Свет
Со инвазијата во Курск, Киев се обидува да ја притисне Русија, рече Зеленски

Украинскиот претседател, Володимир Зеленски, за првпат призна дека украинските сили се борат во руската област Курск и рече дека операцијата е дел од напорите на Киев да го притисне агресорот.
Украинските сили во вторникот извршија инвазија на руска територија, а Зеленски досега молчeше за таа операција.
Во саботата вечерта, тој призна дека разговарал со командантот на украинската армија, Олександр Сирски.
„Денеска добив неколку извештаи од командантот Сирски во врска со линиите на фронтот и нашите акции на територијата на агресорите“, рече тој.
„Благодарен сум на секоја единица на нашите одбранбени сили. Украина докажува дека може да го обезбеди потребниот притисок врз агресорот“.
Тој ја пофали способноста на војската да изненади и им се заблагодари што заробиле руски војници кои ќе бидат искористени во идните преговори.
Украинските сили ја пробија границата во вторникот, изненадувајќи ја руската војска по неколкумесечниот постепен напредок на руските сили во источна Украина.
Украинските војници навлегоа до 20 километри во областа Курск, што е најголемиот украински напад на руска територија од почетокот на руската инвазија на Украина во февруари 2022 година.
Повеќе од илјада украински војници ја нападнале Русија со поддршка на десет тенкови и дваесет други оклопни возила, соопшти главниот штаб на руската армија.
Се водат тешки борби, а руските политичари и војската велат дека тоа е украинска „инвазија“.
Рано во саботата, руските новински агенции објавија дека Националниот антитерористички комитет вовел антитерористички мерки во областа Курск и во блиските региони Брјанск и Белгород. Новинската агенција РИА објави дека мерките вклучуваат евентуално раселување на жителите, ограничувања во сообраќајот, зголемена безбедност околу чувствителните места и прислушување на комуникациите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Туристите во европските градови се сè повеќе мета на измамници: бројот на инциденти се зголемува

Европа е најпопуларната летна дестинација за многу туристи, но постои еден сериозен безбедносен проблем. Додека милиони уживаат во шетањето по улиците на Париз, Барселона или Рим, сè повеќе од нив стануваат жртви на кражби и измами.
Според податоците од Европската туристичка комисија, повеќе од 400 милиони туристи го посетиле стариот континент во 2024 година.
Сепак, со масовната посетеност, бројот на инциденти се зголемува – годишно се евидентираат дури 5,7 милиони случаи на провали, кражби и грабежи, а туристите се сè повеќе се мета на измамници.
Оваа измама е особено изразена во Париз, каде што често ја вршат претежно тинејџерки или помлади жени.
Тие ви пристапуваат со петиција за наводни хуманитарни цели. Додека сте фокусирани да потпишете или да ве убедат да дадете парична донација, нивниот партнер користи момент на невнимание за да ви го украде паричникот, мобилниот телефон или пасошот.
Најдобрата одбрана е цврсто да кажете „не“ и брзо да си одите. Избегнувајте да се вклучувате во разговор и чувајте ги вредните предмети безбедно и подалеку од дофат, по можност во торба со патент пред вас, е еден од советите за заштита.
Друг метод е вообичаен во Рим, но и низ цела Европа. Измамникот ви приоѓа со пријателска насмевка, започнува разговор и лежерно ви врзува евтина нараквица околу зглобот, претставувајќи ја како „подарок“.
Но, тоа е само трик што комбинира пријателски разговор со наметнување вина. Ако се обидете да си одите со предметот, тие ќе инсистираат на плаќање и честопати покануваат соработници кои создаваат притисок и ја заплашуваат жртвата додека не плати.
Учтиво одбијте ги сите „бесплатни“ подароци. Не дозволувајте никој да ви стави нараквици. Ако се случи тоа, брзо извадете го предметот, вратете го и одете решително.
Исто така, бидете исклучително внимателни во толпи. Не го оставајте вашиот мобилен телефон или паричник на масите во кафулињата. Никогаш не учествувајте во улични игри на среќа, а ако видите група луѓе како ги играат на улица, само поминете покрај нив, советуваат експертите за заштита.
Популарни локации како што се Ла Рамбла во Барселона или Колосеумот во Рим се местата каде што има најмногу џепчии.
Тие често работат во тимови и можат да бидат многу вешто маскирани, понекогаш во елегантна облека за да не предизвикаат сомнеж. Ја користат толпата како параван, а еден член ќе ве прекине – ќе ве турне, ќе ви истури нешто или ќе ве праша за насоки, додека друг ќе ви ги украде работите.
Посебна форма на улична измама е играта „Три карти“, вообичаена во близина на Ајфеловата кула во Париз. Уличен забавувач ве поканува да се обложувате во игра која е поставена така што секогаш губите, додека неговите колеги во публиката се преправаат дека се победници за да ве намамат, пишува „Експрес“.
Фото: принтскрин
Свет
(Видео) Робот спасил ранет украински војник од бојното поле, објавена снимка

Припадници на 118. механизирана бригада на Оружените сили на Украина објавија снимка која го прикажува евакуирањето на ранет војник од бојното поле со помош на копнен роботски систем. Овој настан уште еднаш ја истакнува растечката улога на современите технологии во спасувањето човечки животи во воени услови, пишува „Украинска правда“.
„Операторите на копнените роботски системи од 2-та чета на 23-та посебна стрелачка баталјонска единица на 118-та механизирана бригада го спасиле ранетиот војник. Војникот бил спасен со помош на борбената копнена платформа“, стои во објавата на бригадата. Иако од бригадата не откриле точна локација или време кога е снимката, истакнале дека јасно прикажува како технологијата спасува животи на првата линија на бојното поле.
Ова не е првпат што беспилотни системи се користат за евакуација. Неодамна, логистичкиот дрон Тор-800, кој припаѓа на 13-та бригада „Хартија“, спасил живот на војник со тешка повреда на ногата. Претходно, истата бригада успешно евакуирала ранет војник користејќи копнен робот кој поминал растојание од 12 километри.
Сепак, употребата на роботи надминува логистички и спасувачки мисии. Припадници на 3-та посебна јуришна бригада првпат користеле копнени роботи за заробување руски војници, додека разузнавачката служба за одбрана на Украина ја демонстрирала борбената способност на овие системи, објавувајќи снимка на робот кој отвора оган од митралез на руски позиции во Сумска област.
Свет
Во Европа нема повеќе место за бегалци од Украина?

Британските власти сè повеќе ги отфрлаат барањата на украинските мигранти за продолжување на нивниот престој, објави Би-Би-Си на руски јазик. Од почетокот на конфликтот во Украина во 2022 година, повеќе од 250.000 Украинци добија визи преку програмата „Домови за Украина“, која неодамна беше затворена, пренесуваат медиумите во регионот.
Властите сега масовно ги отфрлаат барањата за трајна заштита, тврдејќи дека западните делови на Украина се безбедни. Би-Би-Си објавува дека позитивните одлуки станаа исклучок, дури и во случаи на тешко болни луѓе.
Слични извештаи за построгите критериуми беа објавени и во други британски медиуми, како што се Гардијан и Телеграф.
Во други делови од Европа, се преиспитува и ставот кон украинските бегалци. Во Германија е предложено намалување на бенефициите, а во Полска расте незадоволството поради начинот на живот на одредени бегалци.
Фото: принтскрин