Свет
Трамп вели дека Меланија не би се убила од плачење ако го застрелаат

Претседателот на САД, Доналд Трамп, наводно потврдил дека неговата сопруга Меланија не би се насекирала многу ако случајно биде застрелан, а „Твитер“ многу бргу го прифати тој коментар како прозорец кон многу дискутираниот брак на двојката, пренесува РТ.
Говорејќи пред републиканската публика на хуманитарен настан за собирање средства во хотелот „Трамп“ во Вашингтон во вторникот, Трамп го спомена застрелувањето на републиканецот Стив Скализ во 2017 година.
Трамп потсети дека кога го посетил Скализ во болницата, сопругата на политичарот се убила од плачење, реакција што тој очигледно не ја очекува од Меланија или од повеќето сопруги.
„Мислам, не многу сопруги би реагирале на тој начин на трагедија, знам дека мојата не би“, рекол тој.
Претседателот исто така се пошегува дека нема да го препорача застрелувањето како добар начин за губење на тежината – алузија на своите коментари во времето кога Скализ беше критично ранет дека тоа е пеколен начин да се ослаби.
Непотребно е да се каже, но коментарите на Трамп за наводната рамнодушност на Меланија предизвикаа моментна реакција на „Твитер“.
„Конечно, Трамп кажува нешто во што сите ќе веруваат“, напиша едно корисник на „Твитер“.
„Можеби ќе пушти солзи од олеснување“, предлага друг твит.
Сепак, еден корисник му го зададе можеби најнискиот удар од сите пишувајќи: „Меланија би плачела ако Џастин Трудо биде застрелан… чисто да споменам“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.
Регион
Топлотниот бран ги затвори Акропол и археолошките локалитети во Атина

Поради топлотниот бран и високите температури што од почетокот на седмицава ја зафатија Грција, археолошките локалитети во Атина, како и Акропол и во текот на викендов ќе бидат затворени за туристи во периодот од 12 до 17 часот.
Новиот топлотен бран што ја зафати Грција, според најавите и прогнозите се очекува да трае до недела.
Вчера беше најтоплиот ден, просечната максимална температура достигна 37,6 степени Целзиусов, на Пелопонез измерени речиси 46 степени, а во многу делови од земјата надмина 42 степени.
Свет
Русија до Западот: Тврдоглаво игнорирате додека режимот во Киев се обидува да ја спаси кожата на Зеленски

„Тврдоглаво се обидувате да игнорирате како темелно корумпираниот режим во Киев се обидува да ја спаси кожата на украинскиот претседател Володимир Зеленски, доведувајќи ја во прашање иднината на својата земја. За тоа детално ќе разговараме на посебниот состанок што го побаравме за 31 јули, каде што предлагаме фокусирање на акциите што ја поткопуваат потрагата по дипломатски пат за решавање на украинскиот конфликт – вклучително и обидите да се попречи директниот руски-украински преговарачки процес во Истанбул“, изјави заменикот на рускиот амбасадор во ОН, Дмитриј Пољански, на седницата на Советот за безбедност, обраќајќи им се на претставниците на западните земји, пренесува ТАСС.
Според него, Русија подолго време и доследно предлага решавање на украинската криза по дипломатски пат.
„Но вас тоа не ве задоволува – сè додека сте подготвени да продолжите да се борите против Русија преку рацете на Украинците. А фактот што ги има сè помалку – воопшто не ве вознемирува“, предупреди рускиот дипломат.
Русија и Украина во мај и јуни одржаа две рунди преговори, по што следуваше размена на заробеници и предавање на телата на загинатите украински војници. Двете страни исто така разменија нацрти меморандуми за решавање на конфликтот.