Свет
Тинејџерка потрошила околу 60.000 евра од заштедата на родителите на видео игри

Тринаесетгодишно девојче во Кина годинава потрошило околу 60.000 евра од заштедата на нејзините родители на мобилни игри – без нивно знаење, пренесува „Бизнис инсајдер“.
Гонг Џиванг открила што направила нејзината ќерка на крајот на мај откако и се јавила наставничка од интернатот во кој оди нејзината ќерка. Имено, наставничката сакала да им ја пренесе својата загриженост на родителите бидејќи забележала дека нивната ќерка тинејџерка е зависна од платени игри, пренесува регионалниот ТВ канал „Elephant News“ во провинцијата Хенан.
Кога Гонг ја проверила нејзината банкарска сметка, била шокирана кога сфатила дека и останале само шест центи.
Девојчето префрлало пари и на сметките на најмалку 10 соученици кои и’ биле љубоморни и сакале исто како неа да играат. Вкупната сума што тинејџерката ја потрошила за пет месеци на тој начин се искачила на 60.000 евра.
„Никогаш не мислев дека 13-годишно девојче може да направи вакво нешто. Јас сум тотално изгубена. Чувствувам дека главата ќе ми експлодира“, рече Гонг.
И ќерката реши да се појави во медиумите. Во таа прилика рекла дека на мобилниот телефон ја поврзала дебитната картичка на мајка си, но дека не знае од каде се парите, ниту колку потрошила.
Таа кажа дека се сеќава оти нејзината мајка претходно и ја кажала лозинката на нејзината банкарска сметка за одредена исплата. Таа исто така тврдела дека нејзините школски другари откриле дека таа троши многу на игри и ја мачеле да им префрли пари и на нив.
„Ќе ме мачеа цел ден ако не им ги префрлав парите. Ако и’ кажев се на наставничката, се плашев дека може да им каже на моите родители и тие ќе се налутат“, изјавило девојчето и додало дека ја избришала и преписката на чатовите и трансакциите што ги правела во со цел да ги сокријат плаќањата од нивните родители.
Гонг, мајката на девојчето, рече дека контактирала со неколку платформи за да ги врати парите, но сè уште не можела да ги собере сите потрошени пари.
Зависноста од игри е толку распространета меѓу младите во Кина што земјата воведе ограничувања за тинејџерите и децата кога станува збор за Интернет. Тинејџерите во Кина не треба да играат видео игри повеќе од три часа неделно, цел поставена од кинеската влада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин: Русија е подготвена воено да возврати на Западот

Рускиот претседател, Владимир Путин, изјави дека Русија е подготвена да одговори на сите закани, додавајќи дека Москва сè уште поддржува дипломатски пат за смирување на тензиите и покрај деструктивните политики на Западот.
Зборувајќи пред денешниот состанок на Советот за безбедност, Путин предупреди на „екстремната опасност од понатамошно влошување“ на геополитичката ситуација, особено во контекст на војната во Украина.
Тој додаде дека Русија понудила „конкретни идеи“ за промена на таа насока, но дека „овие апели и иницијативи не добиле јасен одговор“, објавува Russia Today.
„Не треба да има сомнеж за ова: Русија е способна да одговори на сите постоечки и нови закани. Не со зборови, туку со примена на воено-технички мерки“, предупреди Путин.
Тој потсети на одлуката на Москва од минатиот месец да се откаже од едностраниот мораториум за распоредување ракети со среден и краток дострел. Тој го опиша потегот како „принуден чекор“, поттикнат од потребата да се спротивстави на плановите за распоредување американски и други западни ракети во Европа и Азиско-пацифичкиот регион.
Сепак, Путин нагласи дека Русија не е заинтересирана за воена реторика или мавтање со оружје.
„Уверени сме во сигурноста и ефикасноста на нашите национални сили за одвраќање, но во исто време не сме заинтересирани за понатамошно ескалирање на тензиите или поттикнување трка во вооружување“.
Тој додаде дека Русија отсекогаш претпочитала „политички и дипломатски методи за одржување на меѓународниот мир, врз основа на принципите на еднаквост, неделивост на безбедноста и меѓусебно почитување на интересите“.
Путин, исто така, рече дека Москва ќе се придржува до ограничувањата на нуклеарното оружје уште една година откако ќе истече последниот преостанат нуклеарен договор со САД во февруари.
Путин рече дека раскинувањето на договорот „Нов СТАРТ“ од 2010 година би имало негативни последици за глобалната стабилност. Зборувајќи на состанокот со членовите на Советот за безбедност на Русија, тој додаде дека Русија очекува САД да го следат примерот на Москва и исто така да се придржуваат до ограничувањата на договорот.
Новиот СТАРТ, потпишан од тогашниот американски претседател Барак Обама и рускиот претседател Дмитриј Медведев, ја ограничува секоја земја на не повеќе од 1.550 распоредени нуклеарни боеви глави и 700 распоредени ракети и бомбардери. Неговото претстојно истекување и отсуството на дијалог за нов договор ги загрижија застапниците за контрола на оружјето.
Спогодбата предвидува обемни инспекции на лице место за да се потврди усогласеноста, но тие се неактивни од 2020 година.
Во февруари 2023 година, Путин го суспендираше учеството на Москва во договорот, велејќи дека Русија не може да дозволи американски инспекции на нејзините нуклеарни објекти во време кога Вашингтон и неговите сојузници од НАТО отворено ја прогласија целта Русија да биде поразена во Украина. Сепак, Москва нагласи дека не се повлекува целосно од договорот и дека ќе продолжи да ги почитува ограничувањата за бројот на нуклеарно оружје што ги пропишува.
Фото: ЕПА
Регион
Милановиќ: Луѓето на водечките позиции, особено во Европа, работат многу лошо

„Времињата во кои живееме денес се депресивни и не се добри. Луѓето што се на лидерски позиции, особено во Европа, работат многу лошо и воопшто не се на ниво на задачата. Некои работи се нерешливи, а начинот на кој се решаваат води кон понатамошен антагонизам и евентуално војна“, рече хрватскиот претседател Зоран Милановиќ во неделата вечерта во Њујорк.
Споредувајќи го времето на Студената војна со денешната ситуација, Милановиќ потсети дека тогаш било исклучително тешко и дека се потребни голема концентрација за разни луѓе да седнат и да разговараат за важни прашања.
„Во последните дваесет години сè е нарушено, безбедносната архитектура на светот, особено на западниот свет и на северната хемисфера, повеќе не постои“, рече тој и додаде дека денес живееме во тешки времиња и затоа мора да се погледнеме себеси, нашата работа и нашите интереси и да видиме дека не се истакнуваме премногу во сојузите во кои сме – НАТО и Европската Унија“.
Зборувајќи за ситуацијата во ЕУ и улогата на Хрватска, Милановиќ нагласи: „За жал, работите не функционираат онака како што требаше. Не мислам на привремени и повремени пласмани на пари што доаѓаат во Хрватска за претежно непродуктивни проекти и работи што нема да ја направат Хрватска технолошка сила и нема да ја направат побогата земја. Но, подобро е да го имаме тоа бидејќи кога ќе престане, ќе имаме нови сериозни предизвици. Денес, Хрватска мора да биде лојална на сојузите во кои е членка и мора да ги почитува обврските што ги презела, но исто така никогаш не смееме да дозволиме да бидеме вовлечени во комбинации и авантури што не сме ги кроеле бидејќи тоа не е солидарност. Никој не може да го бара тоа од нас и нема да го добие, според мене“.
Осврнувајќи се на војната во Газа, Милановиќ изјави: „Можеме да се залагаме за признавање на Палестина. Велат дека нема многу да се промени. Па, нема, но некои работи треба да се решат за да се продолжи понатаму. Светот нема да биде подобар и поубав, секогаш ќе биде исполнет со кризи, дефекти и недостатоци и ние мора да се приспособиме на тоа“.
Фото: принтскрин
Свет
Макрон: Запленувањето на руските средства би значело почеток на тотален хаос

Францускиот претседател Емануел Макрон вчера предупреди дека запленувањето на средствата на руската централна банка замрзнати во европските клириншки куќи би претставувало кршење на меѓународното право. Тој ги даде овие забелешки за време на интервју за „Си-би-ес њуз“ нагласувајќи дека европските земји мора да продолжат да дејствуваат во согласност со законските норми при ракување со државните средства.
„Во врска со замрзнатите средства: сите сме посветени на почитување на меѓународните правила. Невозможно е да се запленат средствата на Руската централна банка, дури и во оваа ситуација. Мислам дека тоа е прашање на доверба и е исклучително важно нашите земји да останат гаранти и да го почитуваат меѓународното право“, рече тој.
Ако зборуваме за Блискиот Исток, ако зборуваме за ситуацијата во Украина, кога некои земји почнуваат да не го почитуваат меѓународното право и кога ќе покажеме дека не сме доволно силни, тоа е почеток на тотален хаос“, рече францускиот претседател.
Фото: принтскрин