Свет
Трамп повторно на суд: Ја „надувал“ вредноста на својот имот за неколку милијарди долари

Поранешниот американски претседател Доналд Трамп се врати на Менхетен – ова е втор пат како дел од истрагата на обвинителката на државата Њујорк, Летиција Џејмс откако таа ја презеде функцијата во 2019 година, јавуваат американските медиуми.
Трамп сведочи како дел од повеќегодишната истрага за неговите афери и семејството.
Трамп се повика на неговите права од Петтиот амандман повеќе од 400 пати за време на неговиот прв говор во август. Тој негираше каква било злоупотреба и рече дека истрагата е политички мотивирана и дека е „лов на вештерки“.
Претседателот Трамп не само што сака, туку и денеска ќе сведочи пред државниот обвинител – изјави во четвртокот адвокатката на Трамп, Алина Хаба.
„Тој останува непоколеблив во својата позиција дека нема што да крие и со нетрпение очекува да го информира јавниот обвинител за огромниот успех на неговата компанија вредна повеќе милијарди долари.
Џејмс, поднесе тужба против Трамп во септември, тврдејќи дека тој и неговата компанија ги заведувале банките и другите за вредноста на неговите средства.
Тужителката според медиумите, тврдеше дека Трамп и неговите деца, Доналд Џуниор, Иванка и Ерик, како и неговите соработници и бизниси, наводно извршиле „многубројни чинови на измама и лажно претставување“ во нивните финансиски извештаи.
Џејмс тврдеше дека Трамп ја „надувал својата нето вредност за милијарди долари“ и рече дека неговите деца му помогнале да го стори тоа.
Трамп ја тужеше Џејмс во ноември, тврдејќи дека таа ја злоупотребила својата позиција како државен обвинител за да го повреди него, неговото семејство и неговиот бизнис. Трамп тврдеше дека Џејмс водела „немилосрдна, деструктивна, јавна и непростлива крстоносна војна“ против него „за да го уништи лично, финансиски и политички“.
Трамп доброволно ја отфрли тужбата во јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Во Њујорк се урна дел од облакодер, се сомнева на експлозија поради гас

Во њујоршката населба Бронкс утрово делумно се урна облакодер, а првичните информации укажуваат на експлозија на гас како можен причинител, јавуваат локалните медиуми.
Инцидентот се случил нешто по 8 часот наутро во станбениот комплекс „Мичел хаусес“,. Станува збор за 20-катница во која, според противпожарната служба, се урнало окното за согорување отпад што се протега по целата висина на зградата.
🚨🇺🇸BREAKING: GAS EXPLOSION TRIGGERS BUILDING COLLAPSE IN NYC
Authorities confirm a partial collapse at 205 Alexander Ave in Mott Haven in the Bronx after a reported gas explosion.
Firefighters are clearing debris and searching the building with K-9 units, drones, and… pic.twitter.com/HnMpkX4m4j
— Mario Nawfal (@MarioNawfal) October 1, 2025
На терен веднаш излегле бројни противпожарни екипи. Снимки од воздух прикажуваат десетици пожарникари кои ја проценуваат ситуацијата, додека на зградата јасно се гледа дека окното се одвоило од остатокот на конструкцијата.
Според првичните информации, се верува дека уривањето било предизвикано од експлозија на гас во самото окно за отпад. За среќа, од противпожарната служба соопштија дека засега нема пријави за повредени лица.
Истражувањето за точната причина на инцидентот е во тек, а властите се на терен за да ја обезбедат областа и да ги утврдат сите околности на настанот.
Свет
Хорор во Италија: Родители од Бангладеш ја тепале и дрогирале ќерка им за да ја натераат на договорен брак

Брачна двојка од Бангладеш, со живеалиште во Римини, Италија, е уапсена под сомнение дека ја тепале и дрогирале својата 18-годишна ќерка за да ја присилат да прифати договорен брак во Бангладеш, соопшти италијанската полиција.
Според истрагата, девојката била заклучувана дома, тепана и дрогирана, а при патувањето во Дака роднините ѝ одзеле документи и ја принудиле да зема лекови. Таму ѝ бил организиран состанок со маж постар од неа 10 години.
Таа успеала да контактира советувалиште за здравје на жени и преку нив и карабинерите, кои ја презеле на аеродромот во Болоња и ја сместиле на безбедна локација.
Родителите, на возраст од 55 и 42 години, се ставени во куќен притвор и се товарат за семејно насилство, присила и наведување на брак.
Свет
Џими Кимел се врати на ТВ и веднаш жестоко удри по Трамп

Познатиот американски комичар и водител Џими Кимел штотуку се врати на малите екрани, а веќе предизвика бура со острите критики кон Доналд Трамп. Изгледа дека воопшто не се плаши од нова суспензија, со оглед на тоа што во синоќешната емисија беше немилосрден кон американскиот претседател.
Eмисијата беше привремено суспендирана „на неопределено време“ откако на 15 септември Кимел ја коментираше смртта на Чарли Кирк. Водителот тогаш зборуваше за „политизацијата“ на смртта на 31-годишникот и за реакцијата на Доналд Трамп, што доведе до одлуката на ТВ куќата „Еј-би-си“. Одлуката предизвика негодување кај бројни јавни личности, но и одушевување кај самиот Трамп. Сепак, суспензијата беше укината и 57-годишниот водител се врати пред камерите.
Во своето враќање на 29 септември, Кимел веднаш се нафрли на одлуката на Трамп да ги декласифицира досиејата за Амелија Ерхарт, пилотка која исчезнала во 1937 година. Трамп на својата мрежа Truth Social напиша: „Многумина ме прашаа за животот и времето на Амелија Ерхарт, толку интересна приказна. (…) Наредувам мојата администрација да ги декласифицира и објави сите владини записи поврзани со Амелија Ерхарт, нејзиното последно патување и сè друго во врска со неа. Ви благодарам за вниманието посветено на ова прашање!“
Кимел цинично прокоментира дека претседателот „вредно работи“ и измислува „секакви глупости“ за да го одврати вниманието од наводните досиеја за Епстајн. „Освен ако нејзиниот последен лет не бил на островот на Џефри Епстајн, никого не го интересира. Барем стигна до буквата ‘E’ во списите. Тоа е напредок,“ рече Кимел.
Забелешката на Кимел се однесува на силниот притисок на јавноста и политиката врз администрацијата на Трамп да ги објави сите документи поврзани со Џефри Епстајн, кој изврши самоубиство во затвор во август 2019 година. Минатиот месец, Одборот за надзор на Претставничкиот дом објави 33.295 страници документи, меѓу кои записи за летови, снимки од надзорни камери и е-пошта.
Во т.н. „роденденска книга“ беше пронајден и цртеж на женско тело за кој се тврди дека го носи потписот на американскиот претседател. Трамп остро демантираше било каква поврзаност со цртежот, нарекувајќи го „лажна работа“, додека неговите адвокати тврдеа дека „не постои автентично писмо или цртеж“. Во меѓувреме, демократите во Конгресот објавија и дополнителни досиеја во кои се појавуваат повеќе познати имиња, меѓу кои и Илон Маск, кој подоцна објасни зошто неговото име се нашло во документите.