Свет
Таен агент за излегувањето на Трамп пред приврзаниците: „Тоа никако не смееше да се случи“
Американскиот претседател Доналд Трамп вчера накратко излезе од воената болница Вaлтер Рид каде е хоспитализиран поради коронавирусот.
Трамп беше виден во поврока возила што полека минуваа пред група негови приврзаници кои се собраа пред болницата.
Тој го најави изненадувањето на видео на „Твитер“, кое го објави 15 минути пред да излезе од болницата.
Сепак, неговото кратко патување предизвика бројни критики од експертите.
Ситуацијата ја коментираше и еден од активните агенти на тајната служба.
„Тоа никогаш не требаше да се случи. Агентите кои го возеа Трамп сега ќе треба да одат во карантин. Мислам, јас сигурно не би сакал да бидам во нивна близина. Фрустрирачки е односнот кон нас кога станува збор за коронавирусот, како ние да сме за еднократна употреба”, рече тој за Си-ен-ен.
Друг агент вели дека едноставно е невозможно да се каже не во таа ситуација, а трет смета дека сето тоа било несовесно.
Сепак, не сите агенти сметаат дека потегот на Трамп бил лош.
„Денес гледав некои вести и мислам дека е смешно да се каже оти Трамп се обидува да ги убие луѓето околу него. Сите знаеме дека тој е неконвенционален, но на нас е да си ја сработиме работата“, вели еден нивни колега.
Портпаролот на Белата куќа, Џад Дир, го опиша излегувањето на Трамп од болницата како кратко возење во моторизирана поворка за да им отпоздрави на приврзаниците и додаде дека Трамп многу брзо се вратил во својата болничка соба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.