Новоизбраниот американски претседател Доналд Трамп пристигна во Белата куќа на средба со актуелниот претседател, Џо Бајден.

Тие се сретнаа во Овалната соба. Трамп му рече на Бајден дека политиката е тешка.

„И во многу случаи тоа не е убав свет. Но, денес е убав свет“, додаде.

Трамп му се заблагодари на Бајден за непречената транзиција, а тој му одговори: „Нема на што“.

Biden and Trump meet in the White House and act like buddies pic.twitter.com/QpfLZgiP4f

— Aaron Rupar (@atrupar) November 13, 2024

Ова е нивна прва средба по претседателската дебата во јуни. Дуото се ракуваше.

„Ние честитаме и се радуваме на непречената транзиција, како што рековме. Сепак, можеме да се погрижиме да бидете сместени со се што ви е потребно, и ќе имаме можност да разговараме за нешто од тоа денес“, рече Бајден.

Министерот за одбрана на Израел, рече дека нема да се согласи на каков било прекин на огнот во Либан се’ додека не се обезбеди целосно разоружување на Хезболах и движењето не се повлече северно од реката Литани или додека на жителите на северен Израел не им биде дозволено да се вратат во своите домови.

„Ние нема да се согласиме на никакво примирје и нема да дозволиме никакви договори кои не вклучуваат постигнување на воени цели – и пред сè, право на Израел е самостојно да дејствува против терористичките активности“, изјави Израел Кац за време на неговата прва посета на Северната команда.

„Терористичката инфраструктура се урива во Бејрут – ќе продолжиме да го гаѓаме Хезболах насекаде“, додаде министерот.

Израелската армија во средата ги нападна јужните предградија на Бејрут под контрола на милитантното движење втор ден по ред. Во исто време, Либан ги чека најновите предлози на Вашингтон за прекин на огнот, откако американски претставник изрази надеж дека може да се постигне примирје.

Повеќе од седум недели од почетокот на израелската офанзива врз Либан, во последните напади беа срамнети со земја неколку згради во бејрутското предградие Дахија и загинаа шест лица во село јужно од главниот град.

Марија Тројанивска се вратила дома рано таа вечер кога руски дрон удрил во нејзината спална соба.

„Тој летна низ прозорецот директно во нејзината соба“, изјави мајка ѝ Викторија за Би-би-си. По експлозијата, мајката на Марија и нејзиниот сопруг Володимир истрчале од соседната соба, а собата на нивната ќерка била во пламен.

„Се обидовме да го изгасиме, но сè гореше толку силно“, рече таа низ солзи. „Беше невозможно да се дише – моравме да заминеме“.

Рускиот дрон „Шахед“ минатиот месец уби 14-годишно девојче во својот кревет во стан во предградието на Киев.

Веднаш почина, а потоа изгоре“, рекла мајка ѝ. „Моравме да ја закопаме во затворен ковчег. Таа немаше шанси да преживее.

Русија масовно ги зголемува нападите со беспилотни летала врз Украина. Повеќе од 2.000 од нив беа лансирани во октомври, според украинскиот Генералштаб, што е рекорден број во оваа војна.

Истиот извештај вели дека Русија лансирала 1.410 беспилотни летала во септември и 818 во август во споредба со 1.100 во целиот тримесечен период пред тоа.

Со изборот на Доналд Трамп за втор мандат за претседател на САД исцрпените и уморни од војна украинските сили се соочуваат со неизвесна поддршка од нивниот најголем воен донатор, пренесува медиумот.

Според написите, повеќето од руските беспилотни летала што паѓаат на Украина се „Шахед“ со пропелер, дизајнирани од Иран, со карактеристичен облик на крилата и смртоносна бојна глава.

Русија исто така почна да лансира лажни беспилотни летала, без никаков експлозив, за да ги збуни украинските единици за воздушна одбрана и да ги принуди да трошат муниција.

Во споредба со проектилите, тие се многу поевтини за изработка и полесни за гаѓање, анализираат медиумите.

Секоја вечер Украинците одат на спиење со известувања на телефоните, а дојдовните беспилотни летала летаат над земјата и свират сирени, пишува Би-би-си.

Од почетокот на ноември беспилотни летала ги погодија Киев, Харков, Одеса, Миколаев и Запорожје.

Во неделата Русија лансира 145 беспилотни летала во Украина, според претседателот Володимир Зеленски, што е најголем број во еден ден од почетокот на целосната инвазија.

Киев тој ден соопшти дека успеал да собори 62 беспилотни летала, а дека уште 67 биле изгубени, што значи дека или биле соборени или исчезнале од екраните на радарот.