Германскиот амбасадор во САД предупреди дека новата администрација на Трамп ќе се обиде да ја одземе независноста на американските полициски сили и медиуми и да им даде на големите технолошки компании моќ за заедничко управување, се вели во доверлив документ што го видел Ројтерс.

Документот потпишан од амбасадорот Андреас Михаелис на 14 јануари го опишува планот на Доналд Трамп за неговиот втор мандат во Белата куќа, кој ќе доведе до „редефинирање на уставниот поредок – максимална концентрација на моќта на претседателот во однос на Конгресот и државите.

„Основните демократски принципи и проверки и рамнотежи ќе бидат значително поткопани, законодавниот дом, органите за спроведување на законот и медиумите ќе бидат лишени од нивната независност и злоупотребени, а големите технолошки компании ќе добијат моќ“, опишал Микеалис.

Транзицискиот тим на Трамп не ја коментираше оценката на германскиот амбасадор.

Владата на канцеларот во заминување Олаф Шолц во голема мера се воздржува од јавно критикување на Трамп откако тој победи на изборите, но оваа оценка на амбасадорот го покажува искреното и остро мислење на висок германски функционер.

Во документот се наведува судството, а особено Врховниот суд на САД, како централни во обидите на Трамп да го спроведе својот план.

Михаелис смета дека контролата врз Министерството за правда и ФБИ е клучна за постигнувањето на политичките и личните цели на Трамп, вклучително и масовните депортации, одмаздата против наводните непријатели и правната неказнивост.

Михаелис, исто така, предвидува „редефинирање на Првиот амандман“, велејќи дека Трамп и милијардерот Илон Маск, сопственик на „Икс“, веќе преземаат мерки против критичарите и медиумските компании кои не соработуваат.

„Едниот користи тужби, се заканува со кривично гонење и одземање лиценца, а другиот манипулира со алгоритми и блокира сметки“, се вели во документот.

Повторената поддршка на Маск за екстремно десничарската Алтернатива за Германија (АДФ) пред националните избори на 23 февруари предизвика бес во Берлин.

Официјален Берлин имаше тешки односи со Соединетите Држави за време на првата администрација на Трамп и се соочи со високи царини и критики за неисполнување на целите на НАТО за одбранбени трошоци.

„Тик-ток“ доцна вчера им соопшти на своите американски корисници дека денеска ќе биде привремено недостапен бидејќи стапува во сила законот со кој се забранува да работи во САД.

Корисниците кои се најавуваат на „Тик-ток“ ќе бидат пречекани со порака во која се наведува дека законот привремено го спречува обезбедувањето на услугата.

„Работиме да ја вратиме нашата услуга во САД што е можно поскоро“, се вели во соопштението на „Тик-ток, кој е во сопственост на кинеската компанија „Бајт денс“.

Врховниот суд на САД во петокот го потврди законот со кој се бара „Бајт денс“ да ја продаде популарната апликација што ја користат речиси половина Американци или ќе се соочи со забрана во земјата во недела поради загриженост за националната безбедност.

„Тик-ток“ е една од најистакнатите социјални платформи во САД, која ја користат околу 170 милиони Американци, или приближно половина од вкупното население, вклучително и многу млади луѓе.

Кина и САД се економски и геополитички ривали, а фактот дека „Тик-ток“ е во кинеска сопственост ги загрижува американските власти со години.

Предлог-законот за забрана на социјалната мрежа, освен ако не се продаде на американски корисник, беше усвоен во Конгресот минатата година со двопартиски гласови.

„Бајт денс“ моментално одбива да го продаде својот деловен скапоцен камен, иако се јавија неколку инвеститори.

Администрацијата на претседателот во заминување Џо Бајден објави дека законот се однесува на фактот дека апликацијата е управувана од странски противник, а не слободата на говорот, и дека „Тик-ток“ би можел да продолжи да работи како порано доколку биде ослободен од кинеската контрола.

За време на сослушувањата во случајот, претставничката на Министерството за правда Елизабет Прелогар рече дека кинеската контрола на ТикТок претставува „сериозна закана“ за националната безбедност на САД и дека Кина се обидува да собере огромни количини чувствителни податоци за Американците за прикриено манипулирање со јавното мислење.

Прелогар рече дека Кина ги принудува компаниите како „Бајт денс“ тајно да предаваат податоци на корисниците на социјалните мрежи и да спроведуваат директиви од кинеската влада.

Новоизбраниот претседател Доналд Трамп побара од Врховниот суд во декември да стави мораториум на законот за да и даде на неговата администрација „можност да бара политичко решение за случајот.

Законот му дозволува на претседателот да го одложи спроведувањето за 90 дена, а Трамп вчера изјави дека најверојатно ќе го стори тоа откако утре ќе ја преземе Белата куќа.

Стапувањето на сила на договорот за прекин на огнот меѓу Израел и Хамас, закажан за 7 часот и 30 минути утринава, е одложено бидејќи палестинскиот Хамас се уште не доставил список на заложници кои треба да бидат ослободени во текот на денот, како што бараше Израел, објави агенцијата АФП.

Израел претходно предупреди, дека примирјето нема да започне додека палестинското исламистичко движење не ја предаде листата на заложници кои требаше да бидат ослободени подоцна во текот на денот.

Хамас во соопштението рече дека има намера да се придржува до договорот, но го призна одложувањето со „давањето на имињата на заложниците кои ќе бидат ослободени“ поради „технички причини на теренот“.

Портпаролот на израелската војска, Даниел Хагари, речедека израелската армија ќе продолжи со воените операции во Газа додека не се исполнат овие обврски.

„Премиерот и наложи на израелската војска дека прекинот на огнот, кој треба да стапи на сила во 7:30 часот по локално време, нема да започне додека Израел не добие список на заложници што треба да бидат ослободени, како што се обврза Хамас да го стори тоа“, се вели во соопштението на Бенјамин Нетанјаху.

Договорот предвидуваше ослободување на дел од израелските заложници држени во Газа.