Свет
Стејт департментот до Израел: Либан нема да биде новата Газа
Соединетите Американски Држави го предупредија Израел да не започнува каква било офанзива во Либан слична на она што се случи во Појасот Газа, што дојде како одговор на изјавите на израелскиот премиер Бенјамин Нетанјаху.
„Јасно велам дека не треба да има никаква воена акција во Либан што личи на Газа и има ист исход како во Газа. Тоа не би било прифатливо“, изјави портпаролот на Стејт департментот Метју Милер на новинарите кога беше запрашан да ја коментира изјавата на Нетанјаху.
Во видео порака до народот на Либан, Нетанјаху рече дека Хезболах е послаб отколку што бил во многу години и ги повика Либанците да ја „вратат својата земја“ и да ја ослободат од Хезболах, заканувајќи им се со сценарио за Газа.
„Не можеме и нема да видиме како Либан се претвора во нова Газа“, изјави портпаролот на Стејт департментот.
Американскиот претседател Џозеф Бајден и израелскиот премиер Бенјамин Нетанјаху телефонски разговараа за одговорот на Израел на неодамнешното лансирање ракета од Иран, а Белата куќа во врска со тоа објави дека разговорите за нападот врз Иран продолжуваат.
Разговорот на претседателот Бајден со израелскиот премиер Нетанјаху во средата беше „директен“ и „продуктивен“ и вклучи дискусија за потенцијален напад врз Иран, објави Белата куќа. „Тоа траеше 30 минути и беше директно и продуктивно“, изјави портпаролката на Белата куќа Карин Жан-Пјер.
Израелскиот претставник во ОН рече дека разговорот меѓу Бајден и Нетанјаху бил „позитивен“ и дека Израел „ја цени поддршката од САД“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин го разреши Анатоли Антонов од функцијата руски амбасадор во САД
Претседателот на Русија, Владимир Путин, со указ го разреши досегашниот амбасадор во Соединетите Американски Држави, Анатолиј Антонов, од таа позиција, како и од позицијата постојан набљудувач на Руската Федерација во Организацијата на американските држави.
Како што пренесе Интерфакс, претседателскиот декрет од 10 октомври е објавен на официјалниот интернет портал за правни информации.
Руското Министерство за надворешни работи минатата сабота соопшти дека Антонов ја завршил службата во Вашингтон. Дипломатот беше назначен за руски амбасадор во САД во август 2017 година.
Свет
(Видео) Беснеат торнада на Флорида, пет лица завршија во болница
На источната страна на Флорида, противпожарната служба на округот Палм Бич соопшти дека пет лица биле пренесени во болница откако опасното торнадо допрело во областа.
„Пожарникарите превезоа пет пациенти, меѓу кои тројца беа тешко повредени, а лекуваа уште многу пациенти со полесни повреди“, се вели во соопштението на Фејсбук.
„Нашите екипи на лице место пријавија дека се оштетени неколку куќи и возила, а шут е расфрлан низ целата област“, соопштија оттаму.
Свет
Во рускиот напад на Запорожје, најмалку две лица се ранети, уништени се куќи
Во рускиот напад на Запорожје утрово најмалку две лица се ранети, а приватни куќи се уништени, соопшти Иван Федоров, началникот на Воениот округ Запорожје.
„Засега се познати две жртви. Лекарите им помагаат. Подетални информации ќе бидат доставени подоцна“, рекол Федоров на Телеграм, пренесува Укринформ.
Агенцијата наведува дека околу 06:00 часот утринава силни експлозии одекнале во Запорожје.