Свет
Спроведување на делот за Русија за да се продолжи договорот за жито, бара Москва
Неопходно е да се спроведе вториот дел од договорот за жито што се однесува на Русија за Москва да се согласи на продолжување на Црноморската иницијатива за жито, изјави денеска портпаролот на Кремљ, Дмитриј Песков, пренесува „Спутник“.
„За да успее договорот, разговорот меѓу двајцата претседатели нема да помогне. За тој да профункционира, мора да се спроведе вториот дел од договорот во кој се ветувањата што ни се дадени нам. Засега нема информации за можноста за продолжување на договорот за жито,“ вели Песков.
Делегации од Турција, Русија, Украина и ОН одржаа разговори за продолжување на Црноморската иницијатива за жито од 10 до 11 мај во Истанбул.
Рускиот заменик-министер за надворешни работи Сергеј Вершинин изјави во четвртокот дека Црноморската иницијатива за жито ќе престане да постои доколку не се постигне договор за нејзино продолжување до 18 мај.
„Западот никогаш нема да признае дека неговите санкции против Русија се грешка,“ истакна Песков.
„Тие [западните земји] нема да кажат така“, додаде Песков на прашањето дали Русија ќе му прости на Западот ако тој ѝ предложи мир и престане да ѝ наметнува санкции, нарекувајќи ги погрешни.
Според Песков, Москва засега нема информации за посредничката мисија на Ватикан во Украина.
„Не, немаме такви информации. Можеби, ќе ги добиеме по извесно време. Ќе го следиме ова внимателно“ посочи тој.
При посетата на Унгарија на крајот од април, папата Франциско рече дека Ватикан е вклучен во тајна мисија за решавање на конфликтот во Украина. Светата столица додаде дека за тоа ќе може да каже дури подоцна, кога мисијата ќе стане јавна.
Претходно денеска, извор од Светата столица изјави за РИА Новости дека се очекува украинскиот претседател Володимир Зеленски да го посети Ватикан и да се сретне со папата Франциско на 13 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Мамо, не те оставам“: oсумгодишно дете од Минесота убиено додека ја бранело мајка си од насилниот сопруг
Осумгодишно дете од Минесота било убиено додека ја бранело мајка си од сопругот насилник, минатата недела, соопшти семејството на детето, пренесува Law and Crime.
Амир Демарион Харден починал на 9 јуни од компликации откако бил застрелан во главата и вратот на 6 јуни, се вели во соопштението издадено од Канцеларијата на медицинскиот преглед на округот Хенепин.
Според медиумот, на денот на пукањето, таткото на момчето, Денер Харден, бил ослободен од затвор откако платил кауција по обвиненијата за семејно насилство. Тој се вратил во семејниот стан бесен и се обидел да ја убие сопругата.
„Неговиот татко се обиде да ме убие, но мојот син беше застрелан поради мене. Амир се обиде да му го одземе пиштолот од рацете на татко му. Му викав да оди кај соседите. Тој одби и рече – мамо, не те оставам!“, напиша Чериш Едвардс“, ожалостената мајка на Амир.
Кога видел дека го застрелал синот, таткото си пукал во глава, велејќи пред тоа дека „случајно пукал“ во детето, изјави Едвардс. Мајката на момчето додаде дека четирите браќа и сестри на Амир биле сведоци на шокантното насилство.
Европа
Зеленски смета дека мировната конференција за Украина, што се одржува во Швајцарија, ќе го зголеми притисокот врз Москва
Украинскиот претседател Володимир Зеленски смета дека мировната конференција за Украина, што се одржува во Швајцарија, ќе го зголеми притисокот врз Москва, но другите учесници на форумот не се толку оптимисти, јави ДПА.
-На дводневниот состанок, на кој присуствуваат 92 земји и осум меѓународни организации, беше повторено дека со заеднички напори може да се стави крај на војната и да се постигне мир, рече Зеленски денеска непосредно пред делегациите да почнат да разговараат на оваа тема.
Меѓутоа, швајцарската претседателка Виола Амхерд нема толку големи очекувања, забележува ДПА.
-Нашите цели се скромни, рече таа, објаснувајќи дека целта на конференцијата е да се поттикне почеток на процес за постигнување траен и праведен мир.
Важноста на меѓународното право како основа на меѓународниот поредок е клучна за ова, рече Амхерд.
-Нападот на Русија го нарушува тоа на најнагласен начин, рече Амхерд.
Русија не беше поканета да учествува на конференцијата, а не учествува ниту Кина, важен сојузник на Москва.
На средбата станало збор и за добивање на најширока можна меѓународна поддршка за украинскиот мировен план, кој предвидува целосно повлекување на Русија од украинска територија.
Свет
Страшна глетка: 28 луѓе висат надолу откако се заглавија во забавен парк во САД (ВИДЕО)
Едно лице е превентивно пренесено во болница, но нема повреди, а 28 се спасени во инцидент во забавен парк во Орегон, САД.
„Пожарникарите успеаја да спасат 28 лица кои беа заглавени на височина од 30 метри, висејќи наопаку, за време на возењето во забавниот парк Оукс .Едно лице е превентивно пренесено во болница, но нема повредени„, соопштија од паркот.
За среќа, брзата реакција на вработените во паркот и пожарникарите спречија сериозни повреди.
Според очевидци, се се случило ненадејно. Прво слушнале татнеж, а потоа и соопштение од огласувачкиот систем внатре во забавниот парк.
Крис Рајан, посетител на паркот, опиша како тој и неговата сопруга се подготвувале да се возат панорамското тркало кога забележале дека возењето е заглавено. Слушаа луѓе како викаат, кога го кренаа погледот, останаа без зборови.
People left dangling upside down for half an hour on Oregon theme park ride. https://t.co/OkVjDTuyJa pic.twitter.com/WWGTRQRWIt
— Sky News (@SkyNews) June 15, 2024