Двајца пензионери се приведени во Полска откако со караван се обиделе да прошверцуваат дрога вредна четири милиони злоти (околу 950.000 евра) од Шпанија во Полска.

Според соопштението на полската полиција, тие посетиле многу места на пат низ Европа, а во еден од шпанските градови, освен разгледување и сончање, купиле и речиси 60 килограми марихуана, која ја сокриле во камп приколка, пренесува агенцијата ПАП.

Во близина на Варшава, полицијата го запрела нивното возило и по темелно пребарување, во ѕидовите на приколката пронашла вреќи со марихуана.

Aмериканскиот претседател, Џо Бајден, стана прадедо.

Неговата внука Наоми Бајден (31) се породи во средата во Калифорнија.

„Добрата вест е што од денес, јас сум прадедо“, им рече Бајден (82) на собраните новинари во Калифорнија. Тој додал дека неговата внука родила „девојче тешко 4,6 килограми“, но брзо се поправил и рекол „момче е“.

Неговата сопруга Џил Бајден на Инстаграм ја објави нивната прва заедничка фотографија со внукот.

„Горди сме што ве запознаваме со нашиот правнук“, напиша 73-годишната Џил на Инстаграм.

Наоми е ќерка на синот на Бајден, Хантер и неговата поранешна сопруга Кетлин Буле.

Претседателот на либанскиот парламент Набих Бери ја одложи седницата за избор на нов претседател откога првиот круг на гласање не донесе доволно гласови за командантот на либанската армија, Џозеф Аун.

На Аун му беа потребни 86 гласа за да биде избран, но тој собра 71, објави „Ројтерс“.

Два политички извора рекоа дека се очекува Аун да го помине прагот од 86 гласа.