Европа
Средниот слој во Германија во страв дека ќе пропадне

Зголемување на трошоците за енергија, инфлација што ги јаде приходите, високи каматни стапки на заемите, сето тоа во моментов оптоварува многумина во Германија. Оваа криза, доколку потрае, може да го разниша темелот на општеството – средната класа, пишува Дојче веле.
Според медиумот, ваквите луѓе ги има многу и добро живееле до сега: просветни работници, државни службеници, занаетчии. Социјалната група со среден приход е столб на германското општество. Постојат различни дефиниции за припадност кон средната класа, но може да се каже дека се работи за луѓе кои заработуваат од 80 до 150 проценти од просечната плата.
За самци тоа е меѓу 1.350 и 3.000 евра нето приход месечно, додека за семејствата тој приход би требало да биде помеѓу 2.800 и 5.000 евра. Во таа група спаѓаат вкупно 50 отсто од населението. Оваа група плаќа најголем дел од даноците и на тој начин придонесува за социјалната држава и благосостојба. Како по правило, овие луѓе имаат голема доверба во демократијата и придонесуваат за стабилноста.
Во Германија, според истражувањето на фондацијата Бертелсман, дури 73 отсто од граѓаните во земјата сметаат дека припаѓаат на средната класа.
„Во Германија има релативно широка средна класа, на која ѝ припаѓа значителен дел од населението или на која можете да и припаѓате доколку сте трудољубиви и вложите труд. Тоа беше центар за интеграција на општеството на кој човек сакаше да му припаѓа“, вели Патрик Сахве од Истражувачкиот центар за нееднаквост и социјална политика на Универзитетот во Бремен.
Според статистиката на Организацијата за економска соработка и развој, средната класа во Германија е нешто поголема од европскиот просек.
Но, некои земји како Данска и Словачка се далеку над тој просек. Во гореспоменатото истражување се вели дека „на младите им е се потешко да обезбедат место во средната класа“. Веројатноста да се постигне статус со просечен приход е десет проценти помала од 1990-тите.
„Ние сè уште имаме широка и стабилна средна класа“, вели Дороти Спанагел, директорка за редистрибутивна политика во Економскиот и социолошки институт на Фондацијата Ханс Беклер.
„Но, таа се придвижува кон долниот раб. Поранешниот впечаток дека со добро професионално образование човек има сигурен приход и можеби еден ден може да купи куќа, постепено исчезна“. Наместо верба во ветувањето за општествено воздигнување, постои страв. Кристоф Батервеге, кој ја проучува сиромаштијата, за германските медиуми изјави дека сиромаштијата повеќе не е проблем само на маргиналните групи.
Се појавува и во сосема нормални семејства. На пример, Истражувачкото друштво никогаш во својата историја не измерило полоша вредност кај Германците кога станува збор за очекуваниот приход во иднина.
Во Советувалиштето за долгови и несолвентност на службата на протестантската црква во Келн, овој страв од неможност да се справи со кризата е веќе реалност. „Вработените во комуналните претпријатија ни се јавуваат да прашаат за курсеви каде што можат да научат како да се однесуваат со луѓе кои се очајни и исплашени“, вели Мартин Дебенер, стручен консултант во советувалиштето. Слични искуства има и Меике Корс од советувалиштето за должници: „Гледаме дека има многу, кои се, на пример, од ниската средна класа, кои нормално би се снашле доста добро со својата плата, но сега на основа на кредити , високи кирии и високи трошоци за енергија и прехранбени производи, со нивниот приход се приклештени на ѕид“.
Истражувањето на Институтот за германска економија (IW) покажува дека енергетската криза директно влијае на ниската средна класа. Штом едно домаќинство троши повеќе од 10 отсто од својот приход на енергија, се смета за „енергетски сиромашно“.
Бројот на такви домаќинства се удвоил од 2021 година до мај 2022 година и сега изнесува 41 отсто од сите домаќинства од пониската средна класа. Тоа значи дека голем број луѓе ќе западнат во тешкотии бидејќи без финансиски резерви очекуваат експлозија на цените на енергенсите. Сахве вели дека задачата на политиката е да не ги заборави овие луѓе и насочено да им помогне.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Ракот на кралот Чарлс е неизлечив, но под контрола, според новинарка на „Дејли телеграф“

Бакингемската палата на почетокот на минатата година објави дека кралот Чарлс има рак. Според новинарката и уредничка на „Дејли телеграф“, Камила Томини, неговиот рак не е излечив, но може да се контролира.
Ракот на кралот Чарлс (76) е ставен под контрола со ригорозен третман, но не е целосно излечив, рече Томини. Таа додаде дека ова веројатно значи дека кралот ќе умре со ракот, но не од него. Палатата официјално не го коментираше извештајот, што би можело дополнително да ги поттикне шпекулациите за здравјето на кралот.
Новинарот понатаму наведува дека кралот морал да направи одредени промени во животот откако му била поставена дијагнозата, од кои една е одлуката никогаш да не се пресели во Бакингемската палата, што е преседан во британското кралско семејство.
Исто така, постојат шпекулации дека поради болеста, но и влијанието на кавгата врз неговиот углед, тој може да се смири со принцот Хари. Се очекува наводното помирување да се случи на игрите „Инвиктус“ во 2027 година, а децата на Хари, Лилибет и Арчи, кои кралот Чарлс не ги видел три години, исто така би можеле да играат улога во настанот.
Самиот Хари зборуваше за можно помирување во неодамнешно интервју за Би-би-си, нагласувајќи дека не знае колку време му останува со татко му.
Кралот минатиот месец за прв пат отворено зборуваше за својата борба со ракот, истакнувајќи ја виталната улога на здравствените работници и волонтерите во грижата за засегнатите. За време на приемот за групите за поддршка на ракот во Бакингемската палата, кралот им подари на гостите брошура со лична порака во која се детално опишани неговото сопствено искуство со дијагнозата и третманот.
„Секоја дијагноза, секој нов случај, е застрашувачко и предизвикувачко искуство за засегнатото лице и неговите најблиски“, напиша 76-годишниот монарх, кој во февруари 2024 година откри пред јавноста дека има рак. „Но, како некој што самиот бил меѓу тие статистики, можам да потврдам дека искуството исто така фрла моќна светлина врз најдоброто кај луѓето.“
Европа
Новите официјални пресметки покажуваат колку е пензијата за 45 години работа во Германија

Колку е пензијата во Германија по 45 години придонеси? Новите официјални пресметки покажуваат дека вработен со полно работно време со просечна плата може да очекува пензија од малку повеќе од 1.600 евра нето. Сепак, повеќето пензионери во пракса не ја достигнуваат оваа сума, а разликите меѓу нив се големи, особено кога се споредуваат пензиите на мажите и жените.
Од 1 јули 2025 година, вредноста на еден пензиски поен во Германија ќе биде 40,79 евра. Лице кое работело 45 години и заработувало целосен пензиски поен секоја година ќе добива вкупно 1.835,55 евра бруто месечно. По одбивањето на придонесите за здравствено осигурување и осигурување за долгорочна нега, остануваат околу 1.621 евра нето, а некои пензии сè уште подлежат на оданочување.
Проценките за Германија сугерираат дека за да се избегне сиромаштијата во староста, потребни се помеѓу 1.464 и 2.100 евра месечно, во зависност од регионот и трошоците за живот. Според овие бројки, „стандардната“ германска пензија ја покрива долната граница на она што е потребно за нормален живот.
Иако јавноста често го нагласува износот на целосна пензија по 45 години стаж, вистинските износи што ги добиваат пензионерите се значително пониски. Според официјалните податоци од германското пензиско осигурување, во 2023 година, мажите добивале просечно 1.348 евра старосна пензија, додека жените добивале само 908 евра. Во исто време, пресметаната стандардна пензија била 1.692 евра бруто.
Со други зборови, просечниот маж добива околу 340 евра помалку од стандардната пензија, додека за жените разликата е дури 784 евра. Причините се бројни, од паузи во службата, работа со скратено работно време, до подолги периоди на невработеност или грижа за деца.
Јазот во пензиите е особено изразен меѓу мажите и жените, бидејќи жените имаат поголема веројатност да земат паузи од кариерата или да работат помалку часови. Покрај тоа, ниските пензии често се предмет на оданочување врз основа на вкупниот приход на пензионерот, што дополнително го намалува износот што го имаат на располагање секој месец.
Како резултат на тоа, се проценува дека речиси еден од седум пензионери во Германија денес живее под линијата на сиромаштија. Официјалните бројки покажуваат дека 17 проценти од постарите лица немаат доволно приходи за да живеат достоинствено, и покрај децениите придонеси.
Европа
(Видео) Жестоки руски напади во западна Украина, Полска ги подигна воените авиони

Полските и сојузничките авиони беа активирани рано утрово за да ја обезбедат безбедноста на полскиот воздушен простор откако Русија започна воздушни напади насочени кон западна Украина, близу до полската граница, соопшти Оперативната команда на полските вооружени сили.
„Преземените чекори имаат за цел да ја обезбедат безбедноста во регионите што се граничат со ризични зони“, соопшти Командата на Икс.
Earlier from Rivne region
KH-101 cruise missiles in flight pic.twitter.com/FB2cdkUA7M
— kim høvik (@kimhvik2) June 9, 2025
Цела Украина беше под тревога за воздушен напад од 2 часот наутро во понеделник откако украинските воздухопловни сили предупредија за напади од руски ракети и беспилотни летала.
Во Ривне, град во северозападна Украина, далеку од фронтовските линии, беа пријавени повеќе експлозии во услови на нов бран напади со беспилотни летала и ракети.
Масовниот напад доаѓа само неколку дена откако Русија лансираше 452 беспилотни летала и 45 ракети врз украински цели во ноќта на 6 јуни – што се смета за еден од најголемите воздушни напади од почетокот на војната. Кремљ вели дека нападот бил одговор на украинската операција „Пајакова мрежа“, во која беспилотни летала нападнаа руски стратешки авиони.
Russian heavy massive combined attacks hit Ukraine overnight, targeting Rivne & Kyiv among others. Meanwhile, a video reportedly from Cheboksary, Russia, shows VNIIR, a facility developing navigation modules for Iskander-M, Kalibr missiles & Orlan-10 drones. #UkraineUnderAttack… pic.twitter.com/IvHNk4QmNo
— Iuliia Mendel (@IuliiaMendel) June 9, 2025
Украинските воздухопловни сили издадоа воздушни предупредувања во неколку региони во текот на ноќта на 8 и 9 јуни, предупредувајќи за заканата од балистички ракети и беспилотни летала „Шахед“.
Експлозии беа пријавени во Киев, како и во Ривне.