Контакт

Свет

Трамп ветува нови безбедносни мерки по одлуката на жалбениот суд

Објавено пред

Американскиот претседател Доналд Трамп во петокот вети дека веќе следната седмица ќе донесе нови мерки за заштита на националната безбедност, ден откако апелациониот суд одби повторно да ја активира неговата извршна уредба за привремено запирање на влезот во САД за државјаните на седум доминантно муслимански земји и повторно изрази увереност дека на крајот судовите ќе го потврдат неговиот указ

dobivaj vesti na viber

„Ќе сториме сé што е неопходно да ја сочуваме безбедноста на нашата земја. Ќе сториме нешто многу наскоро, во однос на дополнителната безбедност за нашата земја, ќе го водите тоа во одреден момент следната седмица“, изјави американскиот претседател Доналд Трамп на прес-конференцијата во Вашингтон со јапонскиот премиер Шинзо Абе.

Дода дека неговата администрација ќе ја продолжи правната битка. „Немам никакви дилеми дека на крајот ќе го добиеме тој спор“, рече Трамп но не одговори директно на прашањето на дали го воведен нова забрана.

Извори од Reuters oд Белата куќа не исклучиле дека ќе биде преработен указот на Трамп по неговото суспендирање минатиот петок од страна на федералниот судија од Сиетл, Џејмс Робарт и од апелациониот суд во Сан Франциско во четвртокот.

На 27-ми јануари претседателот Доналд Трамп го потпиша извршниот указ 13769 „За заштита на земјата од влез на странски терористи“, со кој во рок од 90 дена се суспендира издавање визи за државјаните на седум муслимански држави: Иран, Ирак, Јемен, Либија, Сирија, Сомалија и Судан. Указот, исто така, и им наложува на Стејт департментот и на Министерството за национална безбедност да го суспендираат распоредувањето на бегалците по сојузните држави на 120 дена, како и на неодреден рок се суспендира прифаќањето бегалци од Сирија. Исто така, значително е намалена квотата за прифаќање на барателите на азил во САД во фискалната 2017 година, која таму започнува во октомври 2016 година, на не повеќе од 50.000, од претходно планираните 110.000.

Сојузниот судија од Сиетл, Џејмс Робарт на 3-ти февруари го блокираше овој указ на Трамп со што тој не важеше на целата територија на САД. Потоа на 5-ти февруари, Окружниот апелационен суд во Сиетл одби, на барање на американското министерство за правосудство, да донесе итна мерка со којашто ќе биде суспендирана одлуката на федералниот судија Робарт, а којашто се однесува на целата територија на САД за привремено поништување на привремениот извршен указ на претседателот Трамп. Овој апелациониот суд го установил рокот за министерството за правосудство за одговор на тужителот кој истекува за приговорот на тужениот. Тој требало да биде даден до понеделник.

Потоа на 9-ти февруари Сојузниот апелационен суд на САД во Сан Франциско едногласно го поддржа суспендирањето на извршниот указ на претседателот Доналд Трап за привремена забрана за влегувањето на американска територија на државјани од седум мнозински муслимански земји, иако во неговата уредба не се споменува зборот ислам.

Набрзо по објавувањето на пресудата претседателот Доналд Трамп на својот Twitter профил порача „Ќе се видиме на суд, безбедноста на нашата нација е во прашање!“.На новинарите пред канцеларијата на неговиот портпарол, Трамп им најави дека на крајот ќе го добие случајот,а пресудата на жалбениот суд ја оцени како „политичка одлука“.

Администрацијата на новиот американски претседател на оваа одлука на Сојузниот апелационен суд може да се жали од 10-ти февруари и да побара целиот Апелационен суд на САД за деветтиот округ, кој има 29 активни судии и е надлежен за државите и териториите на западот од Соединетите држави, да ја преиспита одлуката или, пак, директно да вложи жалба до Врховниот суд, кој најверојатно и ќе го одреди крајниот исход од судскиот спор. пред американскиот Врховен суд.

Пресудата на апелациониот суд, која следеше по рочиштето во вторникот не го решава правниот спор, тукусамо се однесува на прашањето дали указот на Трамп треба да биде суспендиран во текот на траењето на судската постапка против забраната за влегување во САД кои ги поднесоа сојузните држави Вашингтон и Минесота.

Американскиот Врховен суд, откако лани почина еден од неговите девет судии во моментов е идеолошки поделен на по четири судии либерали и четворица конзервативци., додека се чека потврдата на Сенатот, каде републиканците имаат мнозинство за предлогот на Трамп за избор на 49-годишниот конзервативен кандидат Нил Горсач.

На администрацијата во моментов ѝ е потребно да гласаат пет од осумте судии во полза на повторното стапување на сила на указот на претседателот, додека продолжува постапката на двете сојузни држави. Тоа значи дека Белата куќа треба да придобие на своја страна барем еден од либералните судии./крај/мф/сн

Европа

(Видео) Запечатена резиденција на папата, во Ватикан владее седисвакација

Објавено пред

Ватикан ја запечати официјалната резиденција на папата Франциско, симболично започнувајќи период на жалост.

dobivaj vesti na viber

На снимката објавена од Ватикан се гледа кардиналот Кевин Џозеф Фарел, камерленгото, како гледа како службеник на Ватикан става црвена лента на вратата од резиденцијата на папата, ја врзува, а потоа става восочен печат на лентата. После тоа, Фарел ја проверува пломбата и се уверува дека вратата е цврсто затворена.

Запечатувањето на папската резиденција е традиционален обред што го изведува камерленго, привремениот управител на Ватикан, а историски служел за да се спречи ограбувањето на папските одаи.

Овој чин го симболизира официјалниот крај на понтификатот на папата Франциско и почетокот на периодот на седисвакација – период без папа.

Прикажи повеќе...

Свет

(Видео) Какви беа последните денови на папата Франциско: „Изгледаше како да се збогува“

Објавено пред

Во понеделникот точно напладне црковните ѕвона ширум Италија одекнаа во жалост. Почина папата Франциско. Не поминаа ни 24 часа откако папата ненадејно се појави на балконот со поглед на плоштадот Свети Петар, каде благослови 35.000 верници собрани на велигденските прослави во Ватикан.

dobivaj vesti na viber

И покрај советот на лекарите дека по 38 дена во болница за билатерална пневмонија, тој треба да помине најмалку два месеци во опоравување, папата дишеше самостојно, без помош на кислород. Како и во текот на неговиот понтификат, Франциско не мируваше во последните недели од својот живот – тој продолжи да прима посетители и да се среќава со луѓе од секакво потекло.

Кога се појави пред верниците во неделата на Велигден, плоштадот Свети Петар најпрво избувна во воодушевување, за потоа да сите да замолкнат. „Драги браќа и сестри, ви посакувам среќен Велигден“, рече папата со тежок, уморен глас. Ова беа неговите последни зборови во јавноста, пишува Би-би-си.

Имавме чувство дека го гледаме за последен пат“, изјави Мауро, жител на Рим кој го помина Велигден на плоштадот Свети Петар, а потоа се врати да му оддаде почит. „Обично се слушаат извици – Да живее папата! но овој пат беше многу потивко, како секој инстинктивно да покажува почит кон неговото страдање“.

„Не благослови, но неговиот глас беше слаб“, изјави Алберто за Би-би-си. „Изгледаше како да се простува со тој благослов“.

Лекарите во болницата Гемели му препорачаа целосен одмор, но папата, познат по својата блискост со народот, имаше тешкотии да прифати мирен живот далеку од народот. Веднаш откако лекарите му објаснија дека неговата состојба нема брзо да се стабилизира, Франциско јасно стави до знаење дека сака да биде во Ватикан за Велигден.

За христијаните Велигден има посебно значење бидејќи го симболизира воскресението Христово, основен настан на верата. Пред да биде отпуштен од болницата на 23 март, папата им мавна на насобраните верници од прозорецот на болницата, а потоа се врати во својот дом во Домот Света Марта, скромна резиденција што тој ја избра наместо луксузните папски станови.

Лекарите веруваа дека таму полесно и безбедно ќе закрепне, далеку од ризикот од болнички инфекции. Како што се приближуваше Велигден, папата сè повеќе ги зголемуваше своите активности. Во домот Света Марта ги прими кралот Чарлс и кралицата Камила, а четири дена подоцна, на Цветници, спротивно на препораките на лекарите се појави на балконот пред 20.000 собрани верници.

Но, за Франциско, Велигден беше најважниот празник.

Минатиот четврток, како и претходно, папата го посети затворот Регина Коели во Рим. Иако поради здравствената состојба не можеше да им ги измие нозете на затворениците, што го правеше во претходните години по примерот на Христос, половина час се сретна со притворениците кои го поздравија со аплауз. „Не можам да го направам тоа оваа година, но сакам да бидам блиску до вас“, рече папата со слаб глас.

„Навистина имаме среќа. Надворешниот свет не може да го види тоа, но ние можеме“, изјави еден од затворениците за новинарите. Додека го напушташе затворот, новинарите го прашаа како ќе го прослави Велигден оваа година. „Како што можам најдобро“, одговори тој.

И го исполни ветувањето.

На Велигден, тој ги прими американскиот потпретседател Џеј Ди Венс и хрватскиот премиер Андреј Пленковиќ, а потоа се појави пред толпата на плоштадот Свети Петар и го предаде својот последен благослов Urbi et Orbi.

Неочекувано, папата потоа се спушти на плоштадот и возеше меѓу верниците во папамобилот, делејќи благослов на толпата, кревајќи ја раката и благословувајќи ги децата кои верниците му ги доближиле. Тоа беше последен пат кога луѓето го видоа жив.

„Не бев среќен кога го гледав. Можеше да се види дека страда“, рече Алберто. „Но, ми беше чест да го видам последен пат“. Папата Франциско почина рано наутро во понеделникот во својот дом, едноставна резиденција управувана од калуѓерки каде што живеел меѓу обичните луѓе во текот на неговиот понтификат.

Два и пол часа по неговата смрт, камерленгото официјално ја објави веста. Ватикан подоцна потврди дека папата починал од последиците од мозочен удар и неповратна срцева слабост.

Франциско никогаш не сакал да живее во луксузот на традиционалните папски станови. Од самиот почеток рече дека сака да биде меѓу луѓето. „Ако живеев сам, во изолација, тоа немаше да ми донесе ништо“, рече тогаш.

Прикажи повеќе...

Свет

Верниците ширум светот го оплакуваат папата

Објавено пред

Членовите на Католичката црква, која има 1,4 милијарди верници, денеска тагуваат за смртта на 88-годишниот папа Франциско, фалејќи го како скромен човек кој ги штител маргинализираните.

dobivaj vesti na viber

Туристите и верниците во Ватикан за велигденската недела беа шокирани од заминувањето на папата, еден ден откако тој ги поздрави од папамобилот на плоштадот Свети Петар на Велигден.

„Вчера се појави во јавноста, изгледаше здраво. Бев навистина шокиран, и секако тажен”, изјави отец Бачаи, пензиониран свештеник од САД.

Родната Аргентина на Франциск, каде што некогаш беше надбискуп, се разбуди со веста за неговата смрт. Боли како лудо, боли затоа што, повеќе од било што друго, се согласив со неговата поддршка за бисексуалците и хомосексуалците“, вели Николас Кордоба, жител на Буенос Аирес.

Стотици верници се собраа на миса во катедралата на аргентинската престолнина. „Искрено, не бев изненадена. Беше многу болен. Мислам дека вложи голем напор да издржи до Велигден, голем празник за христијаните“, изјавила 53-годишната Џорџелина Вентура.

Некои од верниците зборуваа и за сочувството на Папата кон оние во воените зони. „Папата навистина се грижеше за нашата земја Конго и за серијата војни низ кои минуваме“, рече Фаида Набинту во градот Букаву, кој е под контрола на бунтовниците.

Ден пред неговата смрт, тој накратко се сретна со американскиот потпретседател Џеј-Ди Венс. Во Њујорк, пред катедралата Свети Патрик, очите на Кети Колеки се полнат со солзи додека се сеќава на човекот кој бил „вистински папа за сите“.

Тој беше „инклузивен“, зборувајќи „на поотворен и универзален начин“ со католиците, но и со „другите религии“, рече таа. „Тешко е да се одвои она што се случува во Америка од загубата на таков човек. Има тага, но и загриженост. Луѓето сакаат стабилност“, додаде 65-годишната пензионерка.

Папата Франциско „беше поголем христијанин од многумина, на пример оние на власт денес кои се нарекуваат себеси така, вклучително и претседателот чие име нема да го кажам“, рече Марк Смерканич пред катедралата во Вашингтон. „Барем папата се грижеше за сиромашните и за оние кои имаат потреба во третиот свет.

Прикажи повеќе...

Најново

Свет2 часа

(Видео) Какви беа последните денови на папата Франциско: „Изгледаше како да се збогува“

Во понеделникот точно напладне црковните ѕвона ширум Италија одекнаа во жалост. Почина папата Франциско. Не поминаа ни 24 часа откако...

Европа3 часа

„Гробот нека биде едноставен, без украси, на плочата нека стои еден збор“: Ватикан го објави тестаментот на Папата

Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо...

Европа3 часа

Ватикан: Папата почина од мозочен удар и срцево затајување

Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со...

Македонија6 часа

На Табановце и Богородица се чека еден час за влез во државата

Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...

Европа9 часа

Шок и солзи во Ватикан: „Големиот папа нè напушти, уриваше бариери“

„Почина голем папа“, вели Фабио Малвеси, сè уште видно шокиран, како и многумина од верниците и туристите кои се собраа...

Македонија11 часа

Струмичко-скопскиот епарх монсињор д-р Киро Стојанов упати писмо по повод упокојувањето на папата

Скопскиот бискуп и Струмичко-скопски епарх монсињор д-р Киро Стојанов, на Светол Понеделник, 21 април 2025 година упати писмо до сите...

Европа13 часа

Светските лидери се збогуваа со папата: „Тој секогаш беше на страната на најранливите“

Реакции за смртта на папата Франциско доаѓаат од сите страни, а високи функционери од бројни земји се согласуваат дека „народниот...

Македонија14 часа

СДСМ бара оставка од Љутков „за хаосот во културата“

„СДСМ најостро реагира на катастрофалното раководење со културата од страна на министерот Зоран Љутков, кој остави над 3.000 културни работници...

Европа14 часа

Ватикан активира специјален режим по смртта на папата

По смртта на папата Франциско во понеделникот, во Ватикан настапи седисваканција – период без папа. Терминот седисваканција доаѓа од латинскиот...

Европа15 часа

Почина папата Франциско

Папата Франциско почина утринава на 89-годишна возраст, соопшти Ватикан. „Утринава во 7:35 часот, бискупот римски Франциско се врати во домот...

Македонија16 часа

Спроведени 617 вонредни контроли пред Велигден, уништени 1 740 килограми небезбедна храна

Шестотини и седумнаесет вонредни контроли спроведоа инспекциските служби на Агенцијата за храна и ветеринарство (АХВ) пред велигденските празници. Кај 16...

Македонија16 часа

„Дали молкот на СДС, Филипче и Заев е потврда дека тие поседуваат златни визи за Дубаи“, прашува ВМРО-ДПМНЕ

„СДС, Венко Филипче и Зоран Заев мудро молчат и немаат аргументи да реагираат, ниту пак ги демантираат нашите дилеми. Помина...

Европа17 часа

Предупредување за воздушни напади во Украина неколку часа по завршувањето на велигденскиот прекин на огнот

Ширум Украина рано утринава тревога за воздушни напади, само неколку часа по истекот на „велигденскиот прекин на огнот“. Украинските воздухопловни...

Свет17 часа

Кина: Цврсто ќе се спротивставиме на секој што ќе постигне договор на штета на Кина

Кина ги почитува сите страни кои ги решаваат економските и трговските спорови со САД преку консултации на еднаква основа, но...

Свет17 часа

Трамп: Се надевам на брз договор меѓу Украина и Русија, и двете држави можат да направат богатство

Американскиот претседател Доналд Трамп изјави дека се надева оти договор меѓу Русија и Украина ќе биде постигнат во неделата што...

Европа17 часа

Украина: Русија 2.000 пати го прекрши примирјето

Украинскиот претседател Володимир Зеленски ја обвини Русија во неделата дека го прекршила велигденскиот прекин на огнот повеќе од 2.000 пати,...

Македонија1 ден

Гаши демантира дека ја напушта коалицијата Вреди, останува лојален на гласачите

Претседателот на Собранието, Африм Гаши, преку објава на Фејсбук ги демантираше информациите што се појавија во некои медиуми дека ја...

Скопје1 ден

Пет лица се повредени во сообраќајката кај „Градска болница“

Пет лица се повредени, од кои едно потешко, во тешка сообраќајна несреќа што се случи синоќа во центарот на Скопје,...

Македонија2 дена

Меџити: Вреди ќе се менува, платформата станува партија

Од платформата Вреди наскоро ќе произлезе нова политичка партија, која ќе настапи обединето на претстојните локални избори. Како што најави...

Свет2 дена

Откриен големиот воен проект на Трамп, Илон Маск е вклучен во сѐ

Компанијата на Илон Маск, заедно со партнерите „Palantir“ и „Anduril“, моментално е еден од главните кандидати за развој на клучните...