Свет
Спортисти и олигарси ја напуштаат Украина
Постојаните најави за можен руски напад, како и акумулацијата на руски војници по должина на украинската граница предизвикуваат страв, сомнежи и паника во таа земја. Многу спортски и културни настани се откажуваат, клубовите одат на продолжени подготовки во странство, бараат нови засолништа, а според најтиражниот киевски дневен весник „Украинска правда“, забележан е невиден одлив на олигарси и претприемачи од Украина во последните неколку дена.
Според медиумите, толкав чартер и приватни летови до европските дестинации викендов не се евидентирани во последните шест години.
Меѓу оние кои ја напуштија Украина е и најбогатиот (според листата на Форбс) Украинец, тежок нешто помалку од осум милијарди долари, Ринат Ахметов, инаку сопственик на фудбалскиот клуб Шахтјор од Доњецк, кој моментално е во егзил во Лавов. Неговиот авион со околу 30 седишта е забележан како лета кон Цирих.
И вториот по богатство, од околу пет милијарди долари, Виктор Пинчук, зет на поранешниот украински претседател Леонид Кучма, со своја придружба одлета во Виена.
Борис Колесников, кој има нешто поскромна банкарска сметка – преку милијарда долари, полета за Прага. Но тој вели дека само авионот полетал, не и тој. Наводно, сè уште е во Киев.
Интересен е случајот со Олександр Јарославски, кој е меѓу првите десет најбогати Украинци, чија автомобилска поворка што се движела кон аеродромот во Киев згазила пешак, но тоа, според „Украинска правда“, не го спречило олигархот да одлета во егзил во странство.
Весникот наведува пет други милијардери – Вадим Новински, помладиот партнер на Ахметов, член на проруската платформа „Опозиција за живот“ и партискиот пратеник Игор Абрамович, исто така милијардер кој изнајмил авион за 50 луѓе и долетал за Виена, но рекол дека отишол на деловна средба и забава.
Одлетаа и Вадим Столар, поранешен пратеник на Партијата на регионите, пребегнатиот претседател Виктор Јанукович и Василиј Хмелницки, претприемач близок до поранешната украинска челична госпоѓа Јулија Тимошенко, како и Ендрју Ставницер, милионер и почесен конзул на Австрија во Одеса.
Меѓу оние кои се засолниле е и соработникот на поранешниот претседател Петро Порошенко, Вадим Нестеренко, кој е член на партијата Солидарност во Врховната Рада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.