Свет
Тедрос: Светот е во клучна пресвртница, земјите мора да работат заедно
Во екот на уривањето на рекордите на новозаразени луѓе во светот, СЗО ги повика сите земји да работат заедно за да се стави крај на пандемијата.
„Пандемијата сега е во својата трета година и ние сме во клучна пресвртница“, изјави генералниот директор на Светската здравствена организација Тедрос Адана Гебрејесус на заедничката прес-конференција со германската министерка за развој Свења Шулц.
Тој ги повика сите земји во светот да работат заедно за да се стави крај на акутната фаза на пандемијата, наведувајќи дека сега ги имаат на располагање сите алатки за тоа.
Тедрос додаде дека за да се стави крај на акутната фаза на пандемијата, неопходно е сите земји да работат заедно.
„ Не можеме да ѝ дозволиме да продолжи да се одолговлекува и да се тетерави меѓу паниката и запоставувањето“, рече директорот на СЗО.
Тедрос рече и дека Германија стана најголемиот донатор на СЗО, но не даде дополнителни детали.
Во исто време, германскиот министер Шулц истакна дека главниот приоритет на Германија, која го презеде претседавањето со Г7, е да се стави крај на пандемијата ширум светот и повика на масовно забрзување на глобалната кампања за вакцинација со цел да се постигне тоа.
Со овој настан во Женева ќе започнат еднонеделните состаноци на Извршниот одбор на СЗО, на кои ќе се разговара за клучните аспекти на иднината на здравствената агенција на Обединетите нации, како и за вториот мандат на Тедрос на чело на СЗО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Харис: Убиството на Синвар нуди шанса да се стави крај на војната во Појасот Газа
Американскиот потпретседател и кандидат на демократите Камала Харис изјави денеска, по убиството на лидерот на Хамас, Јахја Синвар, дека овој момент нуди шанса да се стави крај на војната во Појасот Газа.
„Правдата е задоволена. Синвар е одговорен за убиството на илјадници невини луѓе, вклучувајќи ги и жртвите на 7 октомври и заложниците убиени во Газа“, рече Харис.
Таа изрази надеж дека наскоро ќе започне „ден потоа без Хамас“ на власт во палестинската енклава, пренесува Ројтерс.
Регион
Во Србија пронајдени три деца киднапирани во Романија
Киднапирани деца од Романија, денеска биле пронајдени во српскиот град Ниш. Министерот за внатрешни работи Ивица Дачиќ денеска за ова ја информирал министерката за внатрешнира работи на Романија.
Случајот во последните денови ја брануваше романската јавност.
Имено, министерот Дачиќ ја информирал својата романска колешка дека припадниците на Министерството за внатрешни работи, Управата за криминалистичка полиција, Службата за сузбивање криминал и Техничката управа, во соработка со Полициската управа во Ниш, постапувајќи по пријава за кривично дело киднапирање извршено во Романија, уапсен е романски државјанин А.М.(1970) поради сомнение дека ги грабнал неговите три малолетни деца, исто така романски државјани на возраст од 11, 9 и 8 години.
Свет
По Германија и Франција ги враќа граничните контроли
Франција најави воведување привремени гранични контроли со шест земји, од 1 ноември 2024 година до 30 април 2025 година, пишува Луксембург Тајмс.
Како што пишува овој медиум, Франција и најавила на Европската комисија гранични контроли на границите со Луксембург, Белгија, Германија, Шпанија, Италија и Швајцарија.
Минатиот месец, Германија повторно ги воведе граничните контроли со Луксембург, поставувајќи контролни пунктови долж автопатите каде Германија ја дели својата граница со Луксембург. Како и Франција и Германија ги карактеризираше своите активности како неопходен одговор на тековните безбедносни закани.