Свет
Трамп: Политиката на Бајден е одговорна за колапсот на моќната американска банка

Поранешниот американски претседател Доналд Трамп, коментирајќи го неодамнешниот колапс на американската банка во Силициумската Долина, СВБ, ја обвини економската политика на претседателот Џозеф Бајден за таквата состојба додавајќи дека на повидок се нови финансиски колапси.
„Со она што се случува во нашата економија и предлозите од најголемото и најглупаво зголемување на даноците во историјата на САД, и тоа петпати, Џо Бајден ќе остане запаметен како современиот Херберт Хувер (американски претседател за време на големата депресија)“, рече Трамп на својата социјална мрежа Social Truth, пренесе „Њузвик“.
Според него, ќе имаме голема депресија, поопасна од онаа во 1929 година. Големата депресија е глобален економски колапс, што почна во 1928 година во САД и траеше до 1939 година.
Тоа беше најдолгиот и најостар пад што некогаш го доживеал индустријализираниот Запад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.