Свет
Трамп и Путин го завршија првиот официјален телефонски разговор
Во саботата вечерта по средноевропско време, по 50 минути заврши долгоочекуваниот во светот телефонски разговор меѓу новиот американски претседател Доналд Трамп и рускиот претседател Владимир Путин, кој се смета за историски и од кој се очекува да ги ресетира американско-руските односи кои се на најниското ниво од крајот на Студената војна, а во чиј тек било разговарано за сите отворени прашања меѓу двете земји, особено за заедничката соработка на рамноправна основа.
Засега Белата куќа не излезе со соопштение за темата и текот на разговорот меѓу двајцата челници, но Кремљ оцени дека телефонскиот разговор меѓу претседателот на Русија Владимир Путин и претседателот на САД Доналд Трамп, минал во „позитивна атмосфера“, и оти двајцата челници разговарале за „борбата против тероризмот, сирискиот конфликт и ситуацијата во Украина“.
На разговорот кој Трамп го водел од Овалната соба, присуствувале и потпретседателот Мајк Пенс, шефот на администрацијата на Белата куќа Рајнс Прибас, советникот на американскиот претседател за национална безбедност Мајкл Флин и советникот за стратешки прашања Стивен Бенон.
Се истакнува дека „во текот на разговорот двете страни покажаа насоченост за активна заедничка работа на стабилизацијата на руско-американската соработка на конструктивна, рамноправна и основи коишто ќе бидат заемно полезни“, се наведува во соопштението на Кремљ.
„Беше истакната важноста на обновувањето на заемните трговско-економски врски меѓу бизнис заедниците во двете земји, што би можело дополнително да стимулира прогресивен и стабилен развој на билатералните односи“, се додава во соопштението на службата за информирање на рускиот претседател.
„Темелно беа разгледувани актуелните меѓународни проблеми, вклучително и борбата против тероризмот, ситуацијата на Блискиот исток, арапско-израелскиот конфликт, сферата на сратешката (нуклеарна – з.р.) стабилност и неширењето на оружјето, ситуацијата околу иранската нуклеарна програма и на Корејскиот полуостров“, се наведува во соопштението објавено на страницата на Кремљ.
Се додава и дека била отворена и темата на „главните аспекти“ на кризата во Украина и се истакнува дека „беше договорено да се воспостави партнерска соработка за сите овие и други области“, се додава во руската изјава за текот и темите од разговорот меѓу Путин и Трамп.
Бил истакнат и приоритетот на заедничките напори во борбата против најголемата закана – меѓународниот тероризам, при што претседателите повикале на воспоставување вистинска координација на американските и руските акции со цел да се победи џихадистичката организација Исламска држава, како и другите терористички групи во Сирија, според изјавата од Москва.
Исто така, Путин и Трамп се договориле да им дадат инструкции на своите соработници да работат на можните термини и местото на нивната лична средба, и се согласиле да ги продолжат меѓусебните директни контакти.
Русија смета дека по преземањето на должноста на републиканецот Трамп односите меѓу Москва и Вашингтон, коишто според оцените на руските челници во двата мандата на демократскиот претседател Барак Обама биле целосно деградирани, ќе почнат да се подобруваат.
Од друга страна, американските и медиумите во другите западни земји, исто така, со големо внимание го исчекуваа исходот и соопштенијата од разговорот меѓу Трамп и Путин и го сметаат за првиот тест за „ресетирањето“ на руско-американските односи.
Во написите се истакнува дека руските челници го поздравиле разговорот, но со загриженост го следат критичарите на Путин во Вашингтон и во Европа кои стравуваат дека Трамп може, во желбата да ги подобри односите со Кремљ да ги укине санкциите против Русија, наметнати од администрацијата на Обама а потоа и со негов притисок и од Европската унија, поради присоединувањето на црноморскиот полуостров Крим на Руската Федерација, по референдумот од 2014 година на тамошното мнозинско руско и рускојазично население по револуцијата и промената на власта во Киев.
Досега Западот го сметаше тоа за нелегално според меѓународното право руско анектирање на украинската територија, меѓутоа како и што навестуваше Трамп во својата кампања, и многу европски политичари кои пледираат да ја освојат власта, минатата година најавуваа преиспитување на ваквите ставови околу Крим./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Трамп повторно рече дека го решил конфликтот меѓу Албанија и „Абербајџан“
Претседателот на САД, Доналд Трамп, се обрати пред медиумите по средбата со британскиот премиер Кир Стармер.
Тој зборуваше за своите успеси во завршувањето на војните низ целиот свет. Тој повторно рече дека го решил конфликтот меѓу Албанија и „Абербајџан“. Ова е трет пат во последните неколку недели Трамп да ја помеша Албанија со Ерменија.
😂Trump claimed he settled the conflict between “Aber-baijan” and Albania
Well, that’s a new one! pic.twitter.com/hqH7fUhpDr
— NEXTA (@nexta_tv) September 18, 2025
На 8 август, Азербејџан и Ерменија потпишаа мировен договор, постигнат со посредство на САД. Договорот вклучува ексклузивни права на САД за развој на стратешки транзитен коридор низ Јужен Кавказ, за кој Белата куќа тврди дека ќе овозможи поголем извоз на енергија и други ресурси.
„Тие се бореа долго време, 35 години, а сега се пријатели и ќе бидат долго време“, рече Трамп на церемонијата на потпишување во Белата куќа, на која присуствуваа азербејџанскиот претседател Илхам Алиев и ерменскиот премиер Никол Пашинјан.
Ерменија и Азербејџан се во конфликт од крајот на 1980-тите, кога планинскиот регион Нагорно-Карабах на Азербејџан, претежно населен со етнички Ерменци, се отцепи од Азербејџан со поддршка на Ерменија. Азербејџан ја врати целосната контрола врз регионот во 2023 година, што ги натера речиси сите сто илјади етнички Ерменци од таа територија да избегаат во Ерменија.
Фото: ЕПА
Свет
Путин: Во Украина се распоредени 700.000 руски војници
Рускиот претседател, Владимир Путин, изјави дека во Украина има повеќе од 700.000 руски војници. Како што објави денес „Ројтерс“, Путин ја изнесе оваа бројка за време на состанокот со врвни руски пратеници, кој беше емитуван на државната телевизија.
На почетокот на септември, Украинската воена разузнавачка служба (УРС), исто така, процени дека на украинска територија има речиси 700.000 руски војници, вклучувајќи членови на Националната гарда, специјални сили и логистички единици.
Putin said that now there are over 700,000 Russian soldiers on the Ukrainian frontline.
That's how Russia wants peace. pic.twitter.com/zdQpPmXDKn
— Anton Gerashchenko (@Gerashchenko_en) September 18, 2025
„Мнозинството се распоредени во регионот Донецк, што ги покажува руските приоритети“, изјави тогаш портпаролот на УРС, Андриј Јусив.
Украинската армија има речиси 900.000 војници низ целата земја. Сепак, претседателот Володимир Зеленски предупреди во јануари дека Русија сè уште има бројчена предност во одредени сектори на фронтовската линија токму поради концентрацијата на силите.
Во тоа време, според него, рускиот контингент во Украина броел 600.000 војници.
И покрај фактот дека за време на целосната инвазија, според украинските проценки, Русија успеала да ги компензира своите загуби со нови војници, кои ги вработува по договор. Киев, од друга страна, се соочува со растечки проблем со недостиг на персонал.
На Москва ѝ помага и Северна Кореја. По првичното распоредување помеѓу 11.000 и 12.000 војници во Курската област кон крајот на 2024 година, се очекуваат нови засилувања. Севернокорејските војници ѝ помогнаа на Русија да го одбие украинскиот упад преку границата, а во тој процес, според достапните податоци, претрпеа околу 2.000 смртни случаи.
Фото: ЕПА
Свет
Трамп: Путин ме разочара
Американскиот претседател Доналд Трамп денес одржа заедничка прес-конференција со британскиот премиер Кир Стармер за време на посетата на Лондон.
Стармер првично рече дека разговарале за зајакнување на одбраната, обезбедување поголема поддршка за Украина и „значително зголемување на притисокот врз Путин да се согласи на мировен договор што ќе трае“.
Трамп првично повтори дека неговата цел е да ја спречи руската инвазија на Украина, истакнувајќи дека очекувал тоа да биде најлесно благодарение на неговиот однос со Владимир Путин.
„Но, тој ме разочара. Навистина ме разочара“, рече Трамп.
Тој додаде дека ќе види како ќе се развива ситуацијата и рече дека верува оти ќе се постигне договор меѓу Русија и Украина, иако „никогаш не се знае во војна“.
„Се случуваат работи што се сосема спротивни од она што го мислите, мислевте дека ќе биде лесно или тешко, а се покажува обратно“, рече Трамп.
Еден британски новинар го праша Трамп дали погрешил што го поканил Путин порано на Алјаска и дали се кае за тоа. „Не“, одговори Трамп. Кога го прашаа дали сега е време да се изврши притисок врз Путин и да се исплаши и да се воведат санкции, тој кратко кимна со главата и рече: „Да“.
На дополнително прашање за Путин, Трамп повтори дека го изневерил и изјави: „Искрено, руските војници умираат побрзо од украинските војници“.
Потоа зборуваше за други конфликти во светот во кои тврди дека има заслуги за мир, а потоа се врати за Украина. „Се надевам дека наскоро ќе имаме добри вести за вас“, рече Трамп.
„Ќе ви кажам ова: Милиони луѓе загинаа во таа војна, милиони души, а тие не се Американци. Тие се претежно војници, се убиваат едни со други во размер невиден од Втората светска војна. Чувствувам обврска да се справам со тоа“, рече Трамп.
Тој постојано повторуваше дека руската инвазија на Украина можеше да „доведе до Трета светска војна“, но сега верува дека тоа нема да се случи.
Британскиот премиер ја нагласи потребата од продолжување на зголемувањето на притисокот врз рускиот лидер. Тој, исто така, потсети на инцидентот од минатата недела кога руски беспилотни летала влегоа во полскиот воздушен простор.
Фото: ЕПА
(Видео) Масовни протести во Франција: Уапсени 140 демонстранти, повредени осум полицајци
Според најновиот извештај на француското Министерство за внатрешни работи, 140 лица се уапсени низ целата земја, од кои 75 се...
Злоупотреби со регистрација на половни возила: 11 осомничени, меѓу нив и вработена во МВР
Секторот за внатрешни работи Куманово, во соработка со Одделот за внатрешна контрола и криминалистички истраги при МВР, поднесе кривични пријави...
Инцидент кај Петровец – нападнато возило на пожарникари, напаѓачот им се заканувал
Во полицијата било пријавено дека вчера кај наплатната рампа Петровец, лице упатувало закани кон пожарникари кои се движеле со службено...
Меѓународен ден на еднакви плати: жените во Македонија сè уште заработуваат помалку од мажите
Денеска, светот го одбележува Меѓународниот ден на еднакви плати, кој потсетува на потребата од еднакви можности и фер однос на...
Над 500 административци од Скопје денес ги почнаа тренинзите за поголема професионалност, етика и транспарентност
Министерството за јавна администрација, денеска, го одржа првиот дел од најголемата програма за професионален развој на административни службеници во историјата...
Концентрациите на ПМ 10-честичките во зоната на Трубарево се во рамките на дозволените граници, објави Министерството за животна средина
Министерството за животна средина и просторно планирање информира дека во периодот од 17.9.2025 (9.30 часот) до 18.9.2025 (9.30 часот) беа...
(Фото) На Стење фатен патник со златен накит вреден 346 илјади денари
На граничниот премин Стење со Албанија, царинските службеници во соработка со гранична полиција спречија обид за криумчарење на златен накит...
Путин сака да го освои целиот Донбас; Зеленски: Подготвуваат две големи офанзиви наесен
Руските сили подготвуваат уште две големи офанзиви откако три кампањи веќе не успеаја оваа година, изјави украинскиот претседател Володимир Зеленски....
„Влен“: ДУИ партнер на Левицата, за власт ги гази Албанците
„ДУИ падна толку ниско што повеќе не се крие зад сцената, туку отворено се појавува како политички партнер на најалбанофобната...
Трамп: Посетата на Велика Британија е една од најголемите почести во мојот живот
Американскиот претседател Доналд Трамп изјави дека неговата посета на Велика Британија е една од најголемите почести во неговиот живот во...
(Видео) Тројца полицајци убиени, двајца ранети во Пенсилванија, осомничениот убиен
Тројца полицајци беа убиени, а двајца други беа сериозно ранети во Пенсилванија во престрелка со вооружен човек кој подоцна беше...
Шефот на руската војска: Напредуваме на сите фронтови
Руските сили напредуваат во речиси сите правци во конфликтните зони во Украина, изјави вчера началникот на рускиот Генералштаб Валериј Герасимов....
(Фото) Џиновска статуа на Трамп со биткоин поставена пред американскиот Капитол
Златна статуа висока 3,6 метри на претседателот Доналд Трамп, која држи биткоин, беше откриена вчера пред американскиот Капитол во Вашингтон....
„Тајмс“: Велика Британија ќе ја признае палестинската држава овој викенд
Велика Британија формално ќе признае палестинска држава овој викенд, објави „Тајмс“. Премиерот Кир Стармер предупреди во јули дека ќе преземе...
Остра расправа во Уставниот суд: ДИК правилно постапила, независните можат со два потписа да учествуваат на изборите
Правилникот на Државната изборна комисија кој дозволува учество на независните кандидати на изборите со само два потписа е основан и...
Ново обвинение за струшкиот градоначалник Рамиз Мерко за светлата во Црн Дрим
Основното јавно обвинителство Струга поднесе Обвинителен предлог против градоначалникот Рамиз Мерко, за злоупотреба на службена положба. „Осомничениот, во временскиот период...
Увидот во Трубарево отежнат поради затрупувањето на локацијата, се вршат и дополнителни мерења на загадувањето
Скопското обвинителство и увидни екипи на МВР денеска извршија увид на лице место по настанатиот пожар во Трубарево. Увидните дејствија,...
ВМРО-ДПМНЕ: Политичка омраза преку фотомонтажи за трагедијата во Кочани – осуда и пад на сите етички граници
ВМРО-ДПМНЕ со најостра осуда реагира на срамниот, злонамерен и монструозен обид за политичка злоупотреба на трагичните настани во Кочани преку...
„Влен“: ДУИ за власт е подготвена да ја продаде Струга на Левицата, но на 19 октомври Ќира ќе ја ослободи со гласот на граѓаните
„Најновиот скандал што кружи на терен и во јавноста е жив доказ дека ДУИ изгубила секаков вид политичка ориентација. Темниот...
(Видео) Фотографии од Трамп и Епштајн проектирани на замокот Виндзор, извршени апсења
Четири лица се уапсени откако слики од принцот Ендру, Доналд Трамп и осудениот сексуален престапник Џефри Епштајн беа проектирани на...
