаше транспаренти за поддршка на Трамп“, изјави Кели Литл за WTAE-TV.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.