Свет
Трамп: Путин и Шји се многу паметни луѓе, со нашата глупава политика ги натеравме да се здружат

На големиот митинг на неговите приврзаници во градот Вако, Трамп првин повтори дека претседателот Џо Бајден ги претворил САД во банана република.
Затоа веднаш предупреди: „Такви станавме, но ова е наша земја и нема да ја толерираме!“
Потоа повторно оцени дека главна закана за САД не е ниту Кина ниту Русија, туку врвот на администрацијата на Бајден.
За итни проблеми, кои треба да се решат како приоритет, тој се изјасни: заштитата на американските граници, изборниот и гласачкиот систем и фактот што агенциите за спроведување на законот и заштитата станаа политичко оружје.
„Ако не победиме на изборите во 2024 година, нашата земја е осудена на пропаст“, ги предупреди тој своите сонародници од Вако.
На средбата тој исто така рече дека Владимир Путин и Шји Џјинпинг во Москва се договориле за светскиот поредок во следните 100 години.
„Сега Русија, Кина и Иран се заедно. Видовте паметен претседател Шји Џјинпинг и паметен претседател Путин – многу паметни луѓе – како зборуваат за светскиот поредок во следните сто години. За големо ‘ресетирање’ невидено во последните 100 години. Ја слушнавте таа неверојатна изјава додека стоеја, а микрофонот остана вклучен. Тоа е страшна изјава. Русија, Кина и Иран сега се здружија и формираа сојуз. Тоа е нешто невозможно. Според природата на работите, многу е тешко да се обединат Русија и Кина. Но, ние ги принудивме да се здружат со нашата глупава енергетска политика. А ним им се придружија Иран и Саудиска Арабија“, предупреди Трамп.
„Сето тоа се случи за време на Бајден. Тоа е неверојатно. И сето тоа се случи во изминатата една и пол година. Имав добри односи со Путин. Сакаше мир, а сега, се чини, ќе добие сè. Неговиот разговор со Шји за светскиот поредок е една од најтажните работи што можете да ги замислите“, порача Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.