Свет
Трамп вели дека и онака попусто би се сретнал со мексиканскиот претседател

Американскиот претседател Доналд Трамп оцени во четвртокот дека средбата со мексиканскиот колега по должност Енрике Пена Ниета би бил „попуст“ имајќи ги предвид несогласувањата меѓу двете држави, во прв ред во врска со финансирањето на изградбата на ѕидот по должината на границата со кој Трампа сака да ја сопре илегалната имиграција од Мексико во САД.
„Сé додека Мексико не се однесува праведно и со почитување кон САД, таквата средба ќе биде попуста“, изјави американскиот претседател Доналд Трамп пред републиканските застапници во Конгресот собрани во Филаделфија.
Претходно мексиканскиот претседател Енрике Пена Нието на Twitter објави дека ја известил Белата куќа нема да учествува на состанокот планиран во вторник.
Велејќи дека откажувањето на средбата била заедничка одлука, Трамп уште еднаш истакна дека американскиот народ нема да го плати градењето на ѕидот. „Тоа јасно ѝ го реков на мексиканската влада“, додаде.
Остро критикувајќи го договорот за слободна трговија NAFTA, меѓу САД, Мексико и Канада, го нарече „чиста катастрофа“ за САД. „Нема да дозволам американските даночни обврзници да трпат поради тој лош договор кој одамна требаше да биде изменет“, порача Трамп.
Новиот американски претседател во средата го потпиша извршниот указ за почетокот на градењето на ѕидот по должина на американско-мексиканската раница, што беше едно од поистакнатите ветувања во неговата предизборна кампања./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Реакција од фон дер Лајен за средбата Путин – Трамп

Претседателката на Европската комисија, Урсула фон дер Лајен, објави дека денес разговарала со украинскиот претседател Володимир Зеленски.
„Разговаравме за настаните од изминатите неколку дена и следните чекори кон мировен договор, членството на Украина во Европската Унија и обновата на земјата“, рече таа.
„Ставот на Европа е јасен – ние целосно ја поддржуваме Украина и ќе продолжиме да играме активна улога во обезбедувањето праведен и траен мир“, додаде фон дер Лајен.
Таа не учествуваше во вчерашниот телефонски разговор меѓу американскиот претседател Доналд Трамп и Зеленски и лидерите на неколку клучни европски земји, вклучувајќи ги лидерите на Германија, Полска и Италија.
Денес беше потврдено и дека во следните денови ќе се одржи средба меѓу Трамп и рускиот претседател Владимир Путин. Кремљ вели дека подготовките се во тек, а Путин рече дека Обединетите Арапски Емирати би можеле да бидат едно од можните места за самитот.
Свет
Премиерот на Камбоџа го номинира Трамп за Нобелова награда за мир, испрати писмо до Осло

Премиерот на Камбоџа потврди дека го номинирал претседателот на Соединетите Американски Држави, Доналд Трамп, за Нобелова награда за мир, наведувајќи го неговото извонредно државничко творештво во прекинувањето на граничниот конфликт меѓу Камбоџа и Тајланд.
Хун Манет ја објави информацијата на Фејсбук, заедно со фотографија од американскиот претседател и писмо испратено до Норвешкиот Нобелов комитет. Во писмото се велича интервенцијата на Трамп како еден пример за неговите „исклучителни достигнувања во деескалацијата на тензиите во еден од најнестабилните региони во светот“.
„Ројтерс“ објави дека повикот на Трамп до лидерите на Тајланд и Камбоџа на 26 јули ги обнови напорите за прекинување на еден од најинтензивните конфликти меѓу двата соседа во поновата историја.
Тоа доведе до договорено примирје во Малезија на 28 јули. Двете земји се согласија во да обезбедат непријателствата да не се разгорат повторно и да поканат набљудувачи од Југоисточна Азија.
Пакистанските власти објавија во јуни дека ќе го номинираат Трамп за Нобелова награда за мир за неговата работа во решавањето на конфликтот со Индија, а израелскиот премиер Бенјамин Нетанјаху го објави истото минатиот месец.
Фото: ЕПА
Свет
Нетанјаху: Имаме намера да ја преземеме контролата врз Газа

Израелскиот премиер Бенјамин Нетанјаху денес изјави дека Израел има намера да го окупира Појасот Газа со цел да воспостави идна цивилна администрација ослободена од влијанието на Хамас, објави Анадолу.
„Имаме намера (да ја преземеме контролата врз Газа) за да ја обезбедиме нашата безбедност, да го отстраниме Хамас таму, да му дозволиме на населението да биде слободно и да го предадеме на цивилна администрација која не е Хамас и не е некој што се залага за уништување на Израел“, рече Нетанјаху во интервју за ФОКС њуз кога беше прашан дали Израел ќе ја преземе контролата врз Газа.
Тој рече дека целта не е трајно да се владее со енклавата, туку да се отстрани Хамас и да се дозволи различна локална администрација, поддржана од регионалните арапски партнери.
„Не сакаме трајно да ја држиме територијата, туку да воспоставиме безбедносен периметар“, рече тој.
На прашањето дали Израел ќе ја врати целата територија од 42 километри, како што правеше пред повлекувањето во 2005 година, Нетанјаху одговори: „Не сакаме да ја држиме. Сакаме да имаме безбедносен периметар“.
„Не сакаме да бидеме таму како управно тело. Сакаме да го предадеме на арапските сили кои ќе го управуваат правилно, без да ни се закануваат и да им обезбедат на луѓето од Газа добар живот“, додаде тој.
Израел се соочува со растечко внатрешно незадоволство поради деструктивната војна во Газа, каде што повеќе од 61.000 луѓе се убиени од октомври 2023 година.
Минатиот ноември, Меѓународниот кривичен суд издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант за воени злосторства и злосторства против човештвото во Газа.
Израел, исто така, се соочува со обвинение за геноцид во Меѓународниот суд на правдата поради неговата војна во енклавата.
Фото: ЕПА