Свет
Трамп најави можна интервенција во случајот со директоката на „Хуавеј“
Претседателот на САД, Доналд Трамп, изјави дека би можел да интервенира во случајот со директорката на кинеската телекомуникациска компанија „Хуавеј“, Менг Ванжу, која беше уапсена во Канада.
„Ќе сторам се што е добро за државата“, изјави Трамп во интервју за „Ројтерс“: „Ако мислам дека тоа е добро за нешто кое сигурно ќе биде најголемиот трговски договор некогаш, што е многу важна работа, што е добро за националната безбедност, сигурно ќе интервенирам ако мислам дека е потребно“, рече тој.
Менг (46), е главен финансиски директор на кинескиот производител на мобилни телефони и електронска опрема, а вчера беше ослободена со кауција од 10 милиони канадски долари, но и со многу мерки кои ќе и оневозможат бегство од Канада. Таа ги негира американските обвинувања за измама во врска со наводното кршење на санкциите наметнати врз Иран.
Ванжу е обвинета за користење на подружницата на „Хуавеј“, „Скајком“, за да ги избегне санкциите наметнати кон Иран меѓу 2009 и 2014 година. Таа, наводно, лажно го претставувала „Скајком“ како посебна компанија, а не како подружница на „Хуавеј“.
Апсењето на Менг Ванжу која е ќерка на основачот на „Хуавеј“, Рен Женгфеи, ја налути Кина, која на САД им се закани со уште пожестока трговска војна. Покрај тоа, поранешниот канадски дипломат Мајкл Ковриг е уапсен во Кина по апсењето на Менг, што се толкува како можна одмазда на кинеската влада.
Кинезинката беше уапсена во Канада на 1. декември, а и се заканува екстрадиција во САД. Кина, која тврди дека Менг не прекршила никакви закони, ги повика амбасадорите на САД и Канада и им се закани со сериозни последици ако канадските власти не ја ослободат дирекорката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
БиХ го легализира медицинскиот канабис
Босна и Херцеговина денес ја легализираше употребата на канабис, придружувајќи се на голем број земји кои одобрија употреба на ова растение за ублажување на симптомите на сериозни болести, објави Министерството за граѓански работи на Босна и Херцеговина.
Советот на министри на БиХ ги измени прописите за наркотични дроги, преместувајќи го канабисот од категоријата забранети супстанции во категоријата супстанции под строга контрола, со што го хармонизираше законодавството со меѓународните стандарди. Оваа промена следеше по препораките на Комисијата на Обединетите нации за наркотични дроги и Светската здравствена организација, кои во 2020 година го сместија канабисот во категоријата супстанции со признати медицински својства.
Според новата регулатива, производството, трговијата и поседувањето канабис ќе бидат дозволени само во форма на фармацевтски препарати со лекарски рецепт, а Агенцијата за лекови и медицински помагала на Босна и Херцеговина ќе биде одговорна за надзор на целиот процес, од увоз до употреба од страна на пациентите.
Оваа мерка не значи либерализација на пазарот, туку воспоставување јасна, безбедна и надгледувана рамка за медицинска употреба на канабис.
Иако медицинската употреба на канабис досега беше забранета во Босна и Херцеговина, препаратите што содржат канабиноиди често се продаваа на нелегалниот пазар, без следење на квалитетот и безбедноста.
Одлуката доаѓа по повеќе од една деценија административен процес и усогласување со меѓународните препораки. Босна и Херцеговина сега го следи примерот на други земји каде што лековите базирани на канабис веќе се дозволени за ублажување на симптомите на болести како што се мултиплекс склероза, рак, СИДА и епилепсија.
фото/депозитфотос
Свет
Кремљ: Путин му кажал на Трамп дека го менува својот став по нападот со беспилотни летала
Рускиот претседател Владимир Путин му кажал на американскиот претседател Доналд Трамп дека Русија го преиспитува својот став за мировниот договор по наводниот напад со беспилотни летала врз претседателската резиденција, соопшти Кремљ.
Според Кремљ, Путин го информирал Трамп за нападот за време на денешниот телефонски разговор и му рекол дека токму овој инцидент довел до промена на ставот на Русија во мировните преговори.
Советникот за надворешна политика на Кремљ, Јуриј Ушаков, изјави дека Путин нагласил дека Русија сè уште сака да соработува со САД за мировен договор, но дека нападот ја принудил Москва да ја ревидира својата преговарачка позиција.
Свет
Лавров тврди дека Украина ја нападнала резиденцијата на Путин, стигна реакција од Зеленски
Рускиот министер за надворешни работи, Сергеј Лавров, изјави дека Украина извршила напад со беспилотни летала врз државната резиденција на рускиот претседател Владимир Путин во Новгородската област во текот на ноќта, објави руската новинска агенција Тасс.
Лавров изјави дека Русија ќе ја ревидира својата преговарачка позиција за да го земе предвид, како што изјави, конечниот премин на режимот во Киев кон политика на државен тероризам, според Тасс.
Рускиот шеф на дипломатијата изјави дека целите и времето на руската одмазда се веќе утврдени, но нагласи дека Москва нема намера да се откаже од учеството во преговарачкиот процес поврзан со мировниот план.
Лавров, исто така, потврди дека засега нема информации за жртвите или материјалната штета предизвикана од наводниот напад врз резиденцијата на Путин, објави агенцијата Тасс.
Украинскиот претседател, Володимир Зеленски, рече дека обвинувањето е лага, додавајќи дека Москва подготвува терен за напад врз владини згради во Киев.
Сè уште не е јасно дали Путин бил во резиденцијата во тоа време.
фото/депозитфотос

