Свет
„Телеграф“: Путин се подготвува да ја нападне Британија
Светот станува значително поопасен, отрезнувачката вистина е дека Кина и Русија се подготвуваат за поширок конфликт, пишува британскиот весник „Телеграф“.
Долго време се шпекулираше, но сега знаеме со сигурност: руски шпионски бродови мапираат ветерници и клучни кабли во близина на британскиот брег. Може да има само една причина за тоа – да се саботира критичната инфраструктура на Обединетото Кралство и Европа во случај на војна со Западот од сите размери, пишува „Телеграф“.
Како што вели во текстот, отрезнувачката вистина е дека Кина и Русија се подготвуваат за поширок конфликт.
„Тоа не значи дека истото ќе се случи, но Британија итно треба да ги препознае размерите на заканата за сегашниот поредок. Нашиот свет станува значително поопасен, а Лондон не е подготвен. Аналитичарот Боб Сили пишува: „Нашиот колективен одговор во изминатите 15 години беше негирање, поттикнат од руските пари. Војната во Украина ни ги отвори очите – токму оваа недела секретарот на кабинетот на Риши Сунак издаде предупредување без преседан за сајбер заканите за нашата национална инфраструктура. И секретарот за одбрана Бен Валас беше доследен – но мораме да направиме многу повеќе!“ Некои од најблиските сојузници на Британија, како што е Полска, повторно се вооружуваат со невидена брзина. Ако се случи најлошото, тие ќе бидат подготвени да ја бранат европската почва.
Но, НАТО алијансата, исто така, продолжува да биде опасно изложена на море, пишува весникот. Русија детално ја испитува ранливоста на Европа. Покрај храната, секојдневните барања на современото општество вклучуваат извори на енергија и комуникација. Подводните артерии на модерната цивилизација се изненадувачки малку. На пример, само три гасоводи испорачуваат дури 43 отсто од британскиот гас. Пет интерконектори испорачуваат електрична енергија. Има повеќе комуникациски кабли, вкупно 70, но само неколку саботажи на длабоко море се доволни за да се запре „нашиот свет “ без да биде испукан истрел. Добивме уверување дека ветерниците ќе ја зајакнат нашата енергетска безбедност, но неколку анализи ја разгледаа нивната воена изложеност, пишува Сили.
За две децении, Путин ги постави темелите за неконвенционално војување. Руското воено размислување ги гледа конфликтите како комбинација на воени и невоени алатки на државната моќ. Тоа е форма на тотална војна, користејќи сè, од култура до кибернетски и конвенционални алатки. Ова го одразува верувањето на Кремљ дека правилата на војната се променети. Со години е јасно дека многубројни илегални групи работат под контрола на Кремљ. Русија долго време го користи организираниот криминал за да ја врши својата валкана работа. По глобалниот раст на платеничката група Вагнер, влијанието на овие групи само ќе се зголемува, пишува британскиот весник Телеграф.
Путин ги проценува опциите за напад на Западот, но не сака да предизвика воен одговор од НАТО. Како би реагирале Велика Британија или НАТО на саботажа од некоја мистериозна група, навидум неповрзана со Москва, која би резултирала со уништување на длабоки морски кабли или некоја друга физичка штета? Дали воен одговор би бил изводлив? Можеме ли навистина да ризикуваме војна поради сомнеж? Владимир Путин го знае одговорот на тоа прашање. Овој век ќе биде сведок на борба меѓу две верзии на човештвото. Оној што претставува отворени општества наспроти оној што претставува затворени, авторитарни системи кои ги користат сите форми на државна репресија за да ги угнетуваат луѓето и да ги загрозат другите.
Тоа е борба која не ја сакавме, но која не можеме и не смееме да ја загубиме. Како што видовме многу пати со Путин, војната не само што е замислива, туку и неопходна. Дури и сега, користејќи ги своите шпионски бродови во Северното и Балтичкото Море, се заканува да го прошири конфликтот во Украина надвор од таа територија. Не смееме да му го дозволиме тоа, заклучува угледниот британски весник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Сè уште се трага по хеликоптерот со кој леташе иранскиот претседател Раиси, објави ИРНА
Државната Иранска новинска агенција (ИРНА) објави дека во тек е опсежна операција за пребарување и спасување откако хеликоптерот со иранскиот претседател Ебрахим Раиси беше принуден да изврши „тешко слетување“ во планинскиот регион во северозападниот дел на Иран.
Инцидентот се случи денеска во шумата Дизмар помеѓу градовите Варзакан и Џолфа во иранската провинција Источен Азербејџан. Раиси се враќаше од Азербејџан, каде присуствуваше на отворање на брана со азербејџанскиот Илхам Алиев.
Неименуван ирански претставник за западните медиуми изјави дека хеликоптерот со кој се превезуваа иранскиот претседател Ебрахим Раиси и министерот за надворешни работи Хосеин Амирабдулахиан се урна додека летал над планинска област во иранската провинција Источен Азербејџан.
Тој истакна дека „животите на Раиси и Амирабдолахиан „се загрозени по хеликоптерската несреќа“.
„Сè уште се надеваме, но информациите кои ни доаѓаат од местото на несреќата се многу загрижувачки“, наведе неименуваниот ирански претставник.
Како што јави ИРНА, повеќе од дваесет целосно опремени тимови за пребарување и спасување, вклучително беспилотни летала и кучиња трагачи, се испратени во областа. Иранските вооружени сили распоредија командоси и специјални сили за да помогнат во операцијата за пребарување.
Поради нерамниот терен на регионот и тешките временски услови, особено густата магла во областа, операцијата за пребарување и спасување би можела да потрае некое време.
Портпаролот на Иранската служба за итни случаи изјави дека осум амбулантни возила се испратени во регионот.
Свет
Хеликоптерот со иранскиот претседател Ебрахим Раиси доживеа „тешко слетување“
Хеликоптерот со иранскиот претседател Ебрахим Раиси доживеа „тешко слетување“, објави иранската државна телевизија, без веднаш да даде детали.
Раиси отпатува во иранската провинција Источен Азербејџан. Државната телевизија соопшти дека инцидентот се случил во близина на Џолфа, град на границата со Азербејџан, на околу 600 километри северозападно од иранската престолнина Техеран, а спасувачите биле отежнати од силниот ветер и дождот.
Сè уште нема официјална информација за тоа во каква состојба е Раиси.
Раиси беше во Азербејџан во неделата рано наутро на отворањето на браната со претседателот на Азербејџан, Илхам Алиев.
Иранската државната новинска агенција ИРНА објави дека хеликоптерот „паднал во несреќа во општата област Варзеган“ во провинцијата Источен Азербејџан, а покрај Раиси, во хеликоптерот имало уште неколку официјални лица, меѓу кои и министерот за надворешни работи Хосеин Амир Абдолахиан.
Тешките временски услови и густата магла ги отежнаа напорите на спасувачките тимови, соопшти иранската државна телевизија.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.