Свет
Стигнаа резултатите од ДНК-тестот за девојката која тврди дека е исчезнатата Медлин
Џулија Вендел, која тврди дека би можела да биде Медлин Мекен, девојката што исчезна во 2007 година во португалскиот Алгарве, ги доби резултатите од ДНК-тестирањето. Анализата покажа дека таа сепак не е исчезнатото девојче, пишуваат британските медиуми.
Вендел претходно на „Инстаграм“ го отвори профилот @iammadeleinemcann и тврди дека таа би можела да биде малото британско девојче кое исчезна во Португалија пред повеќе од 15 години. Тврди дека слушнала нешто од баба ѝ и си поврзала дека би можела да биде Меди. Таа покажа и два доказа за своите тврдења – бенка на ногата и точка во окото. Во прилог на нејзината приказна таа изјави и дека не се сеќава на своето детство.
Одговарајќи на прашањата поставени од некои следбеници, девојката рече дека не се сеќава дека била киднапирана, но и дека не се сеќава на повеќето детали од своето детство. Постојано повторуваше дека само сака да добие шанса да направи ДНК-тест.
„Мирор“ пишува дека девојката има 21 година, а Медлин би имала 19, но таа тврди дека можеби не ни знае колку години има.
„Мислам дека можам да бидам Медлин. Треба да направам ДНК-тест. Инспекторите од Полска и Англија ме игнорираат. Затоа ќе ја раскажам мојата приказна овде. Помогнете ми“, пишува таа на „Инстаграм“. Очигледно, ДНК-тестот покажал дека Џулија сепак не била Меди.
Во изминатите години имаше и други девојки што тврдеа дека се Медлин.
Малата Медлин Мекен во 2007 година исчезна додека беше на одмор со семејството во Португалија. Германското Обвинителство го именува Кристијан Брукнер како осомничен за киднапирањето во средината на 2020 година, но не беше поведено обвинение. Германскиот обвинител Ханс Кристијан Волтерс рече дека по собирањето докази, неговиот тим истражители е 100 отсто убеден дека Брукнер ја убил Меди.
Брукнер (45) негира вмешаност во исчезнувањето на Меди, која беше извадена од креветчето додека семејството беше на одмор во Португалија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Објавена снимка од апсењето на Луиџи Манџионе во „Мекдоналдс“
На суд беше прикажана снимка од полициска камера која ги покажа моментите непосредно пред апсењето на Луиџи Манџионе, која наместо да биде клучен доказ, би можела сериозно да му наштети на случајот на обвинителството. Снимката од „Мекдоналдс“ во Пенсилванија стана фокус на правна битка што би можела да го одреди исходот од целото судење, објавува „Телеграф“.
Иако се очекуваше видеото да го поддржи случајот на обвинителството, одбраната сега го користи за да ја доведе во прашање легалноста на дејствијата на полицијата. Деталите снимени на видеото, велат адвокатите на Манџионе, ја зголемуваат можноста дека клучните докази против нивниот клиент се добиени нелегално.
Судот сега мора да одлучи за правната тежина и прифатливоста на самата снимка. Одлуката ќе биде клучна не само за судбината на Луиџи Манџионе, туку и за понатамошниот тек на едно од најгледаните судења во Соединетите Американски Држави.
Неговите адвокати тврдат дека полицијата не му ги прочитала правилно неговите уставни права пред да го уапси и дека ги претресла неговите работи без налог.
Манџионе е обвинет за убиството на Брајан Томпсон, извршен директор на „Јунајтед Хелткеар“, во Њујорк. Тој се изјасни за невин по федералните и државните обвиненија за убиство.
фото: Depositphotos
Свет
Песков повика на претпазливост поради можно прислушување од страна на странски служби
Портпаролот на Кремљ, Дмитриј Песков, денес изјави дека руските претставници мора да бидат исклучително внимателни поради заканата од прислушување од страна на странски разузнавачки агенции.
„Разузнавачките агенции си ја работат својата работа. Особено непријателските. Ова бара руските претставници да бидат исклучително внимателни“, рече Песков, реагирајќи на неодамнешната изјава на раководителот на главниот разузнавачки оддел на Министерството за одбрана на Украина, Кирил Буданов, дека официјален Киев можеби ги прислушкува претставниците на Кремљ, пренесува Интерфакс.
На крајот на ноември, порталот „Блумберг“ објави транскрипти од телефонски разговори наводно водени меѓу специјалниот претседателски претставник на САД, Стив Виткоф, и помошникот на рускиот претседател, Јуриј Ушаков, и специјалниот претседателски претставник, Кирил Дмитриев.
Иако Ушаков не ги коментираше разговорите, тој призна дека доста често комуницира со Виткоф, вклучително и преку социјалната мрежа WhatsApp. Ушаков посочи дека информациите протекуваат од некаде или прислушувањето го вршат „оние кои се заинтересирани да го нарушат дијалогот меѓу Русија и САД“.
Фото: депозитфотос
Свет
(Видео) Тајландски борбени авиони ја нападнаа Камбоџа
Тајландски борбени авиони ја нападнаа Камбоџа, по ескалацијата на граничните судири меѓу двете азиски земји, објавија локалните медиуми во Камбоџа.
Камбоџанскиот весник „Кмер тајмс“, повикувајќи се на Министерството за одбрана, објави дека авиони Ф-16 фрлиле најмалку две бомби врз села во покраината Минчи, на границата со Тајланд. Нема веднаш извештаи за жртви.
🚨🇰🇭The situation of casinos on the Cambodian border, which Thailand destroyed with F-16 missiles and machine guns😢 pic.twitter.com/smbhtjXThZ
— Sovan Ratana (@SovanRatana_) December 10, 2025
Медиумот пренесува дека тајландските авиони летале уште над неколку други подрачја во Камбоџа, покрај копнените и морските напади за кои нема повеќе информации. Тајланд се уште не го коментираше соопштението.
Forces of the Royal Thai Army, supported by M1126 “Stryker” Infantry Fighting Vehicles, advance into a residential area near the border in Northern Cambodia as fighting escalates between the two countries, with a soldier seen laying down suppressing fire using an M2 Browning… pic.twitter.com/GqBbP70t9n
— OSINTdefender (@sentdefender) December 10, 2025
Претседателот на Сенатот на Камбоџа и долгогодишен шеф на земјата Хун Сен изрази загриженост, но ја пофали војската бидејќи „храбри и цврсто се одбранила“, пишува „Кмер тајмс“.
фото: Depositphotos

