Свет
Талибанците забранија протести и масовни собири

Неколку протести за слобода беа откажани денеска во Кабул откога беа забранети од страна на новата талибанска влада, која се обидува да го зацврсти своето фундаменталистичко владеење, што западните земји го следат со загриженост.
Деновиве неколку собири со стотици учесници во одбрана на слободата беа растурени од вооружени талибански борци, особено во главниот град Кабул, Мазар-и-Шариф, Фаизабад и Херат, каде што две лица беа убиени, а неколку беа ранети од истрели од огнено оружје.
Во средата вечерта новата талибанска влада, назначена ден претходно, издаде декрет со кој се бара од Министерството за правда да го одобри секој најавен собир во иднина, а досега немало такви, тврдат од таму. На овие собири талибанците тепале и уапсиле десетици луѓе, демонстранти и новинари.
Денеска наутро многу повеќе вооружени талибански борци можеле да се забелажат на улиците во Кабул отколку во претходните денови, вклучително и специјалци во маскирна униформа, кои стоеле на раскрсниците и на контролни пунктови, кои го следат сообраќајот на главните патишта.
Во Кабул, организаторот на собирот, кој требаше да се одржи утрово пред зградата на Амбасадата во Пакистан, земја блиска до талибанците, која дел од авганистанското население ја обвинува за управување од далечина, за АФП изјавил дека митингот на крајот бил откажан поради новите прописи.
Во вторникот талибанците пукале во воздух за да го растераат собирот организиран на истата локација. Во друг дел од градот дописници на агенцијата „Франс прес“ не виделе никого на местото каде што требало да се одржи вториот собир во текот на утрото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата апелира за траен прекин на огнот во Газа и ослободување на заложниците

Папата денес упати силен апел до глобалната заедница да го прекине речиси двегодишниот конфликт меѓу Израел и Хамас повикувајќи на траен прекин на огнот, ослободување на заложниците во Газа и обезбедување хуманитарна помош.
„Уште еднаш упатувам силен апел да се прекине конфликтот во светата земја, кој предизвика толку многу терор, уништување и смрт“, рече папата на својата неделна аудиенција во Ватикан.
„Барам ослободување на сите заложници, постигнување траен прекин на огнот, олеснување безбеден влез на хуманитарна помош и целосно почитување на меѓународното хуманитарно право“, рече тој.
Папата не ги именува Израел или палестинската милитантна група Хамас, но рече дека меѓународното право бара „обврска за заштита на цивилите, забрана за колективно казнување, неселективна употреба на сила и присилно раселување на населението“.
Фото: принтскрин
Свет
Стаб: Само притисок може да ја принуди Русија да преговара

Финскиот претседател Александар Стаб изјави дека е потребно да се изврши силен притисок врз Русија за да се постигне напредок во наоѓањето мирно решение за конфликтот во Украина.
По телефонскиот разговор со украинскиот претседател Володимир Зеленски, Стаб напиша на социјалната мрежа X дека „се спроведува планот за сигурна поддршка на безбедноста на Украина“ нагласувајќи дека Киев е подготвен за мир, а „Русија само чека време“.
„Мора да извршиме притисок врз Русија да седне на преговарачка маса“, рече финскиот претседател додавајќи дека Хелсинки, заедно со своите партнери, ќе продолжи да се стреми кон „праведен мир за Украина“.
Еден ден претходно Стаб истакна дека рускиот претседател Владимир Путин не може да биде убеден во мирот преку Западот, туку преку влијанието на земјите од Истокот, кои одржуваат трговски врски со Москва. Затоа предложи воведување тарифи против земјите што ја продолжуваат економската соработка со Русија.
Финскиот претседател исто така изрази надеж дека „трпението на американскиот претседател Доналд Трамп со Москва набргу ќе истече“ нагласувајќи дека само нови санкции и царини може да ја принудат Русија да го прекине конфликтот.
Фото: принтскрин
Европа
(Видео) Украинци: Експлодира главниот нафтовод што ја снабдува Москва

Главниот нафтовод што испорачува нафтени деривати во Москва експлодира во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот „Рјазан-Москва“, еден од главните правци за снабдување на руската престолнина со нафтени производи.
Според извори на ДИУ, откога локалните канали на „Телеграм“ во Рјазан пријавија гласна експлозија на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави „Укринформ“.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан работејќи на отстранување на последиците од експлозијата и пожарот.
Според украинските медиуми, од 2018 година овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин